यूहन्‍ना 21:15 - ह्योल्‍मो

¹⁵ खुङया़गी साह सिहन फान्‍ज्‍यो येशूगी सिमोन-पत्रुसला सुङ नाङसीन, “ए यूहन्‍नाकी पुह सिमोन, च्‍यि ख्‍येगी ङाहला लेहमेनया़गी म़ेदी माहङबु चेवा पेहकें ले?” ओहले पत्रुसगी मासीन, “लाहसो ला़ह चो़वो, ङाह राहङला चेवा पेहकें म़ेदीनी राहङला थुयी़राङ येह।” येशूगी खोला सुङ नाङसीन, “ङाहती ल़ूह पी़हरुया़ला साहज्‍ये तेर।”

यूहन्‍ना 21:15 ပူးပေါင်းရင်းမြစ်များ

मत्ती 10:37

ङाहला म़ेदी राहङगी आबा-आमाला चा़ पेहकेन मिह ङाहगी स्‍याहप्‍च्‍यी ओहङज्‍ये मी़हसीहएँ। ओ़ह ल़ेहमुराङ ङाहला म़ेदी राहङगी पुह पोहमोला च्‍याहम्‍बा पेहकेन्‍दीॱआङ ङाहगी स्‍याहप्‍च्‍यी ओहङज्‍ये मी़हसीहएँ।

मत्ती 16:17

येशूगी सुङ नाङसीन, “ए योनाकी पुह सिमोन, ख्‍ये काहजे सोनाम-साक्‍पु! दि केच्‍या ख्‍येगी स्‍या दाङ ठा़ लाहमले पेहती माक्‍यो मिहम्‍बा, दिनी स्‍यिहङगामला ज़्‍य़ू नाङगेन्‍गी ङाहगी किन्‍ज्‍यो याहपगीॱराङ ख्‍येला क्‍यी़ह ज्‍योर च्‍य़ू नाङग्‍यो यिहम्‍बा।

मत्ती 18:10

“जेम्‍बु पेहतोङ, दि फेमा पेहजाया़ का़हन्‍दीॱलाङ ख्‍याया़गी ङ्येन्‍ज्‍येन माहबे। ङाह ख्‍याया़ला माएँ, खुङया़ला ताएँगी स्‍यिहङगामकी स्‍याहप्‍च्‍यीया़ स्‍यिहङगामला ज़्‍य़ू नाङगे ङाहगी किन्‍ज्‍यो याहपकी दिनलाराङ येह।

मत्ती 26:33

ओहजेला पत्रुसगी येशूला, “थाम्‍ज्‍यीगी राहङला क्‍युर ज़्‍या़दी प्रे़हॱनाङ ङाह राहङला नाहमाॱआङ क्‍युर ज़्‍या़ज्‍ये म़ेह!” म़ेदी स्‍युहसीन।

मत्ती 26:35

“ङाह राहङ ङ्याम्‍बु स्‍यि कोहॱनाङ ङाह राहङला नाहमॱआङ ङोह मे़हस्‍येएँ म़ेदी माज्‍ये म़ेह!” म़ेदी पत्रुसगी ल़ेहन क्‍याहप्‍सीन। ओहले लेहमेन स्‍याहप्‍च्‍यीया़गीॱआङ ओ़ह ल़ेहमुराङ मासीन।

मर्कूस 14:29

ओहजे ती़हजीला पत्रुसकी येशूला, “थाम्‍ज्‍यीगी राहङला क्‍युर ज़्‍या़दी डोॱनाङ ङाह राहङला नाहमॱआङ क्‍युर ज़्‍या़ज्‍ये म़ेह” म़ेदी मासीन।

लूका 12:32

“ए छ्ये़मु मिह बा़लया़, ख्‍या मा़हन्‍ज्‍यी! च्‍यिबेमाना किन्‍ज्‍योगी ख्‍याला राहङगी क्‍याहल्‍सी नाङज्‍येला काहसो जे-नाङदी येह।

लूका 22:32

यिहॱनाङ ख्‍येगी तेहपा माहतोर्च्‍यु म़ेदी ङाहगी सोल्‍वाङ ताप्‍ते येह। ख्‍ये येहपाराङ ङाह ङो़ले लो़ह फान्‍ज्‍यो ख्‍येती नो़हया़ला तेहपाला स्‍युक छ्यिम्‍बु जे़दोङ” म़ेदी येशूगी सुङ नाङसीन।

यूहन्‍ना 1:42

अन्‍द्रियासगी सिमोनला येशूसाला ख्‍येर्सीन। ओहले येशूगी सिमोनला ज़ी़दी सुङ नाङसीन, “ख्‍ये योआनेसकी पुह सिमोन यिहन, ख्‍येला केफास म़ेदी माज्‍ये येह।” (दिला ग्रीक तामला पत्रुस म़ेदी माएँ।)

यूहन्‍ना 13:37

ओहले पत्रुसगी येशूला मासीन, “चो़वो, ङाह च्‍यिबे ताहन्‍दाॱराङ राहङला तिङ ङ्यादी ओहङ मी़हखुएँ ले? ङाह राहङगी तेहन्‍दाला स्‍यि कोहॱनाङ स्‍यिएँ।”

यूहन्‍ना 16:27

च्‍यिबेमाना याहप राहङगीराङ ख्‍याला चेवा जे नाङगे, च्‍यिबेमाना ख्‍यागी ङाहला चेवा पेहती येह, ओहले ङाह किन्‍ज्‍यो लाहमले ओहङसीन म़ेदी ख्‍यागी यिह छ्य़ेक्‍यो येह।

यूहन्‍ना 21:12

ओहले येशूगी खुङया़ला सुङ नाङसीन, “ओहङदी जारा साह स्‍यो।” ओहजेला का़हन्‍दी स्‍याहप्‍च्‍यी च्‍यी़गीॱआङ “राहङ सु यिहम्‍बा लाह?” म़ेदी टी़ह मा़हखु, च्‍यिबेमाना खुङगी “मिहरोनी चो़वोॱराङ यिहम्‍बा दु” म़ेदी ङोह स्‍य़े सिहन्‍दी येहकें।

यूहन्‍ना 21:7

दि थोङदी येशूगी चेवा जे नाङग्‍योकी स्‍याहप्‍च्‍यीगी पत्रुसला मासीन, “मिहरो चो़वो गा यिहन्‍गे दुबा!” “मिहरो चो़वोॱराङ यिहङगें दुबा!” माएँ थे़दी सिमोन-पत्रुसगी राहङगी फि ङो़गी काप्‍च्‍या क्‍येपाला टिल्‍सीन, च्‍यिबेमाना खोगी काप्‍च्‍या माहकेहम्‍बा येहकें, ओहले खो छोला फिर छ्योङसीन।

यूहन्‍ना 8:42

येशूगी खुङया़ला सुङ नाङसीन, “तेहम्‍बाराङ, ख्‍यागी याहप किन्‍ज्‍यो यिहन्‍गे यिहनानी ख्‍याया़गी ङाहला चेवा पेहच्‍ये येहकें, च्‍यिबेमाना ङाह किन्‍ज्‍यो लाहमले थेन्‍दी ओहङसीन ओहले ङाह ताहन्‍दा देला येहबा। ङाहला ओहङज्‍ये सेम क़ेदी ङाह ओहङग्‍यो मिहन, यिहॱनाङ याहपगी ङाहला ताङ नाङसीन।

ल़ेह-पेन 20:28

ता़हनी ख्‍याराङॱआङ जेम्‍बु पेहतोङ, ओहले नाम्‍पार-ताहक्‍पा थुगी ख्‍याला च्‍योल नाङग्‍योकी छो़बाया़लाॱआङ या़हबु पेहती त़ेदोङ। किन्‍ज्‍योगी छेन्‍छोकला या़हबु पेहती कोहरोवा जे नाङदोङ च्‍यिबेमाना चो़वो छ्येवा येशूगी ओ़ह मिहया़ला राहङदीराङ ठा़ स्‍याहल च्‍य़ू नाङदी ङ्योह नाङग्‍यो यिहन।

ल़ेह-पेन 20:29

ओहले ङाहला क्‍यी़ह येहबा, ङाह काहल फान्‍ज्‍यो रिह नाहङगी फारा ल़ेहमु मिहया़ ख्‍यागी पाहरक्‍यीला थेन ओहङज्‍ये येह, ओहले छो़बाया़ला तुहक्‍पु तेर्तेॱराङ तेहच्‍ये येह।

रोमी 14:1

यिह-छ्य़ेला सान्‍दी माहकाहल्‍बा मिहया़ला लोक पेहतोङ, यिहॱनाङ खोती नोम्‍साङला फातुर च़ूदी ठुक्‍पा क्‍याहप्‍केन्‍गी ल़ेहती माहबे।

रोमी 15:1

ओहराङ यिह-छ्य़ेला सान्‍दी येहकेनया़गी राहङला च्‍यी़राङ क़ेहनाङ लाहङ च्‍य़ूगेन्‍की सेम्‍बाया़ मा़हथोबा पेहती यिह-छ्य़ेला मा-फाम्‍बु येहकेनया़दी मा फाम्‍बुला ना़ कोहएँ।

१ कोरिन्‍थी 8:11

ओहले ख्‍येगी येहन्‍देनगी पेहती ओ़ह यिह-छ्य़ेला मा-फाम्‍बु येहकें नो़ह तिहक्‍पाला छ्यिकें। खोगी तेहन्‍दाला चो़वो मास्‍यीका टोहङ नाङग्‍यो यिहम्‍बा।

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

एफिसी 4:14

ओ़ह सोङबे ओहराङ पेहजाया़ ल़ेहमु ओहङज्‍ये मेहयोहङगे। चिहन क्‍याहप्‍के मिहया़की लोप्‍च्‍युङ दाङ छलगी ओहराङ छ्यु पाहलाप दाङ ल्‍हा़बागी फार छुर याप्‍क्‍योकी छ्यु-टुह ल़ेहमु ओहङज्‍ये म़ेह।

एफिसी 6:24

ओहराङ चो़वो येशू मास्‍यीकाला नाहम्‍स्‍यी किन्‍दुॱराङ चेवा पेहकें मिह थाम्‍ज्‍यी ङ्याम्‍बु किन्‍ज्‍योगी काटीन ज़्‍य़ू नाङज्‍यु।

हिब्रू 13:20

ता़ह ल़ूहया़गी चा़ छ्येस्‍यो कोहरोवा ओहराङ चो़वो येशूला था़ म़ेहबा ताहम्‍ज्‍याकी ठा़ लाहमले स्‍यिवालेगी सोम्‍बो ज़्‍याङ च्‍य़ू नाङगे स्‍य़िहदे नाङगे किन्‍ज्‍योगी

हिब्रू 4:13

किन्‍ज्‍योगी ज़ी़ मी़हथुप्‍केन्‍गी से़हया़ च्‍यिॱआङ म़ेह। मिहरोगी दिनला रेबेॱराङ से़हया़ खा फे़क्‍यो येहबा ओहले छ्यिसाल-नाहङसाल थोङ ख़ूएँ। मिह-रो़हलाॱराङ ओहराङगी पेहक्‍यो ल़ेहया़गी तेहन्‍दाला स्‍य़े कोहज्‍ये येह।

१ पत्रुस 1:8

ख्‍यागी येशू मास्‍यीकाला थोङग्‍यो मे़हॱनाङ मिहरोला चेवा पेहकें। मिहरोला ख्‍यागी ताहन्‍दा थोङ मी़हखुएँ, यिहॱनाङ ख्‍यागी मिहरोला यिह-छ्य़े पेहकें। ओहले स्‍येॱराङ मी़हखुएँगी ज़िज्‍यिद छ्यिम्‍बु काहसोगी ख्‍याया़गी सेम काहङदी येह।

१ पत्रुस 2:2

थेरेरे क्‍येक्‍योगी पेहजा ओहमा थुङज्‍ये म़ेदी ङुहक्‍यो ल़ेहमुराङ ख्‍याया़ॱआङ किन्‍ज्‍योकी तेहन्‍दामगी सुङया़ ङोह स्‍येच्‍येला सेम ताङदोङ दि लाहमलेॱराङ ख्‍यागी ज्‍योरक्‍योकी थार्पाला ख्‍या जेन-जेन याहरक्‍यी पेहती डो ख़ूज्‍ये येह।

१ पत्रुस 2:25

च्‍यिबेमाना ख्‍या ल़ूहया़ ल़ेहमुराङ पेहती आला ख्‍याम्‍दी येहकें, यिहॱनाङ ता़ह ख्‍याया़गी नाम्‍स्‍यीला कोहरोवा जे नाङगे दाङ सुङ नाङगे साला ख्‍याया़ लो़ह ओहङदी येह।

१ यूहन्‍ना 4:19

तोहङस्‍यो किन्‍ज्‍योगीॱराङ ओहराङला चेवा जे नाङग्‍यो सोङबे ओहराङॱआङ चेवा पेहकें।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

ज्‍याल्‍गा 2:23

मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।