यूहन्ना 17:23 - ह्योल्मो23 ङाह खुङ ङ्याम्बु ओहले राहङ ङाह ङ्याम्बु ज़्य़ू नाङदी येह। दि ल़ेहमु पेहती खुङॱआङ छाङबु पेहती च्यी़राङ ओहङ ख़ूज्यु। ओहले राहङगी ङाहला ताङ नाङदी चेवा जे नाङग्यो ल़ेहमु खुङया़लाॱआङ चेवा जे नाङसीन माएँ ताम जाम्बुलीङगी ङोह स्य़े ख़ूज्यु। အခန်းကိုကြည့်ပါ။ |
यूहन्ना 17:23
31 ပူးပေါင်းရင်းမြစ်များ
खुङ थाम्ज्यी च्यी़राङ डो ख़ूज्यु म़ेदी ङ्यिह राहङला ओहर-छ्य़े स्युहएँ। ओ़ याहप, ङाह राहङ ङ्याम्बु ओहले राहङ ङाह ङ्याम्बु ज़्य़ूदी ओहराङ च्यी़राङ काहल्ग्यो ल़ेहमु खुङॱआङ ओहराङ ङ्याम्बु डी़दी च्यी़राङ ओहङ ख़ूज्यु ओहले राहङगीराङ ङाहला ताङ नाङग्यो यिहन म़ेदी जाम्बुलीङगी यिह-छ्य़े ख़ूज्यु।
च्यिबेमाना दि लाहमले ख्या यिह-छ्य़ेला सान्दी डो ख़ूज्यु ओहले च्यी़गी च्यी़ला चेवा पेहती ख्या च्यी़राङ डो ख़ूज्यु। दि ल़ेहमु पेह फान्ज्यो किन्ज्योकी तिहङ-रिहङबुकी येहन्देन ङोह स्य़े ख़ूएँ दु म़ेदी ख्या राहङगी तेहम्बाराङ क्यी़ह ज्योर्च्ये येह। ओहले तिहङ-रिहङबुगी येहन्देनदी मास्यीका यिहम्बा।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
त़ेदोङ, याहप्च्येन आबागी ओहराङला काहजे माहङबु निङज्यी जे नाङगु दु! मिहरोगी निङज्यीगी पेहती ओहराङ किन्ज्योगी छार्क्यीनया़ काहल्दी येहबा, यिहन्ज्येॱआङ ओहराङ तेहम्बाराङ किन्ज्योगी छार्क्यीनया़राङ यिहम्बा। ओ़ह सोङबे जाम्बुलीङकी मिहया़गी ओहराङला ङोह मे़हस्येएँ च्यिबेमाना खुङया़गी किन्ज्योला ङोह स्य़ेक्यो म़ेह।
ကြော်ငြာတွေ