यूहन्‍ना 3:29 - ह्योल्‍मो

²⁹ काहदी मिह ङ्याम्‍बु नामा साम्‍बा तेहकें ओ़हदीॱराङ माहक्‍पा साम्‍बा यिहम्‍बा। माहक्‍पा साम्‍बा पोहला लाहङदी तेहकें रो़ह माहक्‍पा साम्‍बागी क़े थे़दी क़ेहनाङ पेहकें। ओ़ह सोङबे ङाहती दि काहसो ता़ह छाङबु काहल्‍दी येह।

यूहन्‍ना 3:29 ပူးပေါင်းရင်းမြစ်များ

मत्ती 22:2

“किन्‍ज्‍योगी क्‍याहल्‍सीनी राहङगी पुहगी पा़हमाला डोम्‍बोया़ला डेन तेर्च्‍येला क़े क्‍याहप्‍केन स्‍यिहङगामगी क्‍याहल्‍बु च्‍यी़ ङ्याम्‍बु तुहर ख़ूएँ।

मत्ती 25:1

“ओहले स्‍यिहङगामगी क्‍याहल्‍सी पोहमो स्‍यार्मा याहङबा च्‍यु ङ्याम्‍बु तुहर ख़ूएँ। खुङया़गी राहङ-राहङगी लो ख्‍येर्ती माहक्‍पा साम्‍बाला थू़ज्‍येला काहल्‍सीन।

मत्ती 9:15

येशूगी खुङया़ला सुङ नाङसीन, “माहक्‍पा साम्‍बा खुङया़ ङ्याम्‍बु तेहकेमु च्‍यि जन्तीबाया़गी तुहङाल पेहती ङ्युङने तेहकें ले? यिहॱनाङ दि ल़ेहमु ती़हजी च्‍यिॱआङ ओहङज्‍ये येह, माहक्‍पा साम्‍बाला खुङया़ ङ्याम्‍बु खा फ़ेदी ख्‍येर्केमु गा खुङया़ ङ्युङने तेहच्‍ये येह।”

लूका 15:6

खाङबाला लेप्‍ती खो राहङगी रो़हया़ दाङ टोहङरोया़ला क़े क्‍याहप्‍ती माएँ, ‘ङाहती तोरक्‍यो ल़ूह ङाहगी च्‍य़ेह सिहन्‍सीन! ता़ह ङाह ङ्याम्‍बुराङ ख्‍याया़ॱआङ क़ेहनाङ पेहतोङ!’ म़ेदी माएँ।

यूहन्‍ना 15:11

ङाहगी काहसो ख्‍या ङ्याम्‍बु तेहच्‍यु, ओहले ख्‍या क़ेहनाङगी काहङ ख़ूज्‍यु म़ेदी ङाहगी ख्‍याला दि तामया़ माक्‍यो यिहम्‍बा।

यूहन्‍ना 16:24

ताहन्‍दा थु ख्‍यागी ङाहती मिहनला च्‍यिॱआङ लाङदी म़ेह। लाङदोङ, ओहले ख्‍यागी ज्‍योर्च्‍ये येह, दि ल़ेहमु पेहती ख्‍यागी काहसो छाङबु डोज्‍ये येह।

यूहन्‍ना 17:13

यिहॱनाङ ता़हनी ङाह राहङसाला ओहङगेॱराङ येह। खुङया़गी सेम ङाहती काहसोगी काहङ्येॱराङ काहङ ख़ूज्‍यु म़ेदी ङाह दि केच्‍याया़ जाम्‍बुलीङला येहकेमुराङ माएँराङ येह।

यूहन्‍ना 3:30

मिहरो छ्येरो-छ्येरो डो कोहएँ, ओहले ङाहदी च्‍युङरो-च्‍युङरो डो कोहएँ” म़ेदी यूहन्‍नागी मासीन।

२ कोरिन्‍थी 11:2

किन्‍ज्‍योगी ख्‍याया़ला ठादो जे नाङग्‍यो ल़ेहमु ङाहॱआङ ख्‍याया़ला ठादो पेहकें। च्‍यिमे च्‍यी़राङ माहक्‍पा साम्‍बा मास्‍यीका ङ्याम्‍बु ङाहगी ख्‍याया़ला लाङज्‍याङ पेह तेर्सीन, ता़ह ङाह ख्‍याया़ला च्‍यिॱआङ क्‍येन म़ेहबा नाम्‍पार-ताहक्‍पा नामा साम्‍बाला ल़ेहमु पेहती माहक्‍पा साम्‍बागी लाहक्‍पाला च्‍योल्‍ज्‍ये सेम्‍बा येहबा।

फिलिप्‍पी 2:2

ओ़हठी यिहन्‍सीमाना ख्‍याया़ सेम च्‍यी़, लो च्‍यी़ डी़दी तेहतोङ ओहले चेवा च्‍यी़ला तेहतोङ ओहले तेहन्‍दा च्‍यी़लाॱराङ डी़दी ङाहला क़ेहनाङ लाहङ च्‍य़ूदोङ म़ेदी ङाह ख्‍याया़ला ओहर-छ्य़े स्‍युहउ येह।

१ यूहन्‍ना 1:4

ओहले ङ्यिहगी सेम लो तेहमु तेहन्‍दा डुप ख़ूज्‍यु म़ेदीराङ दि ताम प्रुहएँॱराङ येहबा।

२ यूहन्‍ना 1:12

ङाहगी ख्‍याया़ला प्रुह कोहकेन्‍गी तामया़नी माहङबुराङ येह, यिहॱनाङ ता़ह ङाह ख्‍याया़ला स्‍युगु दाङ फुल-डिन लाहमले च्‍यी़राङ मिहम्‍बा ता़ह थ़ूदेराङ ङाह ख्‍याला थाम्‍ज्‍यीराङ तामया़ माएँ म़ेदी रेहवा पेहको येहबा। ओहजेला ङाह ज्‍यिबुराङ सेम काहसो ओहङज्‍ये येह।

ज्‍याल्‍गा 21:9

ज्‍युक्‍स्‍योलला ओ़ह छ्यिम्‍बु तुहक्‍पु तिहनगी काहङग्‍यो फार्को तिहन नोम्‍ग्‍यो स्‍यिहङगामकी स्‍याहप्‍च्‍यी तिहन नाहङले च्‍यी़ ङाहसाला फेप्‍ती दि ल़ेहमु सुङ नाङसीन, “स्‍यो, ङाह ख्‍येला ल़ूह स्‍ये़बुकी पी़हमी, मिहरोगी नामा साम्‍बा तेन तेर्के।”