यूहन्‍ना 20:21 - ह्योल्‍मो

²¹ ओहले येशूगी येहपाराङ खुङया़ला सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु! याहपगी ङाहला ताङ नाङग्‍यो ल़ेहमुराङ ङाहॱआङ ख्‍याला ताङगेराङ येह।”

यूहन्‍ना 20:21 ပူးပေါင်းရင်းမြစ်များ

मत्ती 10:16

“त़ेदोङ, ल़ूहया़ला फाराया़गी पाहरक्‍यीला ताङगे ल़ेहमुराङ ङाह ख्‍याया़ला मिहया़गी पाहरक्‍यीला ताङगो येह। ओ़ह सोङबे ख्‍याया़ प्रुहल ल़ेहमु टिहम्‍बु दाङ दुङगुकुर ल़ेहमु थेका ओहङ कोहकें।

मत्ती 10:40

“ख्‍याया़ला चा़ पेहकेन्‍दीगी ङाहला चा़ पेहकेन ओहले ङाहला चा़ पेहकेन्‍दीगी ङाहला ताङ नाङगेन्‍दीॱलाङ चा़ पेहकें।

लूका 24:36

खुङया़गी दि ताम म़े तेहकेमु येशू याहङमे-याहङलाराङ खुङगी क्‍यिलला ज़्‍याङदी सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु!”

यूहन्‍ना 13:20

तेहम्‍बाराङ ङाह ख्‍याया़ला माएँ, ‘का़हन्‍दीला ङाह ताङगे, खोला लोक पेहकेन्‍दीगी ङाहॱलाङ लोक पेहकें, ओहले ङाहला लोक पेहकेन्‍दीगी ङाहला ताङ नाङगेन्‍दीॱलाङ लोक पेहकें’।”

यूहन्‍ना 14:27

ङाह ख्‍या ङ्याम्‍बुराङ स्‍य़िहदे क्‍युर ज़्‍या़एँ, ङाह राहङगी स्‍य़िहदे ख्‍याया़ला तेर्के। दि स्‍य़िहदेती जाम्‍बुलीङगी तेरक्‍यो ल़ेहमु मिहम्‍बा, ख्‍या सेम छाबा-छुबे माहबे ओहले मा़हन्‍ज्‍यी।

यूहन्‍ना 20:19

साताकी तोहङस्‍यो ङ्यिहमा जा ङ्यिहमाकी कुहङॱसे, स्‍याहप्‍च्‍यीया़ यहूदी गोबाया़गी ज्‍यी़सुगी पेहती कोह क्‍याहप्‍ती तेहक्‍यो येहकें। ओ़ह ती़हजीलाराङ येशू याहङमे-याहङ फेप्‍ती खुङया़गी पाहरक्‍यीला ज़्‍याङदी ज़्‍य़ू नाङसीन ओहले येशूगी खुङया़ला सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु!”

यूहन्‍ना 20:22

दे़ज्‍ये सुङदी येशूगी खुङया़ला फू़ जेती सुङ नाङसीन, “ता़ह नाम्‍पार-ताहक्‍पा थु लेहन्‍दोङ।

यूहन्‍ना 20:26

ङ्यिहमा क्‍ये़ह तिङले येशूकी स्‍याहप्‍च्‍यीया़ येहपाराङ खाङबा नाहङला कोह क्‍याहप्‍ती तेहक्‍यो येहकें। थोमाॱआङ खुङ ङ्याम्‍बुराङ येहकें। कोह क्‍याहप्‍क्‍यो येहकें यिहॱनाङ येशू नाहङला स्‍य़ूह नाङसीन, ओहले खुङया़गी पाहरक्‍यीला ज़्‍याङदी सुङ नाङसीन “ख्‍याया़ ङ्याम्‍बु स्‍य़िहदे ओहङज्‍यु!”

यूहन्‍ना 3:17

च्‍यिबेमाना किन्‍ज्‍योगी जाम्‍बुलीङला ङ्य़ेहबा फो़ च्‍य़ूज्‍ये म़ेदी स़ेबुला दि जाम्‍बुलीङला ताङ माहनाङ यिहॱनाङ जाम्‍बुलीङ मिहरो लाहमले थार ख़ूज्‍यु म़ेदी स़ेबुला दि जाम्‍बुलीङला ताङ नाङसीन।

ल़ेह-पेन 1:2

येशू राहङगीराङ दाम नाङग्‍योकी ल़ेह-पेनया़ला नाम्‍पार-ताहक्‍पा थु लाहमले का नाङ सिहन फान्‍ज्‍यो येशू स्‍यिहङगामला फेप नाङग्‍यो थु थाम्‍ज्‍यीराङ तामया़ तोहङमा छ्य़ेला प्री़हदी येह।

ल़ेह-पेन 1:8

यिहॱनाङ नाम्‍पार-ताहक्‍पा थु ख्‍याया़ थो़ला फेप नाङ फान्‍ज्‍यो ख्‍यागी ओङ ज्‍योर्च्‍ये येह। ओ़ह तिङले ख्‍याया़ यरूशलेम क्‍याहसाला, थाम्‍ज्‍यी यहूदीयाला, सामरिया साने़या़ला, ओहले जाम्‍बुलीङ छ्यो़ ज़्‍यिगालाॱराङ ख्‍या ङाहगी पाङबु ओ़हङज्‍ये येह।”

२ तिमोथी 2:2

पाङबु तेर्के माहङबुराङ मिहया़की दिनला ङाहगी ख्‍येला लोप्‍क्‍योकी तामया़ लेहमेन लोप ख़ूएँ दाङ यिह-छ्य़ेबु मिहया़ला चि क्‍याहप तेर।

हिब्रू 3:1

ओ़ह सोङबे किन्‍ज्‍योगी क़े क्‍याहप नाङग्‍यो नाम्‍पार-ताहक्‍पा आदा-नो़ह दाङ आज्‍यी-नुहमुया़, ङ्यिहगी ल़ेह-पेन दाङ गो-छ्येवा पूजाहारी म़ेदी ची़नाङ पेहक्‍यो येशू ङो़ले सेम ताङदोङ।

३ यूहन्‍ना 1:14

ता़ह ङाह ख्‍ये ङ्याम्‍बु ग्‍यो़बाराङ थू़दी ताम थाम्‍ज्‍यी माएँ म़ेदी रेहवा पेहको येहबा।