Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यूहन्‍ना 3:21 - ह्योल्‍मो

21 यिहॱनाङ तेहन्‍दामगी स्‍याहल ङ्यिहन्‍गेन मिहदी क्‍या-साङेला ओहङगे ओहले दि ल़ेहमु पेहती खोगी पेहक्‍योगी ल़ेहया़ थाम्‍ज्‍यीराङ किन्‍ज्‍यो लाहमले पेहक्‍यो यिहन माएँ ताम छ्यिसाल-नाहङसाल थोङ ख़ूएँ।”

အခန်းကိုကြည့်ပါ။ ကော်ပီ




यूहन्‍ना 3:21
31 ပူးပေါင်းရင်းမြစ်များ  

येशूगी नथानेलला राहङ ङो़ले ओहङगेॱराङ पेहक्‍यो ज़ी़दी खोगी तेहन्‍दाला सुङ नाङसीन, “त़ेदोङ, खो तेहम्‍बा-तेहन्‍सुमॱराङ इस्राएली यिहन, खोला च्‍यिॱआङ क्‍येन म़ेह।”


च्‍यिबेमाना ल़ेह ङ्येहम्‍बा पेहकेन मिहगी क्‍या-साङेला ङेन्‍ज्‍येन पेहकें, ओहले खुङ क्‍या-साङेला मेहयोहङगे, मिहन्‍सीमानानी खोगी पेहक्‍यो ल़ेह चोक्‍पाया़ क्‍या-साङेला थोङज्‍ये येह।


ख्‍यागी सुङरापला था़ म़ेहबा मिहली ज़ाङबु ज्‍योर्के म़ेदी सुङराप लोङदीनी ताएँ। ङाहगी तेहन्‍दाला पाङबु तेर्केन्‍दी ओ़ह सुङरापॱराङ यिहन।


किन्‍ज्‍योकी थु ङ्य़ेबु ल़ेह पेहच्‍ये छोल्‍गेया़गी दि सुङदेन किन्‍ज्‍यो लाहमले ओहङग्‍यो यिहम्‍बानी ङाह राहङ लाहमलेॱराङ ओहङग्‍यो यिहम्‍बा माएँ ताम ङोह स्‍ये़ज्‍ये येह।


यिहॱनाङ ताहन्‍दा ङाह काह-ठि येहबा, ओ़ह थाम्‍ज्‍यी किन्‍ज्‍योगी काटीनगीॱराङ यिहम्‍बा ओहले मिहरोगी ङाहगी मिहजीला जे नाङग्‍योकी काटीन स्‍यिती काम्‍बुला थोरो माहकाहल। तोहरोङ खुङया़गी म़ेदीॱआङ माहङबु ङाहगी तुहक्‍पु पेहसीन। यिहॱनाङ ङाहगी मिहम्‍बा, ङाह ङ्याम्‍बु ज़्‍य़ू नाङगे किन्‍ज्‍योगी काटीनगी यिहम्‍बा।


ङ्यिह दि जाम्‍बुलीङला च्‍यी़राङ मिहम्‍बा यिहॱनाङ ख्‍याया़गी दिनॱलाङ ङ्यिहगी राहङगी डोलु-तेहलुया़ टाहङबु पेहती किन्‍ज्‍योगी थु-ङ्य़ेबुगी मिहजी ताङदी येहबा दि तामला ङ्यिह ख्‍याया़ला छ्य़ेन्‍दो तेन्‍दी मा ख़ूएँ ओहले ङ्यिहगी राहङगी नावागीॱआङ दिराङ पाङबु तेर्के, दि जाम्‍बुलीङगी रिहक्‍स्‍यी लाहमले मिहम्‍बा, यिहॱनाङ दि किन्‍ज्‍योगी काटीन लाहमले यिहम्‍बा।


का़हन्‍दीगी तिहक्‍पाकी सेम्‍बा लाहमले सेनया़ ताप्‍के खोगी ओ़ह लाहमलेॱराङ स्‍यिएँगी कामेया़ रुज्‍ये येह यिहॱनाङ का़हन्‍दीगी यिहक्‍तेन सेनया़ ताप्‍के खोगीती ओ़ह लाहमलेॱराङ नाहमॱआङ मिहस्‍यीएँगी मिहलीकी कामेया़ रुज्‍ये येह।


च्‍यिबेमाना क्‍या-साङेकी लाहमला डोएँ मिहया़गी नामे-नाजो ल़ेह या़हबुया़ पेहकें, खो टाहङदेन दाङ तेहन्‍दाम ओहङगे।


किन्‍ज्‍योकी ज़िज्‍यिद दाङ त़ेरा तेच्‍याकी तेहन्‍दाला येशू मास्‍यीका लाहमले ओहङगेन टाहङदेनकी सेदोगी ख्‍याया़ काहङदी तेहतोङ।


च्‍यिबेमाना किन्‍ज्‍योगी ख्‍यागी पाहरक्‍यीला नाहम-माना छ्या़ले जे-नाङदी येह। मिहरोगी थु-सेम जे नाङग्‍योकी छ्या़लेया़ तेहन्‍दा डुप च्‍य़ूज्‍येला मिहरोगीॱराङ ख्‍याया़ला सेम्‍बा दाङ ओङ नाङगे।


मास्‍यीकागी नाङग्‍यो ङाह नाहङला छ्या़ले जे नाङगे वाङज्‍या छ्यिम्‍बुगीॱराङ ङाह सेम तिहङ यिहन्‍ज्‍युराङ कादुप च्‍येती दि ल़ेह पेहकें।


ख्‍याया़ला नामे-नाजो या़हबु गीनया़गी छाङबु ज़ो नाङज्‍यु, ओहले ख्‍याया़गी मिहरोगी थु-सेम तेहन्‍दा डुप च्‍य़ू ख़ूज्‍यु। ख्‍याया़गी मिहरोला थु ङ्ये़एँगी ल़ेह पेह ख़ूज्‍यु म़ेदी येशू मास्‍यीका लाहमले मिहरोगी ख्‍याया़गी सेमला छ्या़ले जे नाङज्‍यु। नाहम्‍स्‍यी किन्‍दु येशू मास्‍यीकाकी ज़िज्‍यिद ओहङज्‍यु।


ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।


का़हलेॱआङ ओहराङगी छोक्‍पा किन्‍ज्‍यो ङ्याम्‍बु येह म़ेदी माएँ, यिहॱनाङ ओहराङदी ना़-जुबेलाराङ डे़दी तेहसीमानानी ओहराङगी स्‍योप क्‍याहप्‍क्‍यो ओहङगे ओहले ओहराङगी तेहन्‍दामगी मिहजी ताङग्‍यो मेहयोहङगे।


ए ङाहगी च्‍याहम्‍बु नो़ह, चोक्‍पा तामया़ला पे ताॱराङ माहता, यिहॱनाङ या़हबु तामया़ला पे त़ेदोङ। का़हन्‍दीगी या़हबु पेहकें, ओ़ह किन्‍ज्‍योदी यिहम्‍बा, ओहले का़हन्‍दीगी चोक्‍पा पेहकें, खोगी किन्‍ज्‍योला ङोह स्‍य़ेक्‍यो मेहयोहङगे।


ङाहला ख्‍येगी ल़ेहया़ क्‍यी़ह येहबा। ख्‍येनी टोहमुॱआङ मिहम्‍बा, टाहङमुॱआङ मिहम्‍बा काहल दु! क्‍यिनी टोहमु क्‍यिनी टाहङमु येहना ओहङज्‍ये येहकें!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ