यूहन्‍ना 20:20 - ह्योल्‍मो

²⁰ दि सुङदी येशूगी खुङया़ला राहङगी छ्या़ ओहले ची़मा चो़ला तेन नाङसीन। चो़वोला थोङदी स्‍याहप्‍च्‍यीया़ ज्‍यिबुराङ क़ेहनाङ लाहङसीन।

यूहन्‍ना 20:20 ပူးပေါင်းရင်းမြစ်များ

मत्ती 28:8

ओ़ह पी़हमी-पेहजाया़ला ज्‍यी़सुॱआङ ओहङसीन ओहले क़ेहनाङॱआङ ज्‍यिबुराङ लाहङसीन। खुङ ग्‍यो़बाराङ ओ़ह फुक्‍पालेगी थेन्‍दी स्‍याहप्‍च्‍यीया़ला लेहङगु स्‍येच्‍येला छ्योङदी काहल्‍सीन।

यूहन्‍ना 16:20

तेहम्‍बाराङ, ङाह ख्‍याला माएँ, ख्‍या ङी़हदी ङुहप्रा तिहङरा पेहच्‍ये येह, यिहॱनाङ जाम्‍बुलीङ क़ेहनाङ पेहच्‍ये येह। ख्‍याया़गी ङ्याहङेन पेहॱनाङ ख्‍यागी ङ्याहङेन क़ेहनाङला ग्‍युर्च्‍ये येह।

यूहन्‍ना 16:22

ओ़ह ल़ेहमुराङ ताहन्‍दा ख्‍या ज्‍यिबुराङ ङ्याहङेन पेहकें, यिहॱनाङ ङाह ख्‍याला येहपाराङ थु ओहङज्‍ये येह, ओहजेला ख्‍यागी सेम क़ेहनाङगी काहङज्‍ये येह। ओहले ओ़ह क़ेहनाङ सुज्‍यीगीॱआङ ख्‍या लाहमले फ्रो़दी ख्‍येर ख़ूज्‍ये म़ेह।

यूहन्‍ना 19:34

यिहॱनाङ माक्‍मी च्‍यी़गी येशूकी ची़मा चो़ला दुङगी चो़सीन, ओहले चो़लुङ म़ेहबा ठा़ दाङ छ्यु थेन्‍सीन।

यूहन्‍ना 20:25

ओहले लेहमेन स्‍याहप्‍च्‍यीया़गी थोमाला मासीन, “ङ्यिहगी चो़वोला थोङसीन।” यिहॱनाङ थोमागी खुङया़ला मासीन, “ङाहगी चो़वोगी छ्या़ला च्‍या़जार तिहप्‍क्‍योदी मेम्‍बाया़ माहथोङ थु, ओहले ओ़ह च्‍या़जारकी मेम्‍बाला ङाहती लाहक्‍पा-जु़बी मा़हलु थु, ओहले चो़वोगी ची़मा चो़ला ङाहती लाहक्‍पागी मा़हदे थु ङाह यिह मे़हछ्ये।”

यूहन्‍ना 20:27

ओहले येशूगी थोमाला सुङ नाङसीन, “ख्‍येती लाहक्‍पा देला ज़्‍यो़, ओहले ङाहती लाहक्‍पाया़ त़ेदोङ। ख्‍ये लाहक्‍पा क्‍या़दी ङाहती ची़मा चो़ला दे़दोङ। थेचुम मेहबेकें, यिहॱनाङ यिह-छ्य़े पेहतोङ।”

१ यूहन्‍ना 1:1

छ़ू नाङगे यिहन्‍ज्‍युराङ येहकेन, ङ्यिहगी थे़क्‍यो ओहले राहङ मी़गीराङ थोङग्‍यो, ओहले ङ्यिहगी या़हबु पेहती तासीन ओहले ङ्यिहगी राहङ लाहक्‍पागीॱराङ दे़सीन। ओ़ह मिहली नाङगे सुङगी तेहन्‍दालाराङ ताहन्‍दा ङ्यिह ख्‍याया़ला दि यिहगी प्रुहएँॱराङ येहबा।