यूहन्‍ना 18:30 - ह्योल्‍मो

³⁰ खुङया़गी क़े च्‍यी़ टी़हदी मासीन, “का़हलेॱआङ खो नाहग-च्‍येन मिहम्‍बा यिहनानी ङ्यिहगी खोला राहङसाला ख्‍योङज्‍येराङ म़ेहबा येहकें।”

यूहन्‍ना 18:30 ပူးပေါင်းရင်းမြစ်များ

मर्कूस 10:33

“ङ्यिहन्‍दोङ, ओहराङ यरूशलेमला डोएँॱराङ येहबा। ओ़हला लेप्‍ती मिहगी स़ेबु पूजाहारी छ्यिम्‍बु दाङ छ्य़े-ठिम ताङगे लोबेनया़गी लाहक्‍पाला चि क्‍याहप्‍च्‍ये येह। खुङगी खोला से कोहकें म़ेदी लेहमेन क्‍यिहपागी मिहया़गी लाहक्‍पाला चि क्‍याहप्‍च्‍ये येह।

मर्कूस 15:3

ओहले पूजाहारी छ्यिम्‍बुया़गी येशूला माहङबुराङ तामया़गी फातुर च़ूसीन।

लूका 24:7

‘किन्‍ज्‍योगी ताङ नाङग्‍योकी मिह तिहक्‍च्‍येम्‍बागी लाहक्‍पाला छ्यिती क्‍याहङस्‍यीङला च्‍याङदी स्‍यि कोहज्‍ये येह, ओहले ङ्यिहमा सुङ तिङले सोम्‍बो लो़हज्‍ये येह’ म़ेदी सुङ नाङग्‍योकी स्‍याहल च्‍यि ख्‍यागी टेहम्‍बा मा़हसाल?”

यूहन्‍ना 18:29

ओ़ह सोङबे पिलातस खुङया़ला थुज्‍येला फिला थेन्‍दी ओहङसीन। ओहले खोगी खुङया़ला टी़हसीन, “ख्‍याया़गी दि मिहला च्‍यिगी तेहन्‍दाला फातुर च़ूज्‍ये छोल्‍ग्‍यो यिहम्‍बा?”

यूहन्‍ना 18:31

ओहले पिलातसकी खुङया़ला मासीन, “दि मिहला ख्‍याराङ ख्‍येर्ती सोङ ओहले राहङगी छ्य़े-ठिमला ते़बे खोला ठिम ताङदोङ।” ओहले यहूदी गोबाया़गी मासीन, “फातुर च़ूदी सेकेन्‍गी ओङनी ङ्यिह ङ्याम्‍बु म़ेह।”

यूहन्‍ना 19:12

दि केच्‍या थ़े फान्‍ज्‍यो पिलातसगी येशूला येहपाराङ ताङ तेर्च्‍ये म़ेदी ज्‍यिबुराङ स्‍युक पेहसीन यिहॱनाङ यहूदीया़गी दि ल़ेहमु म़ेदी क़े तेन्‍गेॱराङ येहकें, “का़हलेॱआङ राहङगी दि मिहला ताङ नाङसीन मानानी राहङ कैसरकी रो़ह मिहम्‍बा। सुगी राहङला क्‍याहल्‍बु यिहन म़ेदी माएँ खोगी रोमी गो-छ्येवा क्‍याहल्‍बु कैसरलाॱराङ टाह पेहक्‍यो ओहङगे।”

ल़ेह-पेन 3:13

ओ़ह ल़ेहमु मिहम्‍बा, ओहराङगी चावा अब्राहाम, इसहाक दाङ याकूबकी किन्‍ज्‍योगी राहङला स्‍याहप्‍तो स्‍युहएँ येशूला चा़ जे नाङसीन। ख्‍या फ़ेबेॱयागीदी येशूला से कोहकें म़ेदी च्‍योल नाङसीन। पिलातसगी येशूला ताङज्‍ये छोल्‍गेमुॱआङ ख्‍या फे़बेया़गी माहताङ म़ेदी सुङ नाङसीन।

२ तिमोथी 2:9

ओ़ह या़हबु लेहङगु मिहया़ला स्‍य़ेक्‍यो सोङबे ङाहगी तुहक्‍पु खुर कोहक्‍यो यिहम्‍बा। ओहजे च्‍यी़राङ मिहम्‍बा, मिह नाहग-च्‍येनला ल़ेहमुराङ पेहती च्‍याल्‍दागी ताहम्‍दी चोन-खाङला तेह के़हदी येहबा। यिहॱनाङ किन्‍ज्‍योगी लुहङनी च्‍याल्‍दागी ताहम्‍दी ज़्‍या़ मी़हखुएँ

१ पत्रुस 4:15

यिहॱनाङ ख्‍याया़गी का़हलेॱआङ तुहक्‍पु खुरॱटाङ कोहसीनमाना मिहला सेत्‍ती, कुमेन क्‍याहप्‍ती, ल़ेह चोक्‍पा पेहती, क्‍यिनी लेहमेन मिहया़गी ल़ेहला लाहक्‍पा क्‍याहप्‍ती तुहक्‍पु खुर माहकोहज्‍यु।