यूहन्‍ना 19:7 - ह्योल्‍मो

⁷ ओहले यहूदी गोबाया़गी, “दि मिहगी, ‘ङाहराङ किन्‍ज्‍योगी स़ेबु यिहन’ म़ेदी माक्‍यो सोङगोराङ ङ्यिहगी छ्य़े-ठिमगी तादाङलानी खोला सेॱराङ कोहएँ!” म़ेदी मासीन।

यूहन्‍ना 19:7 ပူးပေါင်းရင်းမြစ်များ

मर्कूस 15:39

येशू दि ल़ेहमु जेती टोहङग्‍यो थोङदी क्‍याहङस्‍यीङगी पोहला लाहङदी तेहक्‍यो रोमी माक्‍पेनगी, “तेहम्‍बाराङ दि मिह नि किन्‍ज्‍योगी स़ेबुराङ यिहम्‍बा छे दु” म़ेदी मासीन।

यूहन्‍ना 19:8

दि केच्‍या थे़दी पिलातस तोहरोङ ज्‍यी़सीन।

यूहन्‍ना 5:18

ओ़ह सोङबे यहूदीया़गी येशूला सेच्‍ये म़ेदी माहङबुराङ स्‍युक पेहसीन, च्‍यिबेमाना मिहरोगी थाङ सोएँ ङ्यिहमागी ठिम च्‍यी़राङ माहगोम, यिहॱनाङ येशूगी किन्‍ज्‍योला याहप सुङदी राहङला किन्‍ज्‍यो ङ्याम्‍बा ज़ो नाङग्‍यो येहकें।

ल़ेह-पेन 18:13

दि मिहगी ओहराङगी छ्य़े-ठिम ङ्याम्‍बु मी़ह-डी़एँगी छ्याप्‍स्‍यीया़ ङो़ले किन्‍ज्‍योला छ्येपा फुल्‍गे तामया़ लोप्‍ते मिहया़ला नोङज्‍ये छोल्‍गु दु म़ेदी यहूदीया़गी मासीन।

रोमी 1:4

ओहराङ चो़वो येशू मास्‍यीका किन्‍ज्‍योकी स़ेबु यिहन म़ेदी नाम्‍पार-ताहक्‍पा थुगी ओङ लाहमले सोम्‍बो ज़्‍याङदी तेन नाङसीन।