यूहन्‍ना 20:31 - ह्योल्‍मो

³¹ ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

यूहन्‍ना 20:31 ပူးပေါင်းရင်းမြစ်များ

मत्ती 16:16

सिमोन-पत्रुसगी ल़ेहन क्‍याहप्‍सीन, “राहङ सोम्‍बो किन्‍ज्‍योगी स़ेबु थार्पा नाङगेन्‍गी मास्‍यीका क्‍याहल्‍बु यिहम्‍बा।”

मत्ती 27:54

साङगुल काहल्‍ग्‍यो दाङ ओ़हला काहल्‍ग्‍योगी थाम्‍ज्‍यीराङ से़हया़ थोङदी येशूला सुङदी तेहक्‍यो माक्‍मीया़ दाङ खुङया़गी माक्‍पेन ज्‍यिबुराङ ज्‍यी़सीन। ओहले खुङया़गी, “तेहम्‍बाराङ खोनी किन्‍ज्‍योगी स़ेबुराङ यिहम्‍बा दुबा” म़ेदी मासीन।

मत्ती 4:3

ओहजेला ती़ह गो-छ्येवा येशूसाला ओहङदी, “तेहम्‍बाराङ राहङ किन्‍ज्‍योगी स़ेबु यिहन्‍सीमानानी दि तोहया़ला खुरा डोज्‍यु म़ेदी सुङ नाङदोङ ले!” म़ेदी मासीन।

मर्कूस 16:16

यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

लूका 1:35

ओहले स्‍यिहङगामकी स्‍याहप्‍च्‍यीगी मोहला ल़ेहन क्‍याहप्‍ती सुङ नाङसीन, “नाम्‍पार-ताहक्‍पा थु ख्‍येसाला फेप नाङज्‍ये येह, ओहले चा़ छ्यिम्‍बु किन्‍ज्‍योगी ओङगी टिहप्‍सा ख्‍ये थो़ला ज़्‍य़ू नाङज्‍ये येह। ओ़ह सोङबे ठुङ नाङगे स़ेबु नाम्‍पार-ताहक्‍पा ओहङज्‍ये येह ओहले ओ़ह स़ेबुला किन्‍ज्‍योगी स़ेबु म़ेदी माज्‍ये येह।

लूका 1:4

ता़ह दि छ्य़े टा़हदी राहङला लोप्‍क्‍योगी तामया़ काहजे तेहन्‍दाम दु माएँदी राहङगी ङोह ख्‍येन्‍ज्‍ये येह।

लूका 24:47

ओहले यरूशलेम यिहन्‍ज्‍यु छ़ूदी थाम्‍ज्‍यीराङ क्‍यिहपाया़ला येशूगी छेनला राहङगी सेमगी स्‍या़बा पेहती तिहक्‍पा पाङसीन माना तिहक्‍पागी स्‍या़बा ज्‍योर्च्‍ये येह माएँ तामगी तेहन्‍दाला स्‍येॱराङ कोहच्‍ये येह।

यूहन्‍ना 1:49

नथानेलगी येशूला मासीन, “रब्‍बी, राहङनी किन्‍ज्‍योगी स़ेबु यिहन्‍गे दुबा, ओहले राहङनी इस्राएलीया़गी क्‍याहल्‍बु गा यिहन्‍गे दुबा।”

यूहन्‍ना 10:10

कुमेननी कुमेन क्‍याहप्‍च्‍ये, सेच्‍ये दाङ तोङ च्‍य़ूज्‍ये म़ेदी ओहङगे। यिहॱनाङ ङाहनी ख्‍याया़गी मिहली ज़ाङबु ज्‍योर ख़ूज्‍यु ओहले ओ़ह म़ेदीॱआङ माहङबु माहङदे फोएँ थु ज्‍योर ख़ूज्‍यु म़ेदी ओहङसीन।

यूहन्‍ना 19:35

(ख्‍याया़गीॱआङ यिह-छ्य़े ख़ूज्‍यु म़ेदी दि थोङगे मिहगी काह-ठि थोङबा ओ़हठीॱराङ स्‍येती येह ओहले खोगी पाङबु तेहन्‍दाम येह)

यूहन्‍ना 20:28

थोमागी येशूला मासीन, “ओ़, ङाहती चो़वो दाङ ङाहती किन्‍ज्‍यो!”

यूहन्‍ना 3:18

का़हन्‍दीगी किन्‍ज्‍योकी स़ेबुला यिह छ्य़ेगे खोला ङ्य़ेहबा फो़ज्‍ये म़ेह, यिहॱनाङ यिह मेहछ्य़ेया़ला तोहङलेराङ ङ्य़ेहबा फो़ सिहन्‍दे येहबा, च्‍यिबेमाना खोगी किन्‍ज्‍योगी च्‍यिमे च्‍यी़राङ स़ेबुकी छेनला यिह छ्य़ेक्‍यो म़ेह।

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

यूहन्‍ना 6:40

च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

ल़ेह-पेन 10:43

येशूला यिह-छ्य़े पेहकें मिहया़गी येशूगी छेनला तिहक्‍पा ता़हज्‍ये येह म़ेदी थाम्‍ज्‍यी लुहङतेम्‍बाया़गी येशूगी तेहन्‍दाला स्‍येती येह।”

ल़ेह-पेन 3:16

येशूला तेहपा पेहक्‍यो सोङबे काङबा कुच्‍या मिहगी स्‍युक ज्‍योर्सीन। येशूगी छेन थे़दी खोगी सेमला तेहपा ओहङसीन ओहले खोगी तेहपागी पेहती ता़ह ख्‍या फे़बेया़गी खोला छाङबुराङ टा़हक्‍यो ज़ी़ नाङदेराङ येह।”

ल़ेह-पेन 8:36

ओहले खुङ लाहमला डोडोपा काहङला छ्यु येहकेन ग्‍या़ च्‍यी़ला लेप्‍सीन। ओहले ओ़ह ङुहरुम मिहगी मासीन, “ज़ी़-नाङदोङ, देला छ्यु दुबा! ङाहला बप्‍तिस्‍मा लेहन्‍ज्‍येला च्‍यि से़हगी का़ ख़ूएँ ले?”

ल़ेह-पेन 8:37

[ ओहले फिलिपगी मासीन, “सेम तिहङ यिहन्‍ज्‍युराङ यिह-छ्य़े जे नाङसीन माना राहङगी बप्‍तिस्‍मा ल़ेहन ख़ूएँ।” ओहजेला खोगी, “यिहम्‍बा, येशू मास्‍यीकाॱराङ किन्‍ज्‍योगी स़ेबु यिहन म़ेदी ङाह यिह-छ्य़े पेहके” म़ेदी ओ़ह मिहगी ल़ेहन क्‍याहप्‍सीन।]

ल़ेह-पेन 9:20

ओहले खो लाहम्‍साङराङ यहूदीया़की छो़खाङया़ला स्‍य़ूहदी, “चो़वो छ्येवा येशूॱराङ किन्‍ज्‍योगी स़ेबु यिहम्‍बा” म़ेदी स्‍येच्‍ये छ़ूसीन।

१ पत्रुस 1:9

च्‍यिबेमाना ख्‍याया़गी येशू मास्‍यीकाला तेहपा पेहक्‍यो सोङबे ख्‍याया़गी यिहकी थार्पा ज्‍योर्ती येह।

१ यूहन्‍ना 4:15

येशूॱराङ किन्‍ज्‍योगी स़ेबु यिहम्‍बा माएँ मिह ङ्याम्‍बु किन्‍ज्‍यो ज़्‍य़ू नाङगे ओहले खो किन्‍ज्‍यो ङ्याम्‍बु ओहङगे।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

२ यूहन्‍ना 1:9

मास्‍यीकाकी लुहङ म़ेदी फिगी लेहमेन ताम ङ्यिहन्‍दी डोएँ मिहया़ ङ्याम्‍बु किन्‍ज्‍यो ज़्‍य़ू मेहनाङगे। यिहॱनाङ मास्‍यीकाकी लुहङ ङ्यिहन्‍गे मिह ङ्याम्‍बुदी याहप दाङ स़ेबु ङ्यिकाराङ ज़्‍य़ू नाङगे।

ज्‍याल्‍गा 2:18

“थिआटीरा छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘मेह ल़ेहमु ती़हगेन च्‍येन दाङ मेहला सा़दीमाराङ ताहर्ती ज़्‍या़क्‍योकी पित्तल ल़ेहमु येहपा छ्या़गे स्‍याहप नोम्‍ग्‍यो किन्‍ज्‍योकी स़ेबुगी दि ल़ेहमु सुङ नाङगु दु।