यूहन्‍ना 2:16 - ह्योल्‍मो

¹⁶ ओहले येशूगी दुङगुकुर चोङगेनया़ला काप्‍क्‍येन नाङदी सुङ नाङसीन, “ख्‍याया़गी दि से़हया़ देलेगी ख्‍येर्ती सोङ! ङाहती याहपगी ज़िम्‍गाङला ख्‍याया़गी छोङ क्‍याहप्‍केन खाङबा माहज़ो़।”

यूहन्‍ना 2:16 ပူးပေါင်းရင်းမြစ်များ

मत्ती 21:12

येशू किन्‍ज्‍योगी छ्योखाङला फेप नाङसीन ओहले छ्योखाङला छोङ क्‍याहप्‍के मिह थाम्‍ज्‍यीलाराङ ङ्ये चाहङ नाङसीन। येशूगी टाङगा च्‍येहप्‍केनया़गी च्‍योक्‍चीया़ लो़री क्‍याहप्‍नाङसीन, ओहले पुहर्कानी चोङगे मिह तेहसाया़ लो़री क्‍याहप नाङसीन।

मत्ती 21:13

ओहले येशूगी खुङया़ला सुङ नाङसीन, “सुङरापला दि ल़ेहमु प्री़हदी येहबा– ‘ङाहगी खाङबाला सोल्‍वाङ ताप्‍केन्‍गी खाङबा म़ेदी माज्‍ये येह।’ यिहॱनाङ ख्‍याया़गीनी दि छ्योखाङला ज्‍याक्‍पाया़गी फुक्‍पा गा ज़ोसीन दुबा!”

मत्ती 22:5

यिहॱनाङ ओ़ह डोम्‍बोया़गी नाङदाराङ माहताङबा पेहती राहङ-राहङगी ल़ेहला काहल्‍सीन। लाहला राहङगी स्‍यिहङला फार काहल्‍सीन ओहले लाहलादी राहङगी छोङ क्‍याहप्‍च्‍येला काहल्‍सीन।

मर्कूस 11:17

ओ़ह तिङले येशूगी मिहया़ला सुङदेन नाङगेराङ सुङ नाङसीन, “च्‍यि सुङरापला दि ल़ेहमु प्रुहक्‍यो म़ेहबा ले– ‘ङाहगी खाङबा थाम्‍ज्‍यी क्‍यिहपागी मिहया़गी तेहन्‍दाला सोल्‍वाङ ताप्‍केन्‍गी खाङबा ओहङज्‍ये येह’? यिहॱनाङ ख्‍यागीनी दि छ्योखाङला च्‍याहक्‍पाया़ जोम्‍गेन्‍गी फुक्‍पा का ज़ोसीन दु!”

लूका 2:49

ओहजेला येशूगी सुङ नाङसीन, “ङाहला च्‍यिबे छोल नाङग्‍यो ले? ङाह राहङगी याहपगी खाङबाला ओहङ कोहकें माएँ ताम च्‍यि राहङया़ला थुयी़ म़ेहबा लाह?”

यूहन्‍ना 10:29

खुङया़ला ङाह लाहक्‍पाला चि क्‍याप नाङगेन ङाहगी याहप थाम्‍ज्‍यी म़ेदी चा़ छ्यिम्‍बु ज़्‍य़ू नाङदी येह ओहले ङाहती याहपकी छ्या़लेनी तोहरोङ खुङया़ला सुज्‍यीगीॱआङ फ्रो़ ख़ूज्‍ये म़ेह।

यूहन्‍ना 2:15

ओहले येशूगी थाक्‍पागी ताक्‍स्‍यु जे़दी ओ़हला येहकेन्‍की थाम्‍ज्‍यीलाराङ ओहले खुङगी ल़ूह दाङ लाङगोया़ॱलाङ छ्योखाङले ङेती ताङ नाङसीन, ओहले टाङगा च्‍ये़हगेनया़गी टाङगाया़ टाम्‍दी चोक्‍चीया़ लो़री क्‍याहप नाङसीन।

यूहन्‍ना 20:17

ओहले येशूगी मोहला सुङ नाङसीन, “ङाहला मा़हदे, च्‍यिबेमाना ङाह ताहन्‍दा थु याहप्‍च्‍येन आबासाला काहल्‍दी म़ेह। यिहॱनाङ ङाहती नो़हया़साला काहल्‍दी म़े तेर, ‘ङाहती याहप दाङ ख्‍यागी याहप, ओहले ङाहती किन्‍ज्‍यो दाङ ख्‍यागी किन्‍ज्‍यो साला ङाह डोॱराङ येह’।”

यूहन्‍ना 5:17

ओहले येशूगी खुङया़ला सुङ नाङसीन, “ङाहगी याहपगी ताहन्‍दा थु छ्या़ले जे नाङगेराङ येह, ओहले ङाहॱआङ ल़ेह पेहकेनॱराङ येह।”

यूहन्‍ना 8:49

ओहले येशूगी सुङ नाङसीन, “ङाहला ल्‍हेन्‍डी स्‍य़ूहदी म़ेह। ङाह राहङगी याहपला चा़ पेहकें, यिहॱनाङ ख्‍याया़गी ङाहला स्‍ये़हन्‍डील पेहकु दु।

१ तिमोथी 6:5

ओ़ह ल़ेहमु मिहया़गी नावा नोहङग्‍योया़ दाङ तेहन्‍दामकी लाहमलेगी लो़हक्‍यो मिहया़की पाहरक्‍यीला ठ़ूस्‍यी सिहङदा च्‍यी़राङ ख्‍योङगे, ओहले किन्‍ज्‍योला म़ेहबा पेहक्‍योदी छ्युक्‍पु डोज्‍येगी तेहन्‍दाला यिहम्‍बा म़ेदी नोम्‍साङ ताङगे।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।