यूहन्‍ना 18:18 - ह्योल्‍मो

¹⁸ ओ़हला योक्‍पुया़ दाङ कोह सुङगे मिहया़ लाहङदी मेह तू़ह तेहती येहकें, च्‍यिबेमाना ओहजेला ख्‍या़बु येहकें। ओहले पत्रुसॱआङ खुङ ङ्याम्‍बु लाहङदी मेह तू़ह तेहसीन।

यूहन्‍ना 18:18 ပူးပေါင်းရင်းမြစ်များ

मर्कूस 14:54

पत्रुसती येशूला क्‍याहङलेगीॱराङ तिङदा तिङ ओहङदी पूजाहारी गो-छ्येवागी खाङबागी यिल्‍दोला लेप्‍सीन ओहले कोह सुङगेन मिहया़ ङ्याम्‍बुराङ तेहती मेह तू़हदी तेहसीन।

मर्कूस 14:67

ओहले मोहगी पत्रुसगी तोहङबाला छ्यारे त़ेदी, “ख्‍येॱआङ नासरतकी येशू ङ्याम्‍बुराङ येहकें, मिहम्‍बा ले?” म़ेदी टी़हसीन।

लूका 22:44

येशूगी थु ज्‍यिबुराङ ङ्युङदी येहकें यिहॱनाङ येशूगी तोहरोङॱआङ माहङबु सोल्‍वाङ ताप नाङसीन, ओहजेला येशूगी ङुल्‍ज्‍यु ठा़गी थी़बा ल़ेहमुराङ साला ताहप्‍सीन।]

यूहन्‍ना 18:25

ओ़ह ती़हजी थुॱआङ सिमोन-पत्रुस लाहङदी मेह तू़ह तेहती येहकें। ओहले लेहमेन मेह तू़हगेया़गी पत्रुसला टी़हसीन, “च्‍यि ख्‍येॱआङ ओ़ह मिहगी स्‍याहप्‍च्‍यीया़ नाहङगी मिह च्‍यी़ मिहन ले?” ओहले पत्रुसगी मा-लोक पेहती मासीन, “अहँ, ङाह मिहन।”

यूहन्‍ना 18:3

ओहजे काहङला लो, मेहदाङ दाङ छेन्‍ज्‍याया़ थो़दी माक्‍मीया़गी मिह बा़ल च्‍यी़, ओहले पूजाहारी छ्यिम्‍बु दाङ फरिसीया़गी ताङग्‍यो कोह सुङगे मिहया़ ख्‍योङदी यहूदा ओ़हला ओहङसीन।

यूहन्‍ना 21:9

ओहले छोगी सुहरला लेप्‍केमु खुङगी मेहगी मेहस्‍या थो़ला ङ्याह दाङ खुरा थोङसीन।

ल़ेह-पेन 4:23

पत्रुस दाङ यूहन्‍ना ओ़ह ग्‍या़लेगी थेन्‍दी राहङ रो़हया़साला काहल्‍दी पूजाहारी छ्यिम्‍बु दाङ पोम्‍बोया़गी माक्‍योगी थाम्‍ज्‍यीराङ तामया़ खुङला स्‍येसीन।

१ कोरिन्‍थी 15:33

ख्‍या तेहन्‍दाम म़ेहबागी तामया़ला यिहम्‍बा म़ेदी माहतेह। चोक्‍पा मिहया़ ङ्याम्‍बु च्‍याम्‍गेमु या़हबु मिहया़ॱआङ नोहङगे।