यूहन्‍ना 3:13 - ह्योल्‍मो

¹³ स्‍यिहङगामलेगी फेप नाङगे मिहगी स़ेबु च्‍यी़ मिहम्‍बानी लेहमेन सुज्‍यीॱआङ स्‍यिहङगामला काहल्‍दी म़ेह।

यूहन्‍ना 3:13 ပူးပေါင်းရင်းမြစ်များ

मत्ती 28:20

ङाहगी ख्‍याया़ला तेरक्‍योगी काया़ थाम्‍ज्‍यीराङ ची़ज्‍येला खुङया़ला लोप्‍तोङ। ओहले त़ेदोङ, ङाह नाहम माॱनाङ, जाम्‍बुलीङकी ज्‍युक्‍स्‍योलगी ती़हजी थुराङ ख्‍याया़ ङ्याम्‍बु ओहङज्‍ये येह” म़ेदी येशूगी सुङ नाङसीन।

मत्ती 8:20

येशूगी खोला ल़ेहन क्‍याहप नाङसीन, “ते़, लिहन्‍दीया़दी यिहप्‍केन्‍गी फुक्‍पा येह, च्‍याह-च्‍यिहवाया़दी छाङ येह, यिहॱनाङ मिहगी स़ेबुदीनी गो़ ज़्‍या़सा ग्‍या़ च्‍यिॱआङ म़ेह!”

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 13:3

याहपगी थाम्‍ज्‍यीराङ से़हया़ मिहरोगी छ्या़ला नाङदी येह, ओहले मिहरो किन्‍ज्‍यो लाहमलेॱराङ फेप नाङग्‍यो यिहम्‍बा, ओहले किन्‍ज्‍यो सालाराङ फेप नाङगेराङ येह माएँ स्‍याहल येशूला थुयी़ येहकें।

यूहन्‍ना 17:5

ता़ह ओ़ याहप, जाम्‍बुलीङ छ्या़ च्‍य़ू नाङगे म़ेदी तोहङले ङाह राहङ ङ्याम्‍बु तेहकेमु ङाहती ज़िज्‍यिद येहकें ता़ह ओ़ह ज़िज्‍यिद येहपाराङ राहङ ज़्‍य़ू नाङग्‍यो ग्‍या़ला ङाहला नाङदोङ।

यूहन्‍ना 3:12

ङाहगी ख्‍याला जाम्‍बुलीङगी ताम मासीन, यिहॱनाङ ख्‍यागी यिह मे़हछ्ये दु, ओहले ख्‍याला स्‍यिहङगामकी ताम स्‍य़ेसीन माना काह-ठि पेहती ख्‍यागी यिह-छ्य़े ख़ूज्‍ये ले?

यूहन्‍ना 3:31

याहरले फेप नाङगेन्‍दी थाम्‍ज्‍यी म़ेदी चा़ छ्यिम्‍बु येह। जाम्‍बुलीङला क्‍येक्‍योगी मिहया़ जाम्‍बुलीङदीराङ ओहङगे ओहले जाम्‍बुलीङगी तामया़ॱराङ माएँ। यिहॱनाङ स्‍यिहङगामले फेप्‍केन्‍दी थाम्‍ज्‍यी म़ेदी चा़ छ्यिम्‍बु ज़्‍य़ू नाङदी येह।

यूहन्‍ना 6:33

च्‍यिबेमाना किन्‍ज्‍योगी नाङगे खुरानी ओ़हदीॱराङ यिहन का़हन्‍दीगी स्‍यिहङगामले माहर फेप्‍ती जाम्‍बुलीङला मिहली नाङगे।”

यूहन्‍ना 6:38

च्‍यिबेमाना ङाह राहङगी सेमला ऩेक्‍योगी तामया़ छाङबु पेहच्‍येला स्‍यिहङगामले माहर ओहङग्‍यो मिहन, यिहॱनाङ ङाहला ताङ नाङगेन्‍दीती थु-सेम छाङबु पेहच्‍येला ङाह ओहङग्‍यो यिहम्‍बा।

यूहन्‍ना 6:42

खुङया़गी मासीन, “च्‍यि दि योसेफकी पुह, येशू मिहन ले? च्‍यि खोगी आबा, आमाला ओहराङगी ङोह मे़हस्‍येएँ ले? ताहन्‍दा दि खोगी काह-ठि पेहती ‘ङाह स्‍यिहङगामले ओहङग्‍यो यिहम्‍बा’ म़ेदी मा ख़ूएँ?”

यूहन्‍ना 6:46

किन्‍ज्‍योला सु मिह च्‍यी़गीॱआङ थोङदी म़ेह, किन्‍ज्‍यो याहप लाहमले फेप नाङगेन्‍दीगी च्‍यी़राङ मिहरोला थोङदी येहबा।

यूहन्‍ना 6:51

स्‍यिहङगामले माहर ओहङग्‍योगी सोम्‍बो खुरा ङाहराङ यिहन। का़हन्‍दीगी दि खुरा साहएँ खो नाहमॱआङ स्‍यिज्‍ये म़ेह। ङाहगी जाम्‍बुलीङकी मिहया़गी मिहली ज्‍योर्च्‍यु म़ेदी तेर्च्‍ये पेहक्‍योकी खुराती ओ़ह ङाहती ज़ुबु यिहम्‍बा।”

यूहन्‍ना 6:62

ओ़ह ल़ेहमु यिहन्‍सीमाना मिहगी स़ेबुला खो तोहङले का़हला येहकें ओ़ह ग्‍या़लाराङ लो़हदी डोएँ ख्‍याया़गी थोङसीमानानी च्‍यि पेहकें?

यूहन्‍ना 8:42

येशूगी खुङया़ला सुङ नाङसीन, “तेहम्‍बाराङ, ख्‍यागी याहप किन्‍ज्‍यो यिहन्‍गे यिहनानी ख्‍याया़गी ङाहला चेवा पेहच्‍ये येहकें, च्‍यिबेमाना ङाह किन्‍ज्‍यो लाहमले थेन्‍दी ओहङसीन ओहले ङाह ताहन्‍दा देला येहबा। ङाहला ओहङज्‍ये सेम क़ेदी ङाह ओहङग्‍यो मिहन, यिहॱनाङ याहपगी ङाहला ताङ नाङसीन।

ल़ेह-पेन 2:34

च्‍यिबेमाना दाऊद स्‍यिहङगामला फेप माहनाङ, यिहॱनाङ दाऊद राहङगीराङ दि ल़ेहमु सुङ नाङसीन– ‘याहवेगी ङाहगी चो़वोला सुङ नाङसीन, ख्‍ये ङाहगी योबा ङो़ले तेहतोङ,

ल़ेह-पेन 20:28

ता़हनी ख्‍याराङॱआङ जेम्‍बु पेहतोङ, ओहले नाम्‍पार-ताहक्‍पा थुगी ख्‍याला च्‍योल नाङग्‍योकी छो़बाया़लाॱआङ या़हबु पेहती त़ेदोङ। किन्‍ज्‍योगी छेन्‍छोकला या़हबु पेहती कोहरोवा जे नाङदोङ च्‍यिबेमाना चो़वो छ्येवा येशूगी ओ़ह मिहया़ला राहङदीराङ ठा़ स्‍याहल च्‍य़ू नाङदी ङ्योह नाङग्‍यो यिहन।

रोमी 10:6

तेहपा लाहमले किन्‍ज्‍योगी दिनला टाहङबु सी़हगेन्‍की तेहन्‍दाला छ्य़ेगी दि ल़ेहमु सुङ नाङगे, “ख्‍येगी सेम-सेमला दि ल़ेहमु माहमा, ‘स्‍यिहङगामला सु डोएँ’?” (पे यिहॱना़: मास्‍यीकाला माहर नोम फेप्‍च्‍येला)

१ कोरिन्‍थी 15:47

तोहङस्‍यो आदम दि जाम्‍बुलीङगी सासागी ज़ोक्‍योगी मिह यिहम्‍बा, तिङस्‍यो आदमदी स्‍यिहङगामलेगी फेप नाङग्‍यो यिहम्‍बा।

एफिसी 1:23

ओ़ह छेन्‍छोकदी मास्‍यीकाकी कुसो यिहम्‍बा, दि कुसोला मास्‍यीकागी छाङबु ज़ो नाङदी येह ओहले ना थाम्‍ज्‍यीला मिहरोगीॱराङ छाङबु ज़ो नाङगे।