यूहन्‍ना 2:24 - ह्योल्‍मो

²⁴ यिहॱनाङ येशूगी खुङया़ला यिह-छ्य़े माहनाङ, च्‍यिबेमाना येशूगी मिह थाम्‍ज्‍यीगी सेम या़हबु जेती ङोह ख्‍येन्‍दी येहकें।

यूहन्‍ना 2:24 ပူးပေါင်းရင်းမြစ်များ

मत्ती 9:4

ओहले खुङगी सेमगी ताम ङोह ख्‍येन्‍दी येशूगी सुङ नाङसीन, “च्‍यिबे ख्‍याया़गी सेमला दि रोहवा साम्‍लु चोक्‍पा ताङगे?

मर्कूस 2:8

ओ़हजेलाराङ येशूगी खुङगी सेमगी ताम ङोह ख्‍येन्‍दी सुङ नाङसीन, “च्‍यिबे ख्‍या दि रोहवा साम्‍लु ताङगे?

यूहन्‍ना 1:42

अन्‍द्रियासगी सिमोनला येशूसाला ख्‍येर्सीन। ओहले येशूगी सिमोनला ज़ी़दी सुङ नाङसीन, “ख्‍ये योआनेसकी पुह सिमोन यिहन, ख्‍येला केफास म़ेदी माज्‍ये येह।” (दिला ग्रीक तामला पत्रुस म़ेदी माएँ।)

यूहन्‍ना 16:30

ता़ह ङ्यिहगी ङोह स्‍य़ेसीन, राहङला थाम्‍ज्‍यीराङ से़हया़ थुयी़ येहबा, ओहले राहङला सुज्‍यीगीॱआङ टी़ह कोहबा म़ेह। ओ़ह सोङबे राहङ किन्‍ज्‍यो लाहमलेॱराङ फेप नाङग्‍यो यिहन म़ेदी ङ्यिह यिह छ्य़ेगे।”

यूहन्‍ना 21:17

ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।

यूहन्‍ना 4:16

येशूगी मोहला सुङ नाङसीन, “सोङ, ओहले ख्‍येगी ख्‍योवाला क़े क्‍याहप्‍ती देला ख्‍येर-स्‍यो!”

यूहन्‍ना 5:42

यिहॱनाङ ख्‍याया़गी सेमला किन्‍ज्‍योगी चेवा मेह माएँ ताम ङाहगी ङोह स्‍य़े सिहन्‍दे येह।

यूहन्‍ना 6:15

मिहया़ ओहङदी राहङला ज्‍यिबुराङ उर्चु पेहती क्‍याहल्‍बु ज़ोज्‍ये छोल्‍गेराङ येह माएँ ताम येशूगी थु ङ्ये फान्‍ज्‍यो येशू येहपाराङ राहङ च्‍यी़राङ काहङ ङो़ले फेप नाङसीन।

यूहन्‍ना 6:64

यिहॱनाङ ख्‍याया़ नाहङला लाहलागी ङाहला यिह मे़हछ्येएँ।” च्‍यिबेमाना यिह मेहछ्य़ेएँया़ सु सु यिहम्‍बा, ओहले मिहरोला गो़ कोर च्‍य़ूगेन्‍दी सु यिहम्‍बा म़ेदी येशूला तोहङ यिहन्‍ज्‍यु थुयी़ येहकें।

ल़ेह-पेन 1:24

ओहले खुङया़गी दि ल़ेहमु म़ेदी सोल्‍वाङ ताप्‍सीन, “मिह थाम्‍ज्‍यीगी सेमला येहकेन्‍गी ताम ङोह ख्‍येन नाङगे चो़वो छ्येवा, दि मेहन्‍दा ङ्यी़ नाहङला राहङगी का़हन्‍दीला दाम नाङग्‍यो येहबा ओ़ह ङ्यिहला तेन नाङदोङ,

ल़ेह-पेन 15:8

सेमगी स्‍याहल ङोह ख्‍येन्‍गे किन्‍ज्‍योगी ओहराङला नाम्‍पार-ताहक्‍पा थ़ू नाङग्‍यो ल़ेहमुराङ लेहमेन क्‍यिहपागी मिहया़ॱलाङ नाङसीन। दि ल़ेहमु पेहती किन्‍ज्‍योगी लेहमेन क्‍यिहपागी मिहया़लाॱआङ राहङदी ज़ो नाङसीन।

हिब्रू 4:13

किन्‍ज्‍योगी ज़ी़ मी़हथुप्‍केन्‍गी से़हया़ च्‍यिॱआङ म़ेह। मिहरोगी दिनला रेबेॱराङ से़हया़ खा फे़क्‍यो येहबा ओहले छ्यिसाल-नाहङसाल थोङ ख़ूएँ। मिह-रो़हलाॱराङ ओहराङगी पेहक्‍यो ल़ेहया़गी तेहन्‍दाला स्‍य़े कोहज्‍ये येह।

ज्‍याल्‍गा 2:23

मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।