यूहन्‍ना 21:7 - ह्योल्‍मो

⁷ दि थोङदी येशूगी चेवा जे नाङग्‍योकी स्‍याहप्‍च्‍यीगी पत्रुसला मासीन, “मिहरो चो़वो गा यिहन्‍गे दुबा!” “मिहरो चो़वोॱराङ यिहङगें दुबा!” माएँ थे़दी सिमोन-पत्रुसगी राहङगी फि ङो़गी काप्‍च्‍या क्‍येपाला टिल्‍सीन, च्‍यिबेमाना खोगी काप्‍च्‍या माहकेहम्‍बा येहकें, ओहले खो छोला फिर छ्योङसीन।

यूहन्‍ना 21:7 ပူးပေါင်းရင်းမြစ်များ

मर्कूस 11:3

का़हलेॱआङ सुज्‍यीगी ‘ख्‍यागी दि च्‍यि पेहक्‍यो?’ म़ेदी टी़हसीमाना, ‘दि चो़वो छ्येवाला कोहपु येह, मिहरोगी ग्‍यो़बाराङ लो़ ताङ नाङज्‍ये येह’ म़ेदी म़ेदोङ।”

लूका 12:35

ओ़ह तिङले येशूगी सुङ नाङसीन, “ख्‍या कारा च्‍यिङदी स्‍याहप्‍तो स्‍य़ूहज्‍येला ठाबे पेहते तेहतोङ ओहले ख्‍याया़गी लो पार्ते ज़्‍या़दोङ।

लूका 2:11

तिहरीङ दाऊदगी क्‍येसा फायु बेथलेहेमला ख्‍याया़ला थार्पा थोप च्‍य़ू नाङगेन मास्‍यीका ठुङदी येह। ओ़ह स़ेबुराङ किन्‍ज्‍योगी ताङ नाङग्‍योकी चो़वो छ्येवा मास्‍यीका यिहन।

लूका 7:47

मोहगी च्‍यिबे दि ल़ेहमु पेहक्‍यो माएँ ताम ङाह ख्‍येला माएँ, मोहती माहङबुराङ तिहक्‍पाया़ ता़ह सिहन्‍दी येह। ओ़ह सोङबे मोहगी ङाहला चेवा तेन्‍सीन। ओहले ङ्ये़हमु तिहक्‍पा येहकें मिहगीदी ङ्ये़हमुराङ चेवा पेहकें” म़ेदी येशूगी सुङ नाङसीन।

यूहन्‍ना 13:23

स्‍याहप्‍च्‍यीया़ नाहङला येशूगी थाम्‍ज्‍यी म़ेदी माहङबु चेवा जे नाङग्‍योकी स्‍याहप्‍च्‍यीदी येशू पोहलाराङ ङ्ये़दी तेहती येहकें।

यूहन्‍ना 19:26

राहङगी आमा दाङ मिहरोगी च्‍याहम्‍बा जे नाङग्‍योकी स्‍याहप्‍च्‍यीला राहङ पोहलाराङ लाहङदी तेहक्‍यो ज़ी़दी येशूगी राहङगी आमाला सुङ नाङसीन, “आमा ज़ी़-नाङदोङ, राहङगी पुह!”

यूहन्‍ना 20:2

ओहले मोह सिमोन-पत्रुस दाङ येशूगी चेवा जे नाङग्‍योकी लेहमेन स्‍याहप्‍च्‍यी साला छ्योङदी काहल्‍दी खुङया़ला मासीन, “खुङया़गी चो़वोला फुक्‍पालेगी तेन्‍दी ख्‍येर्सीन दुबा! यिहॱनाङ का़हला ख्‍येर्ती ज़्‍या़बा यिहम्‍बानी ओ़ह ङ्यिहगी क्‍यी़ह माहन्‍ज्‍योर।”

यूहन्‍ना 20:20

दि सुङदी येशूगी खुङया़ला राहङगी छ्या़ ओहले ची़मा चो़ला तेन नाङसीन। चो़वोला थोङदी स्‍याहप्‍च्‍यीया़ ज्‍यिबुराङ क़ेहनाङ लाहङसीन।

यूहन्‍ना 20:28

थोमागी येशूला मासीन, “ओ़, ङाहती चो़वो दाङ ङाहती किन्‍ज्‍यो!”

यूहन्‍ना 21:20

पत्रुसगी क्‍याहप लो़हदी ताएँमु येशूगी चेवा जे नाङग्‍योकी स्‍याहप्‍च्‍यीला तिङदा तिङ ओहङ तेहक्‍यो थोङसीन। ओ़ह स्‍याहप्‍च्‍यीगीराङ तिङस्‍यो डेन छ्येकेमु येशूगी प्राहङगोला ज्‍यार्ती, “चो़वो, राहङला ज़ुङदी तेर्के मिह सु यिहम्‍बा लाह?” म़ेदी टी़हक्‍यो येहकें।

यूहन्‍ना 21:24

ओ़ह स्‍याहप्‍च्‍यीगीराङ दि थाम्‍ज्‍यी थोङदी पाङबु तेर्केॱराङ येह, ओहले खोगीराङ दि तामया़ प्रुहसीन। खोगी पाङबु तेहम्‍बा यिहन म़ेदी ङ्यिहला क्‍यी़ह येह।

यूहन्‍ना 21:8

लेहमेन स्‍याहप्‍च्‍यीया़ छ्यु-टुहला तेहती ङ्याहगी काहङग्‍योगी ङ्याहटा टिहकेनॱराङ छो सुहरला ओहङसीन। खुङ छो सुहरले माहङबु था़-रिहङबु म़ेहबा येहकें ओ़हठीॱराङ मिटर क्‍याह च्‍यी़जे था़-रिहङबु येहकें।

ल़ेह-पेन 10:36

किन्‍ज्‍योगी इस्राएलीया़ला ताङ नाङग्‍योकी लेहङगु, येशू मास्‍यीका लाहमले प्रा साल नाङग्‍योकी स्‍य़िहदेगी या़हबु लेहङगु राहङ फे़बेया़ला थुयी़ येह। (मिह-रो़हराङ मिह थाम्‍ज्‍यीगी चो़वो छ्येवा यिहम्‍बा।)

ल़ेह-पेन 2:36

“ओ़ह सुङगोराङ इस्राएलगी मिह थाम्‍ज्‍यीगी दि ताम ङोह स्‍य़े कोहकें– ख्‍या फे़बेया़गी क्‍याहङस्‍यीङला च्‍याङदी सेक्‍योगी येशूलाॱराङ किन्‍ज्‍योगी चो़वो दाङ थार्पा नाङगेन मास्‍यीका ङ्यिकाराङ ज़ो नाङसीन।”

१ कोरिन्‍थी 15:47

तोहङस्‍यो आदम दि जाम्‍बुलीङगी सासागी ज़ोक्‍योगी मिह यिहम्‍बा, तिङस्‍यो आदमदी स्‍यिहङगामलेगी फेप नाङग्‍यो यिहम्‍बा।

२ कोरिन्‍थी 5:14

ङ्यिहनी मास्‍यीकागी चेवागी ओङ चो़ला येहबा। च्‍यिबेमाना मास्‍यीका मिह थाम्‍ज्‍यीगी तेहन्‍दाला टोहङ नाङसीन ओ़ह सोङबे ङ्यिह थाम्‍ज्‍यी स्‍यिसीन दि केच्‍या ङ्यिहला क्‍यी़ह येहबा।

याकूब 2:1

ए ङाहगी आदा-नो़ह दाङ आज्‍यी-नुहमुया़, ज़िज्‍यिदगी काहङग्‍यो चो़वो छ्येवा येशू मास्‍यीकाला ख्‍याया़गी तेहपा पेहक्‍यो सोङबे ख्‍यागी फिगी छ्यालु त़ेदी सुलाॱआङ ङ्येम्‍बा-ङ्य़ेहरी माहबे।