यूहन्‍ना 20:26 - ह्योल्‍मो

²⁶ ङ्यिहमा क्‍ये़ह तिङले येशूकी स्‍याहप्‍च्‍यीया़ येहपाराङ खाङबा नाहङला कोह क्‍याहप्‍ती तेहक्‍यो येहकें। थोमाॱआङ खुङ ङ्याम्‍बुराङ येहकें। कोह क्‍याहप्‍क्‍यो येहकें यिहॱनाङ येशू नाहङला स्‍य़ूह नाङसीन, ओहले खुङया़गी पाहरक्‍यीला ज़्‍याङदी सुङ नाङसीन “ख्‍याया़ ङ्याम्‍बु स्‍य़िहदे ओहङज्‍यु!”

यूहन्‍ना 20:26 ပူးပေါင်းရင်းမြစ်များ

मत्ती 17:1

ङ्यिहमा ट़ूह तिङले येशूगी पत्रुस, याकूब दाङ खोगी नो़ह यूहन्‍नाला राहङ ङ्याम्‍बुराङ नोम फेप्‍ती काहङ थोम्‍बु च्‍यी़ला फेप नाङसीन।

मर्कूस 16:14

ओ़ह तिङले स्‍याहप्‍च्‍यी च्‍यिङ्यी़राङ साहज्‍ये से़हया़ स़ेह तेहकेमु येशू खुङया़गी पाहरक्‍यीला फेप नाङसीन। राहङ-राहङगी सेम सान्‍दी पेहती येशूला टोहङग्‍योलेगी सोम्‍बो लो़हक्‍यो थोङगेनया़गी तामला यिह मा़हछ्येबा सोङबे येशूगी खुङया़ला काप्‍क्‍येन नाङसीन।

लूका 24:36

खुङया़गी दि ताम म़े तेहकेमु येशू याहङमे-याहङलाराङ खुङगी क्‍यिलला ज़्‍याङदी सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु!”

लूका 9:28

दि स्‍याहल सुङदी स्‍याहक्‍पु क्‍ये़हचे तिङले येशूगी पत्रुस, यूहन्‍ना दाङ याकूबला नोम्‍दे सोल्‍वाङ ताप्‍च्‍येला काहङ च्‍यी़ला फेप नाङसीन।

यूहन्‍ना 11:16

ओहले स्‍याहप्‍च्‍यीया़ नाहङगी दिदुमस माएँ थोमागी राहङगी लेहमेन रो़हया़ला मासीन, “लो, ता़ह ओहराङॱआङ लोबेन ङ्याम्‍बुराङ डोएँ ओहले मिहरो ङ्याम्‍बुराङ स्‍यिएँ।”

यूहन्‍ना 14:27

ङाह ख्‍या ङ्याम्‍बुराङ स्‍य़िहदे क्‍युर ज़्‍या़एँ, ङाह राहङगी स्‍य़िहदे ख्‍याया़ला तेर्के। दि स्‍य़िहदेती जाम्‍बुलीङगी तेरक्‍यो ल़ेहमु मिहम्‍बा, ख्‍या सेम छाबा-छुबे माहबे ओहले मा़हन्‍ज्‍यी।

यूहन्‍ना 20:19

साताकी तोहङस्‍यो ङ्यिहमा जा ङ्यिहमाकी कुहङॱसे, स्‍याहप्‍च्‍यीया़ यहूदी गोबाया़गी ज्‍यी़सुगी पेहती कोह क्‍याहप्‍ती तेहक्‍यो येहकें। ओ़ह ती़हजीलाराङ येशू याहङमे-याहङ फेप्‍ती खुङया़गी पाहरक्‍यीला ज़्‍याङदी ज़्‍य़ू नाङसीन ओहले येशूगी खुङया़ला सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु!”

यूहन्‍ना 20:21

ओहले येशूगी येहपाराङ खुङया़ला सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु! याहपगी ङाहला ताङ नाङग्‍यो ल़ेहमुराङ ङाहॱआङ ख्‍याला ताङगेराङ येह।”

यूहन्‍ना 21:1

ओ़ह तिङले येहपाराङ गालील साने़की तिबेरियास छो पोहला स्‍याहप्‍च्‍यीया़गी येशूला थोङसीन।

यूहन्‍ना 21:14

येशू टोहङदी येहपाराङ सोम्‍बो ज़्‍याङ फान्‍ज्‍यो स्‍याहप्‍च्‍यीया़साला फेप नाङग्‍योदी दि लेहमा सुम्‍बा यिहन्‍गे।

ल़ेह-पेन 1:3

ओहप-क्‍याल नोम्‍दी क्‍याहङस्‍यीङला टोहङ फान्‍ज्‍यो येशू ङ्यिहमा ज़्‍यिप-च्‍यु थु लेहमा माहङबुराङ खुङया़ ङ्याम्‍बु थु नाङदी राहङ सोम्‍बो येह म़ेदी दास्‍यी तेन नाङसीन। ओहले स्‍याहप्‍च्‍यीया़गी येशूला थोङसीन ओहले येशूगी खुङया़ ङ्याम्‍बु किन्‍ज्‍योगी क्‍याहल्‍सीगी तेहन्‍दाला स्‍याहल सुङ नाङसीन।