यूहन्‍ना 2:12 - ह्योल्‍मो

¹² ओ़ह तिङले येशू राहङगी आमा, नो़हया़ दाङ स्‍याहप्‍च्‍यीया़ ङ्याम्‍बु कफर्नहुमला फेप नाङसीन, ओहले स्‍याहक्‍पु तोबाज्‍यी ओ़हलाराङ ज़्‍य़ू नाङसीन।

यूहन्‍ना 2:12 ပူးပေါင်းရင်းမြစ်များ

मत्ती 11:23

“ए कफर्नहुमकी मिहया़, च्‍यि ख्‍याया़ स्‍यिहङगामला लेप ख़ूएँ म़ेदी सेमला ने़उ दु? ख्‍याया़नी ङ्याल्‍वालाराङ छ्यिच्‍ये येह च्‍यिबेमाना सदोम क्‍याहसाॱलाङ ख्‍याया़ला ल़ेहमुराङ याहम्‍जेम्‍बागी ल़ेहया़ तेन्‍ग्‍यो यिहनानी सदोम क्‍याहसा ताहन्‍दा थुॱआङ लिहच्‍ये येहकें।

मत्ती 12:46

येशूगी मिह मिह-माहङला दि स्‍याहल सुङगे सुङगेमुराङ येशूगी आमा दाङ नो़हया़ लेप्‍सीन। खुङया़ येशू ङ्याम्‍बु ताम मा कोहच्‍ये येह म़ेदी फिलाॱराङ कू़हदे तेहसीन।

मत्ती 4:13

यिहॱनाङ येशू नासरत क्‍याहसाला क्‍युर ज़्‍या़दी कफर्नहुम क्‍याहसाला ज़्‍य़ूज्‍येला फेप नाङसीन। कफर्नहुम क्‍याहसादी जबूलून दाङ नप्‍ताली साने़की छो-क्‍याहम्‍जोकी सुहरला येहकें।

मर्कूस 6:3

दि खो ओ़ह मरियमगी पुह स्‍यिङसो ख़ेबा मिहम्‍बा ले? च्‍यि दि याकूब, योसेफ, यहूदा दाङ सिमोनगी आदा मिहन ले? खोगी नोहमोॱया़ङ ओहराङ ङ्याम्‍बु देलाराङ येहबा!” दि ल़ेहमु म़ेदी खुङया़गी येशूला यिह मा़हछ्ये।

यूहन्‍ना 2:2

येशू दाङ येशूगी स्‍याहप्‍च्‍यीया़ॱलाङ ओ़ह पा़हमाला पाहङज्‍येन क्‍याहप्‍ती येहकें।

यूहन्‍ना 4:46

ओ़ह तिङले येशू येहपाराङ गालील साने़की काना माएँ क्‍याहसाला फेप नाङसीन। ओ़ह क्‍याहसालाराङ येशूगी छ्युला कुहन्‍डुमकी-निङगु ज़ो नाङग्‍यो येहकें। कफर्नहुम क्‍याहसाला स्‍युहङ-पेन छ्यिम्‍बु च्‍यी़ येहकें, ओहले खोगी पुह नेहपा येहकें।

यूहन्‍ना 6:17

ओहले खुङ छ्यु-टुहला स्‍य़ूहदी छो-क्‍याहम्‍जोगी फार्केन देप कफर्नहुम क्‍याहसाला डोज्‍ये पेहसीन। ओहजेला नाहम स़े सिहन्‍दी येहकें, यिहॱनाङ येशू तोहरोङॱआङ फेप माहनाङबा येहकें।

१ कोरिन्‍थी 9:5

च्‍यि लेहमेन ल़ेह-पेनया़ ल़ेहमुराङ, चो़वोगी नो़ह दाङ केफासला ल़ेहमुराङ ङ्यिहलाॱआङ किन्‍ज्‍योला यिह छ्य़ेक्‍योगी पी़हमी थो़दी डोएँ ओङ म़ेहबा ले?

गलाती 1:19

यिहॱनाङ ओ़हला ङाहगी चो़वो छ्येवागी नो़ह याकूबला मिहम्‍बा लेहमेन ल़ेह-पेन सुॱलाङ माह-थु।