यूहन्‍ना 17:24 - ह्योल्‍मो

²⁴ ओ़ याहप, राहङगी ङाहला नाङग्‍योकी मिहया़ ङाह ङ्याम्‍बुराङ तेहती ङाहती ज़िज्‍यिद थोङ ख़ूज्‍यु म़ेदी ङाह म़ेहबा पेहकें। ओ़ह ज़िज्‍यिद जाम्‍बुलीङ छ्या़गे म़ेदी तोहङ यिहन्‍ज्‍युराङ राहङगी ङाहला चेवा जे नाङग्‍यो सोङबे राहङगी ङाहला नाङग्‍यो येहकें।

यूहन्‍ना 17:24 ပူးပေါင်းရင်းမြစ်များ

मत्ती 25:21

ताहक्‍पुगी खोला, ‘ख्‍येगी या़हबु पेहसीन दु! ख्‍ये यिह छ्ये़बु योक्‍पु दुबा। ख्‍ये ङ्ये़हमु से़हया़ॱलाङ यिह-छ्य़ेबु काहल्‍ग्‍यो सोङबे ङाह ख्‍येला लेहमेनॱआङ माहङबुराङ से़हया़ चि क्‍याहप्‍के। ता़ह, ख्‍ये ङाह ङ्याम्‍बु ओहङदी डेन से़हदी क़ेहनाङ पेहतोङ!’

मत्ती 25:23

ओहले ताहक्‍पुगी खोला मासीन, ‘ख्‍येगी या़हबु पेहसीन दु! ख्‍ये यिह-छ्य़ेबु योक्‍पु दुबा। ख्‍ये फेमा से़हया़ॱलाङ यिह-छ्य़ेबु काहल्‍ग्‍यो सोङबे ङाह ख्‍येला लेहमेन माहङबुराङ से़हया़ चि क्‍याहप्‍के। ख्‍येॱआङ ङाह ङ्याम्‍बु ओहङदी डेन से़हदी क़ेहनाङ पेहतोङ’।”

मत्ती 25:34

ओहले क्‍याहल्‍बुगी राहङगी योबा ङो़गी मिहया़ला दि ल़ेहमु माज्‍ये येह, ‘ए ङाहगी किन्‍ज्‍यो याहपगी मेलाम थोप्‍क्‍यो मिहया़! ओहङदी जाम्‍बुलीङ छ्या़गे यिहन्‍ज्‍युराङ ख्‍याया़गी तेहन्‍दाला ठाबे पेहती ज़्‍या़क्‍यो क्‍याहल्‍सीला तेह

मत्ती 26:29

ङाह ख्‍याया़ला माएँ, याहपगी क्‍याहल्‍सीला ङाहगी ख्‍याया़ ङ्याम्‍बु साम्‍बा पेहती मा़हथुङ थु ङाह येहपाराङ दि ज़िगे कुहन्‍डुमकी-निङगु थुङज्‍ये म़ेह।”

लूका 12:37

ताहक्‍पु ओहङगेमु ङ्यि मा़हलोहबा पेहते कू़हदे तेहक्‍यो योक्‍पुया़ला थोङगेमु ताहक्‍पुगी सेम ज्‍यिबुराङ काहसो पेहच्‍ये येह। तेहम्‍बाराङ ङाहगी ख्‍याला माएँ, ओ़ह ताहक्‍पुगी योक्‍पुया़ला चा़ पेहती डोम्‍बोला ल़ेहमु पेहतीराङ क्‍योङज्‍ये येह।”

लूका 23:43

ओहजेला येशूगी सुङ नाङसीन, “ङाहगी ख्‍येला तेहम्‍बा-तेहन्‍सुम माएँ, तिहरीङराङ ख्‍ये ङाह ङ्याम्‍बु स्‍यिहङगामला लेप्‍च्‍ये येह!”

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

यूहन्‍ना 12:26

ङाहला स्‍याहप्‍तो स्‍युहज्‍ये छोल्‍गेन्‍दी ङाहला तिङ ङ्या़ कोहएँ। ओहले ङाह का़हला येहबा, ओ़हला ङाहला स्‍याहप्‍तो स्‍युहएँया़ॱआङ ओहङज्‍ये येह। ङाहती याहपगी ङाहला स्‍याहप्‍तो स्‍युहएँया़ला चा़ जे नाङज्‍ये येह।”

यूहन्‍ना 14:3

ओहले ख्‍याया़की तेहन्‍दाला ग्‍या़ ठाबे पेह सिहन फान्‍ज्‍यो ङाह येहपाराङ लो़हदी ओहङज्‍ये येह, ओहले ख्‍याया़ला ङाहसाला ख्‍येर्च्‍ये येह, ओहले ङाह का़हला येहबा, ओ़हला ख्‍याया़ॱआङ ओहङज्‍ये येह।

यूहन्‍ना 15:9

याहपगी ङाहला चेवा जे नाङग्‍यो ल़ेहमुराङ ङाहगीॱआङ ख्‍याला चेवा पेहती येह। ता़ह ख्‍या ङाहती चेवाला तेहतोङ।

यूहन्‍ना 17:2

च्‍यिबेमाना राहङगी खोला मिह थाम्‍ज्‍यी थो़ला ओङ नाङदी येह, ओ़ह लाहमले याहपगी नाङग्‍यो थाम्‍ज्‍यीलाराङ खोगी था़ म़ेहबा मिहली ज़ाङबु तेर्च्‍यु।

यूहन्‍ना 17:22

याहप दाङ ङाह च्‍यी़ येहकें ल़ेहमु खुङॱआङ च्‍यी़राङ डो ख़ूज्‍यु म़ेदी राहङगी ङाहला नाङग्‍योकी ज़िज्‍यिद, ङाहगी खुङया़ॱलाङ तेर्ती येह।

यूहन्‍ना 17:5

ता़ह ओ़ याहप, जाम्‍बुलीङ छ्या़ च्‍य़ू नाङगे म़ेदी तोहङले ङाह राहङ ङ्याम्‍बु तेहकेमु ङाहती ज़िज्‍यिद येहकें ता़ह ओ़ह ज़िज्‍यिद येहपाराङ राहङ ज़्‍य़ू नाङग्‍यो ग्‍या़ला ङाहला नाङदोङ।

यूहन्‍ना 6:37

याहपगी नाङगे थाम्‍ज्‍यी ङाहसाला ओहङज्‍ये येह, ओहले ङाहसाला ओहङगेनया़ला ङाहगी नाहमॱआङ लो़ ताङज्‍ये म़ेह।

यूहन्‍ना 6:39

ङाहला ताङ नाङगे याहपकी थु-सेम दिराङ यिहम्‍बा: मिहरोगी ङाहला नाङग्‍योया़ नाहङला सुज्‍यीॱआङ तोङदी माहन्‍डोज्‍यु, यिहॱनाङ तिङस्‍यो ती़हजीला खुङया़ला सोम्‍बो ज़ो ख़ूज्‍यु।

यूहन्‍ना 8:58

येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, अब्राहाम क्‍येएँ म़ेदी तोहङलेराङ ङाह येहकें।”

१ कोरिन्‍थी 13:12

ताहन्‍दा ओहराङ मेहलोङला ल़ेहमुराङ टाक्‍पु पेहती मेहथोङगे, यिहॱनाङ ओ़ह ती़हजीला छ्यिसाल-नाहङसाल पेहती थोङज्‍ये येह। ताहन्‍दा ङाह ङ्युहङसे़ च्‍यी़राङ ह्‍अ कोहएँ, ओ़ह ती़हजीलादी किन्‍ज्‍योगी ङाहगी तेहन्‍दाला थाम्‍ज्‍यीराङ केच्‍याया़ ङोह ख्‍येन्‍गे ल़ेहमुराङ ङाहगीॱआङ ङोह स्‍ये़ज्‍ये येह।

२ कोरिन्‍थी 3:18

ओहराङ थाम्‍ज्‍यी योल्‍सेन खा फे़क्‍यो तोहङबागी चो़वोकी ज़िज्‍यिद मेहलोङगी ठि पेहती तेन्‍गे, चो़वो थु यिहम्‍बा ओहले मिहरो लाहमले ओहङगेन्‍गी ओ़ह ज़िज्‍यिदगीॱराङ ओहराङला मिहरो ल़ेहमुराङ जे़दी छ्यिम्‍बु ज़िज्‍यिद-च्‍येन ङो़ले नोम फेप नाङगे।

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

२ कोरिन्‍थी 5:8

ङ्यिह का मे़हक्‍याहल्‍गे, तोहरोङ ज़ुबु लाहमले खा फ़ेदी चो़वो ङ्याम्‍बु तेहच्‍ये सेम्‍बा येहबा।

फिलिप्‍पी 1:23

दिगी तेहन्‍दाला ङाहती सेम ङ्यी़ काहल्‍दी येह। दि जाम्‍बुलीङ क्‍युर ज़्‍या़दी मास्‍यीका ङ्याम्‍बु तेहच्‍ये ङाहला ज्‍यिबुराङ छ्यिम्‍बु सेम्‍बा येहबा, च्‍यिबेमाना दि ज्‍यिबुराङ या़हबु ताम यिहम्‍बा,

१ थेसलोनिकी 4:17

ओ़ह ङ्यिहमा थु ओहराङ थार्ती तेहक्‍योया़ दाङ क्‍युर ज़्‍या़क्‍योया़ चो़वोला थुज्‍येला खुङ ङ्याम्‍बुराङ मुक्‍पाला क्‍या़दी नोम फेप नाङज्‍ये येह, ओहले ओ़ह ल़ेहमु पेहती ओहराङ नाहम माॱनाङ चो़वो ङ्याम्‍बुराङ ओहङज्‍ये येह।

१ पत्रुस 1:21

ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।

१ यूहन्‍ना 3:2

ए ङाहगी च्‍याहम्‍बु रो़हया़, ताहन्‍दानी ओहराङ किन्‍ज्‍योगी छार्क्‍यीनया़राङ यिहम्‍बा यिहॱनाङ तिङलेनी ओहराङ च्‍यि ओहङगे यिहम्‍बा, ओ़हगी तेहन्‍दाला किन्‍ज्‍योगी ओहराङला ह्‍अ कोह च्‍य़ू नाङदी म़ेह। यिहॱनाङ मास्‍यीका फेप नाङ फान्‍ज्‍यो ओहराङॱआङ मिहरो ल़ेहमुराङ डोज्‍ये येह च्‍यिबेमाना मिहरो काहन्‍डुमु येहबा, ओहराङगी मिहरोला ओ़ह ल़ेहमुराङ थोङज्‍ये येह।

ज्‍याल्‍गा 21:22

ओ़ह क्‍याहसा नाहङला ङाहगी छ्योखाङ च्‍यी़ॱआङ माहथोङ, च्‍यिबेमाना ओङज्‍या छ्यिम्‍बु नोम्‍गेन्‍गी चो़वो किन्‍ज्‍यो दाङ ल़ूह स्‍ये़बुॱराङ ओ़ह क्‍याहसाती छ्योखाङ यिहम्‍बा।

ज्‍याल्‍गा 3:21

का़हन्‍दीगी क्‍याहल्‍गे, खोला ङाह ङ्याम्‍बु ङाहती ठिला तेहच्‍येला ओङ तेर्के। ङाह राहङगीॱआङ क्‍याहल्‍ग्‍यो सोङबे ङाहती याहप ङ्याम्‍बु मिहरोगी ज़्‍य़ू-ठिला ङाह तेहती येहबा।