यूहन्‍ना 3:10 - ह्योल्‍मो

¹⁰ येशूगी खोला सुङ नाङसीन, “ख्‍येनी इस्राएलीया़गी लोबेन यिहन, यिहॱनाङ दि केच्‍याया़ ङोह मे़हस्‍ये दु?

यूहन्‍ना 3:10 ပူးပေါင်းရင်းမြစ်များ

मत्ती 11:25

ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।

मत्ती 15:14

खुङया़ला च्‍योल्‍दो माहतेन, खुङया़नी मी़ मेहथोङगेन गोबाया़ यिहम्‍बा। मी़ मेहथोङगेन मिहगी राहङसा मी़ मेहथोङगेन मिहला ठिसीमानानी, ङ्यिकाराङ ओमला छ्यिकें।”

मत्ती 22:29

ओहले येशूगी खुङया़ला सुङ नाङसीन, “ख्‍याया़ जोल्‍दी तेहक्‍यो दुबा। ख्‍याया़गी सुङरापगी स्‍याहल दाङ किन्‍ज्‍योगी ओङगी तेहन्‍दाला ङोह स्‍य़ेदी मिहन्‍दु।

लूका 2:46

छोल-छोल्‍बा काहङला आबा-आमागी ङ्यिहमा सुम तिङले येशूला छ्योखाङला च्‍य़ेह सिहन्‍सीन। येशूनी छ्य़े-ठिमकी लोबेनया़गी पाहरक्‍यीला ज़्‍य़ूदी खुङया़गी ताम सेन्‍गेनॱराङ टी़हबा टी़हदी ज़्‍य़ू नाङग्‍यो च्‍य़ेह सिहन्‍सीन।

लूका 5:17

ङ्यिहमा च्‍यी़ येशूगी मिहया़ला सुङदेन नाङगेराङ येहकें। ओहजेला फरिसीया़ दाङ छ्य़े-ठिमकी लोबेनया़ येशूगी पोहला तेहती येहकें। ओहले खुङया़ गालील दाङ यहूदीयागी युहलया़ले, ओहले यरूशलेम क्‍याहसालेगीॱआङ ओहङदी येहकें। ओहले येशू ङ्याम्‍बु नेहपाया़ला टा़ह च्‍य़ूगेन चो़वो छ्येवागी ओङ येहकें।

यूहन्‍ना 3:9

निकोदेमसकी येशूला स्‍युहसीन, “दि काह-ठि पेहती ओहङ ख़ूएँ ले?”

ल़ेह-पेन 5:34

ओहजे ती़हजीला गमलिएल माएँ मिहन थो़क्‍यो फरिसी छो़बागी दिनला लाहङसीन। खो छ्य़े-ठिम ताङगेन्‍गी गोबा यिहन्‍गे सोङबे मिह थाम्‍ज्‍यीगी चा़ पेहको येहकें। खोगी ल़ेह-पेनया़ला याहम्‍बीज्‍यीगी तेहन्‍दाला फिला ताङ चाहङदोङ म़ेदी का नाङसीन।

रोमी 2:28

फि ज़ोप्‍तागी च्‍यी़राङ यहूदी ज़ोएँया़ तेहन्‍दामकी यहूदी मिहम्‍बा। ओ़ह ल़ेहमुराङ पेहती मिहया़ला तेन्‍ज्‍येला ज़ुबुला पेहक्‍योगी स्‍या-ताकॱआङ ओ़ह तेहन्‍दामकी स्‍या-ताक मिहम्‍बा।

फिलिप्‍पी 3:3

तेहन्‍दामकी स्‍या-ताक पेहकेनया़नी ओहराङया़ गा यिहम्‍बा च्‍यिबेमाना ओहराङ किन्‍ज्‍योला नाम्‍स्‍यी लाहमले छ्येपा फुल्‍गे ओहले मास्‍यीका येशूकी छेनला छ्य़ेन्‍दो तेन्‍गे। ओहले ज़ुबुला स्‍या-ताक पेहकें तामला ङ्यिह यिह मे़हछ्येएँ।

कलस्‍सी 2:11

ख्‍या मास्‍यीका ङ्याम्‍बु च्‍यी़राङ डी़क्‍यो सोङबे ख्‍यागी तेहन्‍दामकी स्‍या-ताक ज्‍योर्सीन। दि स्‍या-ताकती मिहगी ज़ुबुला क्‍याहप तेर्केन्‍गी स्‍या-ताक मिहम्‍बा, यिहॱनाङ दि मास्‍यीकागीॱराङ क्‍याहप नाङग्‍योकी स्‍या-ताक यिहम्‍बा। दि स्‍या-ताकगी मिहगी ज़ुबु लाहमले पेहकेन्‍गी तिहक्‍पाकी पेहताङया़ला पिती क्‍युर च्‍य़ूगे।