ख्याया़गी छ्य़ेला प्रुहक्योगी दि स्याहलगी तेहन्दा ङोह स्ये़ज्ये छोल्दोङ– ‘ङाहला सेम्ज्येनया़गी मार्च्ये मिहम्बा, ख्याया़गी चेवा पेहच्यु म़ेदी ङाहगी सेम्बा येह।’ च्यिबेमाना ङाह टाहङबुया़ला मिहम्बा, यिहॱनाङ तिहक्च्येम्बाया़ला गा थार च्य़ूज्येला ओहङग्यो यिहम्बा” म़ेदी येशूगी सुङ नाङसीन।
यूहन्ना 3:16 - ह्योल्मो16 च्यिबेमाना किन्ज्योगी जाम्बुलीङला दे़ज्ये माहङा चेवा जे नाङसीन, मिहरोगी राहङगी च्यिमे च्यी़राङ स़ेबुॱआङ नाङसीन। किन्ज्योकी स़ेबु थो़ला यिह छ्य़ेगे सुज्यीॱआङ तोङदी डोज्ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्योर्च्ये येह। အခန်းကိုကြည့်ပါ။ |
यूहन्ना 3:16
28 ပူးပေါင်းရင်းမြစ်များ
च्यिबेमाना ओहराङ किन्ज्योगी टाह येहकेमुराङ मिहरोगी स़ेबु ओहराङगी तेहन्दाला टोहङ नाङसीन ओहले मास्यीकाकी स्यिवा लाहमले किन्ज्योगी ओहराङला राहङदीराङ रो़ह ज़ो नाङदी येह मासीमाना, ता़ह ओहराङ तोहरोङ माहङबु किन्ज्यो ङ्याम्बुराङ डी़क्यो सोङबे मास्यीकाकी मिहली लाहमले किन्ज्योगी ओहराङला थार च्य़ू नाङज्ये येह।
यिहॱनाङ ओहराङगी येशूला थोङ ख़ूएँ। किन्ज्योगी येशूला याहम्बीज्यीगी तेहन्दाला च्यी़राङ स्यिहङगामकी स्याहप्च्यीया़ म़ेदी फेमा ज़ो नाङसीन। किन्ज्योगी काटीन लाहमले मिह थाम्ज्यीगी तेहन्दाला येशू टोहङ नाङसीन। दि तुहक्पु येशूगी खुर नाङग्यो सोङबे किन्ज्योगी मिहरोला ज़िज्यिद दाङ ची़नाङ जेती पेस्यो केन नाङसीन।
त़ेदोङ, याहप्च्येन आबागी ओहराङला काहजे माहङबु निङज्यी जे नाङगु दु! मिहरोगी निङज्यीगी पेहती ओहराङ किन्ज्योगी छार्क्यीनया़ काहल्दी येहबा, यिहन्ज्येॱआङ ओहराङ तेहम्बाराङ किन्ज्योगी छार्क्यीनया़राङ यिहम्बा। ओ़ह सोङबे जाम्बुलीङकी मिहया़गी ओहराङला ङोह मे़हस्येएँ च्यिबेमाना खुङया़गी किन्ज्योला ङोह स्य़ेक्यो म़ेह।
ओहले यिह-छ्य़ेबु पाङबु दाङ टोहङग्योलेगी सोम्बो ज़्याङ नाङगेया़ला तोहङस्यो ज़्याङ नाङगे जाम्बुलीङकी क्याहल्बुया़गी क्याहल्बु, येशू मास्यीका लाहमलेॱआङ ख्याया़ला काटीन दाङ स्य़िहदे ओहङज्यु। ओहराङला चेवा जे नाङगे येशू मास्यीकागी मिहरो राहङगी ठा़ लाहमले ओहराङला तिहक्पालेगी खा फे़ नाङदी येह।
ကြော်ငြာတွေ