यूहन्‍ना 20:29 - ह्योल्‍मो

²⁹ ओहले येशूगी खोला सुङ नाङसीन, “थोमा, ख्‍येगीनी ङाहला थोङदी च्‍यी़राङ यिह छ्य़ेसीन यिहॱनाङ ङाहला थोङॱराङ माहथोङबा पेहती यिह छ्य़ेगेया़ काहजे सोनाम-साक्‍पु।”

यूहन्‍ना 20:29 ပူးပေါင်းရင်းမြစ်များ

मत्ती 13:16

“यिहॱनाङ ख्‍याया़दी काहजे काहवा, ख्‍याया़गी मी़गी थोङगे ओहले नाम्‍ज्‍योगी थे़गे। तेहम्‍बाराङ ङाह ख्‍याया़ला माएँ, ख्‍याया़गी थोङग्‍यो दाङ थे़क्‍योगी दि केच्‍याया़ माहङबुराङ लुहङतेम्‍बा दाङ टाहङबु मिहया़गी ताज्‍ये दाङ ङ्यिहन्‍ज्‍येला ज्‍यिबुराङ सेम पेहती येहकें।

लूका 1:45

चो़वो छ्येवागी ख्‍येला सुङ नाङग्‍यो स्‍याहल तेहन्‍दा डुप्‍केन म़ेदी यिह छ्य़ेगे ख्‍ये काहजे सोनाम-साक्‍पु!” म़ेदी मासीन।

यूहन्‍ना 20:28

थोमागी येशूला मासीन, “ओ़, ङाहती चो़वो दाङ ङाहती किन्‍ज्‍यो!”

यूहन्‍ना 20:8

ओहले तोहङस्‍यो फुक्‍पाला लेप्‍क्‍योगी लेहमेन स्‍याहप्‍च्‍यीॱआङ फुक्‍पा नाहङला स्‍य़ूहसीन। दि थोङदी खोगी यिह छ्य़ेसीन।

यूहन्‍ना 4:48

ओहले येशूगी खोला सुङ नाङसीन, “ख्‍यागी ताक्‍छेन दाङ याहम्‍जेन छ्येवागी ल़ेहया़ माहथोङ थु च्‍यि पेहतीॱआङ यिह-मेहछ्य़ेएँ।”

२ कोरिन्‍थी 5:7

च्‍यिबेमाना ङ्यिहगी थोङग्‍यो सोङबे मिहम्‍बा, यिहॱनाङ ङ्यिह यिह-छ्य़े पेहती राहङगी मिहजी ताङगे।

हिब्रू 11:1

तेहपा पेहकेन म़ेदी माक्‍यो तामगी तेहन्‍दादी च्‍यि यिहम्‍बा मासीमाना रेहवा पेहक्‍योकी तामला सेम तेहमु पेहती तेहकें दाङ मी़गी माहथोङबाकी से़हला सेम तिहङ यिहन्‍ज्‍युराङ यिह-छ्य़े पेहकें यिहम्‍बा।

हिब्रू 11:27

तेहपा लाहमलेॱराङ खोगी क्‍याहल्‍बुगी थुयाललाॱआङ नाङदा माहबेबा पेहती मिश्र क्‍याहल-खापले थेन्‍दी काहल्‍सीन ओहले थोङ मी़हखुएँ किन्‍ज्‍योला थोङग्‍यो ल़ेहमुराङ पेहती खोगी सिपाज्‍यीॱआङ क्‍याहप लो़हदी मा़हते।

हिब्रू 11:39

तेहपा पेहक्‍यो सोङबेॱराङ किन्‍ज्‍योगी खुङया़ला ची़नाङ जे नाङसीन। यिहॱनाङ किन्‍ज्‍योगी ज़्‍या़ नाङग्‍योकी ताहम्‍ज्‍या सुज्‍यीगीॱआङ माहन्‍ज्‍योर।

१ पत्रुस 1:8

ख्‍यागी येशू मास्‍यीकाला थोङग्‍यो मे़हॱनाङ मिहरोला चेवा पेहकें। मिहरोला ख्‍यागी ताहन्‍दा थोङ मी़हखुएँ, यिहॱनाङ ख्‍यागी मिहरोला यिह-छ्य़े पेहकें। ओहले स्‍येॱराङ मी़हखुएँगी ज़िज्‍यिद छ्यिम्‍बु काहसोगी ख्‍याया़गी सेम काहङदी येह।