यूहन्‍ना 20:30 - ह्योल्‍मो

³⁰ येशूगी लेहमेनॱआङ माहङबुराङ याहम्‍जेन छ्येवागी छ्या़लेया़ स्‍याहप्‍च्‍यीया़गी दिनला जे नाङसीन, ओ़ह छ्या़लेया़ दि छ्य़ेला प्री़हदी म़ेह।

यूहन्‍ना 20:30 ပူးပေါင်းရင်းမြစ်များ

यूहन्‍ना 2:11

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

यूहन्‍ना 21:25

येशूगी लेहमेन छ्या़लेया़ॱआङ माहङबुराङ जे नाङसीन। ओ़ह छ्या़लेया़ थाम्‍ज्‍यीराङ रे़ह-रे़ह पेहती प्रुहज्‍ये येहना, ङाहला दि ल़ेहमु ने़उ दु, येशूगी तेहन्‍दाला प्रुहक्‍योगी छ्य़ेया़ जाम्‍बुलीङॱलाङ स्‍योङज्‍ये म़ेहबा येहकें।

यूहन्‍ना 6:2

ओहले मिहया़ बुङजी क्‍याहप्‍ती येशूगी तिङ ङ्यादी ओहङसीन च्‍यिबेमाना येशूगी नेहपाया़ला याहम्‍जेन छ्येवा जेती टा़ह च्‍य़ू नाङगेन खुङया़गी थोङदी येहकें।

रोमी 15:4

सुङरापला प्रुहक्‍योकी सुङदेनया़ ओहराङला लोप्‍ताम क्‍याहप्‍च्‍येकी तेहन्‍दाला प्रुहक्‍यो यिहम्‍बा। ओहराङगी रेहवाला स्‍यि मी़हच्‍य़ूज्‍येगी तेहन्‍दाला छ्य़ेगी ओहराङला ना़ ख़ूएँकी ओङ दाङ स्‍युक क्‍ये च्‍य़ूगे।

१ कोरिन्‍थी 10:11

खुङ थो़ला बाप्‍क्‍योकी दि केच्‍याया़ ओहराङगी तेहन्‍दाला पे च्‍यी़ काहल्‍सीन ओ़ह सोङबे ओहराङ जेम्‍बु पेहती तेह कोहएँ माएँगी तेहन्‍दाला दि केच्‍याया़ प्रुहक्‍यो यिहम्‍बा। ता़ह ओहराङनी दि जाम्‍बुलीङला काल्‍बाया़ तोङगेन्‍गी ती़हजी पोहला लेप सिहन्‍दी येहबा।

१ यूहन्‍ना 5:13

ख्‍याया़गी था़ म़ेहबा मिहली ज्‍योर्ती येह माएँ ताम ङोह स्‍य़े ख़ूज्‍यु म़ेदीराङ किन्‍ज्‍योगी स़ेबुला यिह-छ्य़े पेहकेनया़ला दि ताम प्रुहएँॱराङ येहबा।