यूहन्‍ना 21:19 - ह्योल्‍मो

¹⁹ (किन्‍ज्‍योगी छेन थोम्‍बु ज़ोज्‍येला पत्रुस काह-ठि पेहती स्‍यि कोहच्‍ये येह माएँ ताम येशूगी सुङ नाङगेराङ येहकें।) ओ़ह तिङले येशूगी पत्रुसला सुङ नाङसीन, “ख्‍ये ङाहगी तिङदा तिङ स्‍यो।”

यूहन्‍ना 21:19 ပူးပေါင်းရင်းမြစ်များ

मत्ती 10:38

ख्‍ये राहङगी क्‍याहङस्‍यीङ खुर्ती ङाहगी तिङदा तिङ मेहयोहङगेन मिह ङाहगी स्‍याहप्‍च्‍यी ओहङज्‍ये मी़हसीहएँ।

मत्ती 19:28

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, मिहगी स़ेबु ओ़ह साम्‍बा क्‍याहल्‍सीला ज़िज्‍यिदगी ज़्‍य़ू-ठिला ज़्‍य़ू नाङज्‍ये येह। ओ़ह ती़हजीला ङाहला ताहदा क्‍याहप्‍के ख्‍याया़ॱआङ राहङगी ज़्‍य़ू-ठि च्‍यिङ्यी़ला तेहच्‍ये येह ओहले इस्राएलकी छाङ च्‍यिङ्यी़ थो़ला ठिम ताङज्‍ये येह।

मत्ती 8:22

यिहॱनाङ येशूगी खोला सुङ नाङसीन, “रोहगीॱराङ खो राहङगी रोह तो़हज्‍यु, ख्‍येदी ङाहला ताहदा क्‍याहप्‍ती स्‍यो!” म़ेदी सुङ नाङसीन।

यूहन्‍ना 12:26

ङाहला स्‍याहप्‍तो स्‍युहज्‍ये छोल्‍गेन्‍दी ङाहला तिङ ङ्या़ कोहएँ। ओहले ङाह का़हला येहबा, ओ़हला ङाहला स्‍याहप्‍तो स्‍युहएँया़ॱआङ ओहङज्‍ये येह। ङाहती याहपगी ङाहला स्‍याहप्‍तो स्‍युहएँया़ला चा़ जे नाङज्‍ये येह।”

यूहन्‍ना 12:33

मिहरो काहन्‍डुमु छ्याप्‍स्‍यी जेती टोहङ कोहएँ यिहम्‍बा, ओ़ह ता़स्‍यी नाङज्‍येला मिहरोगी दि ल़ेहमु सुङ नाङग्‍यो येहकें।

यूहन्‍ना 18:32

राहङ काह-ठि पेहती टोहङ कोहकें यिहम्‍बा म़ेदी येशू राहङगीराङ सुङ नाङग्‍योकी स्‍याहल तेहन्‍दा डुप्‍च्‍येला दि रोहवा काहल्‍सीन।

यूहन्‍ना 21:18

तेहम्‍बाराङ ङाह ख्‍येला माएँ, ख्‍ये स्‍यारा येहकेंमु राहङगी कारा राहङगीराङ च्‍यिङगो येहकें, ओहले का़हला सेम थेप्‍कें ओ़हलाराङ डोउ येहकें। यिहॱनाङ केहपु काहल फान्‍ज्‍यो ख्‍येगी राहङगी लाहक्‍पा क्‍याङज्‍ये येह, ओहले लेहमेन मिहगी ख्‍येला कारा च्‍यिङ तेर्च्‍ये येह, ओहले ख्‍येला सेम मेहथेप्‍केन ग्‍या़ला ख्‍येर्च्‍ये येह।”

यूहन्‍ना 21:22

येशूगी पत्रुसला सुङ नाङसीन, “ङाह माहयोहङ थु खो थार्तेराङ तेहच्‍यु माएँ ङाहती सेम्‍बा येहॱनाङ ख्‍येला च्‍यि च्‍योल्‍दो ले? ख्‍येदी ङाहला तिङ ङ्यादी स्‍यो!”

फिलिप्‍पी 1:20

ङाहगी पेह कोहकेन्‍गी ल़ेहलेगी ङाह नाहमॱआङ ङोहजाला माहछ्यीज्‍यु यिहॱनाङ तोहङमा ल़ेहमु खास पेहती ताहन्‍दा ङाह सेम-स्‍युक छ्यिम्‍बु पेहती तेहकें। ङाह स्‍यिॱना़ङ सोॱनाङ ङाहती थाम्‍ज्‍यी मिहली लाहमले मास्‍यीकालाॱराङ चा़ ओहङज्‍यु माएँ ङाहती सेम्‍बा दाङ रेहवा यिहम्‍बा।

२ पत्रुस 1:14

ङाहला दि तामॱआङ क्‍यी़ह येह, ता़ह ङाहगी दि ङ्यिहमा ङ्यी़की ज़ुबु ग्‍यो़बाराङ क्‍युर ज़्‍या़दी डो कोहएँगी ती़हजी पोहला लेप सिहन्‍दी येह माएँ ताम ओहराङ चो़वो येशू मास्‍यीकागी ङाहला छ्यिसाल-नाहङसाल जेती तेन नाङ सिहन्‍दी येह।