यूहन्‍ना 3:19 - ह्योल्‍मो

¹⁹ किन्‍ज्‍योगी आप्‍ता च्‍ये नाङग्‍योदी दिराङ यिहम्‍बा: क्‍या-साङे जाम्‍बुलीङला फेप सिहन्‍दी येह, ओहले मिहया़गी क्‍या-साङेला म़ेदीॱआङ माहङबु ना़-जुबेला चा़ पेहसीन, च्‍यिबेमाना खुङया़दी ल़ेह ङ्येहम्‍बा येहकें।

यूहन्‍ना 3:19 ပူးပေါင်းရင်းမြစ်များ

लूका 12:47

“ताहक्‍पुगी सेम ङोह स्‍य़ेदीॱआङ पेह कोहएँगी ल़ेह मेहबेगे योक्‍पुया़ला ताहक्‍पुगी ङ्य़ेहबा छ्यिम्‍बु काल्‍ज्‍ये येह।”

लूका 16:14

दि थाम्‍ज्‍यी ताम थे़दी फरिसीया़गी येशूगी स्‍याहला स्‍ये़हन्‍डील पेहसीन। च्‍यिबे मासीमाना खुङया़ला क्‍युहराङ चा़ छ्यिम्‍बु येहकें।

यूहन्‍ना 1:4

मिहरो ङ्याम्‍बु मिहली येहकें, ओहले ओ़ह मिहली मिहया़गी येहसेर येहकें।

यूहन्‍ना 1:5

ओ़ह येहसेर ना़-जुबेला येहपा छ्या़गे ओहले ना़-जुबेगी ओ़ह येहसेरला नाहमॱआङ क्‍याहल मा़हखु।

यूहन्‍ना 12:31

ता़ह दि जाम्‍बुलीङला ठिम ताङगेन्‍गी ती़हजी लेप सिहन्‍सीन। ता़ह दि जाम्‍बुलीङला ओङ छ्य़ेगे ती़ह गो-छ्येवाला फिला तेन्‍ज्‍ये येह।

यूहन्‍ना 12:43

खुङया़गी किन्‍ज्‍यो लाहमले म़ेदीॱआङ मिहया़गी क्‍या़क्‍योदी या़हबु ने़उ येहकें।

यूहन्‍ना 12:46

जाम्‍बुलीङगी येहसेर ङाहराङ यिहन। ङाहला यिह छ्य़ेगेया़ सुज्‍यीॱआङ ना़-जुबेला माहछ्यीज्‍यु म़ेदी ङाह जाम्‍बुलीङला ओहङसीन।

यूहन्‍ना 5:44

ओहले ख्‍या राहङ नाहङदोङराङ च्‍यी़गी च्‍यी़ ङ्याम्‍बु ची़नाङ छोल्‍गु दु यिहॱनाङ च्‍यिमे च्‍यी़राङ ज़्‍य़ू नाङगेन किन्‍ज्‍यो लाहमले ओहङगेन्‍गी ची़नाङला मेहछोल्‍सीमाना ख्‍यागी काह-ठि पेहती यिह-छ्य़े ख़ूज्‍ये ले?

यूहन्‍ना 7:17

किन्‍ज्‍योकी थु ङ्य़ेबु ल़ेह पेहच्‍ये छोल्‍गेया़गी दि सुङदेन किन्‍ज्‍यो लाहमले ओहङग्‍यो यिहम्‍बानी ङाह राहङ लाहमलेॱराङ ओहङग्‍यो यिहम्‍बा माएँ ताम ङोह स्‍ये़ज्‍ये येह।

यूहन्‍ना 7:7

जाम्‍बुलीङगी मिहया़गी ख्‍याला ङेन्‍ज्‍येन पेह मी़हखुएँ, यिहॱनाङ ङाहलादी ङेन्‍ज्‍येन पेहकें, च्‍यिबेमाना ङाहगी जाम्‍बुलीङगी मिहया़ती डोलु-तेहलुया़ चोक्‍पा येह म़ेदी पाङबु तेर्के।

यूहन्‍ना 8:12

येहपाराङ येशूगी खुङया़ला सुङ नाङसीन, “ङाह जाम्‍बुलीङगी येहसेर यिहम्‍बा। ङाहला तिङ ङ्या़गेया़ नाहमॱआङ ना़-जुबेला डो कोहज्‍ये म़ेह, यिहॱनाङ खोगी मिहली तेर्केन्‍गी क्‍या-साङे ज्‍योर्च्‍ये येह।”

यूहन्‍ना 9:5

ङाह जाम्‍बुलीङला तेहकें थु ङाहराङ जाम्‍बुलीङगी क्‍या-साङे यिहन।”

रोमी 1:32

दि ल़ेहमु ल़ेह पेहकेन मिहया़ स्‍यिज्‍ये सी़हएँदी ओहङगे माएँदी किन्‍ज्‍योकी छ्य़े-ठिम ङोह स्‍य़ेदी स्‍य़ेदीॱआङ खुङगी दि ल़ेहमु ल़ेहया़ च्‍यी़राङ पेहकें मिहम्‍बा, यिहॱनाङ दि ल़ेहमु ल़ेह पेहकें मिहया़ ङ्याम्‍बु निङ थाक्‍पा यिहन्‍ज्‍युराङ डी़गे।

रोमी 2:8

लाहला मिहया़गी राहङला च्‍यी़राङ निङज्‍यी पेहकें, तेहन्‍दामला मी़हचीएँ ओहले ल़ेह ङ्येहम्‍बाया़ पेहती डोएँ। ओ़ह ल़ेहमु मिहया़ किन्‍ज्‍योकी राहङगी मेह पाहरक्‍यो ल़ेहमु थुयालला छ्यिच्‍ये येह।

२ थेसलोनिकी 2:12

ओ़ह सोङबे खुङया़गी तेहन्‍दामकी स्‍याहलला यिह मा़हछ्ये, यिहॱनाङ चोक्‍पा ल़ेहया़ पेहच्‍येलाॱराङ खुङया़ला या़हबु ऩेसीन। ओ़ह सोङबे खुङया़ला ङ्य़ेहबा फो़सीन।

१ पत्रुस 2:8

छ्य़ेगी सुङ नाङगे, “तोह च्‍यी़, का़हन्‍दीगी मिहया़ला नार्तो क्‍याहप च्‍य़ूगे, तोह-पा़रा च्‍यी़, का़हन्‍दीगी खुङया़ला रिहल च्‍य़ूगे।” च्‍यिबेमाना खुङ लुहङला मी़हचीएँ ओहले रिहल्‍गे। दि केच्‍या खुङया़गी तेहन्‍दाला किन्‍ज्‍योगी राहङगी थुला तोहङलेराङ ठुङ सिहन्‍दी येहकें।

२ पत्रुस 3:3

थाम्‍ज्‍यी म़ेदी तोहङले ख्‍याया़गी दि तामया़ ङोह स्‍य़े कोहएँ, तिङमागी ङ्यिहमाया़ला राहङगी सेमला ने़जेबाकी चोक्‍पा लाहमया़ला स्‍य़ूहदी डोएँकी मिहया़ थेन्‍दी ओहङज्‍ये येह, ओहले खुङया़गी ख्‍याया़ला स्‍ये़हन्‍डील पेहकेनॱराङ दि ल़ेहमु माज्‍ये येह,