यूहन्‍ना 19:34 - ह्योल्‍मो

³⁴ यिहॱनाङ माक्‍मी च्‍यी़गी येशूकी ची़मा चो़ला दुङगी चो़सीन, ओहले चो़लुङ म़ेहबा ठा़ दाङ छ्यु थेन्‍सीन।

यूहन्‍ना 19:34 ပူးပေါင်းရင်းမြစ်များ

मत्ती 27:62

नाहङबार च्‍युङ थाङ सोएँ ङ्यिहमाला पूजाहारी छ्यिम्‍बुया़ दाङ फरिसीया़ डी़दी पिलातससाला काहल्‍दी,

यूहन्‍ना 19:33

ओ़ह तिङले येशूगी स्‍याहप च्‍या़ज्‍ये छोल्‍गेमु मिहरोनी टोहङ सिहन्‍ग्‍यो दुबा। ओ़ह सोङबे खुङया़गी येशूकी स्‍याहप मा़हच्‍या।

यूहन्‍ना 20:20

दि सुङदी येशूगी खुङया़ला राहङगी छ्या़ ओहले ची़मा चो़ला तेन नाङसीन। चो़वोला थोङदी स्‍याहप्‍च्‍यीया़ ज्‍यिबुराङ क़ेहनाङ लाहङसीन।

ल़ेह-पेन 22:16

ओ़ह सोङबे ता़ह च्‍यिबे कू़हदी तेहच्‍ये? ता़ह लाहङदोङ ओहले बप्‍तिस्‍मा लेहन्‍दोङ ओहले येशूगी छेन लेहन्‍दी राहङगी पेहक्‍योगी तिहक्‍पा ता़ह च्‍य़ूदोङ!’ म़ेदी हननियागी मासीन।

१ कोरिन्‍थी 1:30

किन्‍ज्‍योगीॱराङ ख्‍याया़ला मास्‍यीकाला नोम फेप्‍सीन, मास्‍यीकालाॱराङ मिहरोगी ओहराङगी रिहक्‍स्‍यी, टाहङबु दाङ नाम्‍पार-ताहक्‍पा ओहले थार्पा नाङगेन्‍दी ज़ो नाङसीन।

१ कोरिन्‍थी 6:11

ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।

एफिसी 5:26

च्‍यिबेमाना मास्‍यीकागी छेन्‍छोकला नाम्‍पार-ताहक्‍पा ज़ो नाङज्‍येला राहङगी सुङ लाहमले ओहले छ्युगी ठु नाङदी चाङमा ज़ो नाङसीन।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

हिब्रू 9:13

राहबु दाङ लाङगोया़की ठा़ दाङ पाहलाङ स्‍ये़मु सा़क्‍योगी थाला लेहन्‍दी मेहचाङा काहल्‍ग्‍यो मिहया़ थो़ला टाम्‍देमाराङ ज़ुबु चाङमा ज़ोउ येहकें।

हिब्रू 9:22

तेहम्‍बाराङ सुङरापला तासीमाना ठा़गी ना थाम्‍ज्‍यीराङ से़हया़ला चाङमा ज़ोएँ, ओहले ठा़ माहस्‍याहल थु तिहक्‍पा ता़ह मी़हखुएँ।

१ पत्रुस 3:21

दि छ्युगी, बप्‍तिस्‍माकी पे तेन्‍गे दिगी ख्‍याला थार च्‍य़ूगे। दि ज़ुबुकी ङ्योक्‍पाया़ स्‍याल्‍ग्‍यो ल़ेहमु मिहम्‍बा यिहॱनाङ दि नावा चाङमा थो़दी किन्‍ज्‍यो ङ्याम्‍बु ज़्‍या़क्‍योगी ताहम्‍ज्‍या यिहम्‍बा। येशू मास्‍यीका टोहङग्‍योलेगी सोम्‍बो ज़्‍याङ नाङग्‍यो सोङबे बप्‍तिस्‍मागी ख्‍याला थार च्‍य़ूगे।

१ यूहन्‍ना 5:6

येशू मास्‍यीका छ्यु दाङ ठा़ लाहमले फेप नाङसीन, मिहरो छ्यु लाहमले च्‍यी़राङ मिहम्‍बा, ठा़ लाहमलेॱआङ फेप नाङसीन। दि तेहन्‍दाम यिहन सुङदी नाम्‍पार-ताहक्‍पा थुगी पाङबु नाङगे, च्‍यिबेमाना नाम्‍पार-ताहक्‍पा थु तेहम्‍बा-तेहन्‍सुम यिहन।

१ यूहन्‍ना 5:8

ओ़हदी नाम्‍पार-ताहक्‍पा थु, छ्यु, दाङ ठा़ यिहम्‍बा। दि सुमगी येशू मास्‍यीकागी तेहन्‍दाला ना च्‍यी़राङ पाङबु तेर्के।

ज्‍याल्‍गा 1:5

ओहले यिह-छ्य़ेबु पाङबु दाङ टोहङग्‍योलेगी सोम्‍बो ज़्‍याङ नाङगेया़ला तोहङस्‍यो ज़्‍याङ नाङगे जाम्‍बुलीङकी क्‍याहल्‍बुया़गी क्‍याहल्‍बु, येशू मास्‍यीका लाहमलेॱआङ ख्‍याया़ला काटीन दाङ स्‍य़िहदे ओहङज्‍यु। ओहराङला चेवा जे नाङगे येशू मास्‍यीकागी मिहरो राहङगी ठा़ लाहमले ओहराङला तिहक्‍पालेगी खा फे़ नाङदी येह।

ज्‍याल्‍गा 7:14

ओहले ङाहगी खोला मासीन, “लाहसो, ङाहला क्‍यी़ह म़ेह लाह। ओ़हनी राहङगीराङ ङोह ख्‍येन नाङगे।” ओहले खोगी ङाहला मासीन, “खुङ तुहक्‍पु छ्यिम्‍बु ना़दे ओहङग्‍योगी मिहया़ यिहम्‍बा ओहले खुङगी राहङ-राहङगी काप्‍च्‍याया़ ल़ूह स्‍ये़बुकी ठा़गी ठी़दी कार्पु जे़दी येह।”