यूहन्‍ना 3:18 - ह्योल्‍मो

¹⁸ का़हन्‍दीगी किन्‍ज्‍योकी स़ेबुला यिह छ्य़ेगे खोला ङ्य़ेहबा फो़ज्‍ये म़ेह, यिहॱनाङ यिह मेहछ्य़ेया़ला तोहङलेराङ ङ्य़ेहबा फो़ सिहन्‍दे येहबा, च्‍यिबेमाना खोगी किन्‍ज्‍योगी च्‍यिमे च्‍यी़राङ स़ेबुकी छेनला यिह छ्य़ेक्‍यो म़ेह।

यूहन्‍ना 3:18 ပူးပေါင်းရင်းမြစ်များ

मर्कूस 16:16

यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

यूहन्‍ना 1:12

यिहॱनाङ काहजे मिहया़गी मिहरोला ची़नाङ पेहपा ओहले मिहरोगी छेन थो़ला यिह छ्य़ेबा, मिहरोगी खुङया़ला किन्‍ज्‍योकी छार्क्‍यीन डोएँगी ओङ नाङसीन।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

यूहन्‍ना 3:16

च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

यूहन्‍ना 6:40

च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

यूहन्‍ना 6:47

तेहम्‍बाराङ ङाह ख्‍याया़ला माएँ, का़हन्‍दीगी ङाहला यिह छ्य़ेगे खो ङ्याम्‍बु था़ म़ेहबा मिहली ज़ाङबु येह।

रोमी 5:1

ओ़ह सोङबे ओहराङ यिह-छ्य़े लाहमले किन्‍ज्‍योकी दिनला टाहङबु सी़ह ख़ूसीन। ओहले ओहराङकी चो़वो येशू मास्‍यीका लाहमले ओहराङ किन्‍ज्‍यो ङ्याम्‍बु थिन ख़ूसीन।

रोमी 8:1

ओ़ह सोङबे मास्‍यीका येशूला येहकेन मिह थाम्‍ज्‍यीला किन्‍ज्‍योगी ङ्य़ेहबा काल नाङज्‍ये म़ेह।

रोमी 8:34

ता़ह खुङला सुगी ङ्य़ेहबा काल ख़ूज्‍ये? मास्‍यीका येशू टोहङ नाङसीन यिहॱनाङ टोहङग्‍योया़ नाहङला मिहरो येहपाराङ सोम्‍बो ज़्‍याङ नाङसीन, ओहले ताहन्‍दा मिहरो किन्‍ज्‍योकी योबा ङो़ले ज़्‍य़ू नाङदी येहबा, ओहले मिहरोगी ओहराङगी तेहन्‍दाला किन्‍ज्‍यो ङ्याम्‍बु ओहर-छ्य़े स्‍युह नाङगे।

हिब्रू 12:25

जेम्‍बु पेह, ख्‍या ङ्याम्‍बु स्‍याहल सुङ नाङगे सुङ-क़ेला मा-लोक माहबे। च्‍यिबेमाना दि जाम्‍बुलीङला ज्‍यी़-ङोर नाङगेन्‍दीला मा-लोक पेहकेनया़ थार मा़हखु मासीमाना स्‍यिहङगामले माहर ज्‍यी़-ङोर नाङगेन्‍दीला मा-लोक पेहसीमाना ओहराङ काह-ठि पेहती थार ख़ूज्‍ये ले?

हिब्रू 2:3

देजे छ्यिम्‍बु थार्पाला नोम्‍साङ मेहताङसीमानानी जेन काह-ठि पेहती ओहराङ थार ख़ूज्‍ये ले? दि थार्पा तोहङस्‍यो चो़वोगीॱराङ प्रा साल नाङसीन। मिहरोगी प्रा साल नाङग्‍योकी लुहङ ङ्यिहन्‍गेया़गी दि तेहम्‍बा यिहन म़ेदी ङ्यिहला पाङबु तेर्सीन।

हिब्रू 3:19

ओ़ह सोङबे ओहराङगी थोङ ख़ूएँ, खुङगी यिह मा़हछ्येबा सोङबेॱराङ खुङ थाङ सोएँ ग्‍या़ला स्‍युह माहङ्युहङ।

१ यूहन्‍ना 3:23

किन्‍ज्‍योगी का च्‍यि यिहम्‍बा मासीमाना किन्‍ज्‍योगी स़ेबु येशू मास्‍यीकाला यिह-छ्य़ेबु ओहङ कोहएँ ओहले मास्‍यीकागी सुङ नाङग्‍यो ल़ेहमुराङ ओहराङ थाम्‍ज्‍यीगी च्‍यी़गी च्‍यी़ला चेवा पेह कोहएँ यिहम्‍बा।

१ यूहन्‍ना 4:9

किन्‍ज्‍योगी ओहराङला दि ल़ेहमु जेती चेवा जे नाङसीन– मिहरोगी राहङगी स़ेबु लाहमले ओहराङगी था़ म़ेहबाकी मिहली ज्‍योर ख़ूज्‍यु सुङदी मिहरोगी राहङगी च्‍यी़मे च्‍यी़राङ स़ेबुला दि जाम्‍बुलीङला ताङ नाङसीन।

१ यूहन्‍ना 5:10

ओ़ह सोङबे किन्‍ज्‍योगी स़ेबु थो़ला यिह छ्य़ेगे मिहगी राहङगी सेम नाहङला दि पाङबुॱराङ ओहङगे। यिहॱनाङ किन्‍ज्‍योला यिह मे़हछ्येगे मिहगी किन्‍ज्‍योगी पाङबु तेर्केया़ला स्‍योप क्‍याहप्‍क्‍यो यिहन म़ेदी नोम्‍साङ ताङगे च्‍यिबेमाना स़ेबुगी तेहन्‍दाला किन्‍ज्‍योगी नाङग्‍यो पाङबुला खोगी यिहॱराङ मे़हछ्येएँ।

१ यूहन्‍ना 5:12

किन्‍ज्‍योगी स़ेबु येहकें ङ्याम्‍बु मिहली ओहङगे, किन्‍ज्‍योगी स़ेबु म़ेहबा ङ्याम्‍बु मिहली मेहयोहङगे।