यूहन्‍ना 20:25 - ह्योल्‍मो

²⁵ ओहले लेहमेन स्‍याहप्‍च्‍यीया़गी थोमाला मासीन, “ङ्यिहगी चो़वोला थोङसीन।” यिहॱनाङ थोमागी खुङया़ला मासीन, “ङाहगी चो़वोगी छ्या़ला च्‍या़जार तिहप्‍क्‍योदी मेम्‍बाया़ माहथोङ थु, ओहले ओ़ह च्‍या़जारकी मेम्‍बाला ङाहती लाहक्‍पा-जु़बी मा़हलु थु, ओहले चो़वोगी ची़मा चो़ला ङाहती लाहक्‍पागी मा़हदे थु ङाह यिह मे़हछ्ये।”

यूहन्‍ना 20:25 ပူးပေါင်းရင်းမြစ်များ

मत्ती 27:42

“दि मिहगी लेहमेनलानी थार च्‍य़ूसीन, यिहॱनाङ त़ेदोङ, राहङलानी थार च्‍य़ू मा़हखु। का़हलेॱआङ दि इस्राएलीया़गी थार्पा नाङगेन्‍गी क्‍याहल्‍बु यिहन्‍सीमानानी क्‍याहङस्‍यीङले माहर फाप्‍ती ओहङज्‍यु ओहले का ङ्यिहगी यिह छ्य़ेगे!

मर्कूस 16:11

ओहले मोहगी येशू सोम्‍बो ज़्‍याङ नाङग्‍यो दाङ राहङगी थोङग्‍योकी थाम्‍ज्‍यी केच्‍याया़ खुङया़ला स्‍येसीन। यिहॱनाङ खुङगी मोहगी तामला यिह मा़हछ्ये।

मर्कूस 16:13

खुङया़गीॱआङ ओहङदी दि केच्‍या लेहमेन स्‍याहप्‍च्‍यीया़ला स्‍येसीन। येहपाराङ स्‍याहप्‍च्‍यीया़गी खुङया़गी माक्‍यो तामला यिह मा़हछ्ये।

मर्कूस 16:14

ओ़ह तिङले स्‍याहप्‍च्‍यी च्‍यिङ्यी़राङ साहज्‍ये से़हया़ स़ेह तेहकेमु येशू खुङया़गी पाहरक्‍यीला फेप नाङसीन। राहङ-राहङगी सेम सान्‍दी पेहती येशूला टोहङग्‍योलेगी सोम्‍बो लो़हक्‍यो थोङगेनया़गी तामला यिह मा़हछ्येबा सोङबे येशूगी खुङया़ला काप्‍क्‍येन नाङसीन।

लूका 24:25

ओहले येशूगी खुङया़ला सुङ नाङसीन, “ए रिहक्‍स्‍यी म़ेहबागी मिह, ख्‍यागी सेम देजे लो-सेपु काहल्‍दी येह, लुहङतेम्‍बाया़गी माक्‍योगी केच्‍याया़ ख्‍याया़गी यिह मे़हछ्येएँ!

यूहन्‍ना 1:41

खोगी थाम्‍ज्‍यी म़ेदी तोहङले राहङगी आदा सिमोनला थू़दी मासीन, “ङ्यिहगी मसीहला थ़ूसीन।” (हिब्रू तामला “मसीहकी” तेहन्‍दाती ग्रीक तामला “ख्रीष्‍ट” ओहङगेमाना प़ेह तामलादी मास्‍यीका ओहङगे।)

यूहन्‍ना 20:27

ओहले येशूगी थोमाला सुङ नाङसीन, “ख्‍येती लाहक्‍पा देला ज़्‍यो़, ओहले ङाहती लाहक्‍पाया़ त़ेदोङ। ख्‍ये लाहक्‍पा क्‍या़दी ङाहती ची़मा चो़ला दे़दोङ। थेचुम मेहबेकें, यिहॱनाङ यिह-छ्य़े पेहतोङ।”

यूहन्‍ना 21:7

दि थोङदी येशूगी चेवा जे नाङग्‍योकी स्‍याहप्‍च्‍यीगी पत्रुसला मासीन, “मिहरो चो़वो गा यिहन्‍गे दुबा!” “मिहरो चो़वोॱराङ यिहङगें दुबा!” माएँ थे़दी सिमोन-पत्रुसगी राहङगी फि ङो़गी काप्‍च्‍या क्‍येपाला टिल्‍सीन, च्‍यिबेमाना खोगी काप्‍च्‍या माहकेहम्‍बा येहकें, ओहले खो छोला फिर छ्योङसीन।

यूहन्‍ना 6:30

ओ़ह सोङबे खुङया़गी येशूला स्‍युहसीन, “ङ्यिहगी राहङला यिह-छ्य़े पेहच्‍येला राहङगी ङ्यिहला काहन्‍डुमु ताक्‍छेनया़ तेन नाङगे ले? केरे तेन नाङदोङ ले?

हिब्रू 3:12

आदा-नो़ह दाङ आज्‍यी-नुहमुया़, जेम्‍बु पेह। ख्‍या सुज्‍यीॱआङ ङ्येहम्‍बा दाङ यिह मे़हछ्येएँ सेम्‍बागी ख्‍याला सोम्‍बो किन्‍ज्‍योलेगी था़-रिहङबु माहख्‍येर्ज्‍यु।

हिब्रू 3:18

किन्‍ज्‍योगी का मी़हची़एँया़ॱराङ मास्‍यीकागी थाङ सो नाङगेन्‍गी ग्‍या़ला नाहमॱआङ स्‍युह ङ्युहङज्‍ये म़ेह सुङदी किन्‍ज्‍योगी ना क्‍याल नाङग्‍यो मिहम्‍बा ले?