यूहन्‍ना 19:26 - ह्योल्‍मो

²⁶ राहङगी आमा दाङ मिहरोगी च्‍याहम्‍बा जे नाङग्‍योकी स्‍याहप्‍च्‍यीला राहङ पोहलाराङ लाहङदी तेहक्‍यो ज़ी़दी येशूगी राहङगी आमाला सुङ नाङसीन, “आमा ज़ी़-नाङदोङ, राहङगी पुह!”

यूहन्‍ना 19:26 ပူးပေါင်းရင်းမြစ်များ

यूहन्‍ना 13:23

स्‍याहप्‍च्‍यीया़ नाहङला येशूगी थाम्‍ज्‍यी म़ेदी माहङबु चेवा जे नाङग्‍योकी स्‍याहप्‍च्‍यीदी येशू पोहलाराङ ङ्ये़दी तेहती येहकें।

यूहन्‍ना 2:4

ओहले दि सेन नाङदी येशूगी आमाला सुङ नाङसीन, “आमा, ङाहगी च्‍यि पेह कोहकें म़ेदी राहङगी ङाहला सुङ माहनाङ, च्‍यिबेमाना ङाहगी ती़हजी नाहरे थु लेप्‍ती म़ेह।”

यूहन्‍ना 20:2

ओहले मोह सिमोन-पत्रुस दाङ येशूगी चेवा जे नाङग्‍योकी लेहमेन स्‍याहप्‍च्‍यी साला छ्योङदी काहल्‍दी खुङया़ला मासीन, “खुङया़गी चो़वोला फुक्‍पालेगी तेन्‍दी ख्‍येर्सीन दुबा! यिहॱनाङ का़हला ख्‍येर्ती ज़्‍या़बा यिहम्‍बानी ओ़ह ङ्यिहगी क्‍यी़ह माहन्‍ज्‍योर।”

यूहन्‍ना 21:20

पत्रुसगी क्‍याहप लो़हदी ताएँमु येशूगी चेवा जे नाङग्‍योकी स्‍याहप्‍च्‍यीला तिङदा तिङ ओहङ तेहक्‍यो थोङसीन। ओ़ह स्‍याहप्‍च्‍यीगीराङ तिङस्‍यो डेन छ्येकेमु येशूगी प्राहङगोला ज्‍यार्ती, “चो़वो, राहङला ज़ुङदी तेर्के मिह सु यिहम्‍बा लाह?” म़ेदी टी़हक्‍यो येहकें।

यूहन्‍ना 21:24

ओ़ह स्‍याहप्‍च्‍यीगीराङ दि थाम्‍ज्‍यी थोङदी पाङबु तेर्केॱराङ येह, ओहले खोगीराङ दि तामया़ प्रुहसीन। खोगी पाङबु तेहम्‍बा यिहन म़ेदी ङ्यिहला क्‍यी़ह येह।

यूहन्‍ना 21:7

दि थोङदी येशूगी चेवा जे नाङग्‍योकी स्‍याहप्‍च्‍यीगी पत्रुसला मासीन, “मिहरो चो़वो गा यिहन्‍गे दुबा!” “मिहरो चो़वोॱराङ यिहङगें दुबा!” माएँ थे़दी सिमोन-पत्रुसगी राहङगी फि ङो़गी काप्‍च्‍या क्‍येपाला टिल्‍सीन, च्‍यिबेमाना खोगी काप्‍च्‍या माहकेहम्‍बा येहकें, ओहले खो छोला फिर छ्योङसीन।