यूहन्‍ना 17:14 - ह्योल्‍मो

¹⁴ ङाहगी खुङया़ला राहङती सुङदेन तेर्सीन, यिहॱनाङ जाम्‍बुलीङगी खुङया़ला ङ्येन्‍ज्‍येन पेहसीन, च्‍यिबेमाना ङाह ल़ेहमुराङ खुङॱआङ दि जाम्‍बुलीङदी मिहन।

यूहन्‍ना 17:14 ပူးပေါင်းရင်းမြစ်များ

मर्कूस 10:39

“ङ्यिहगी ला़ खाएँ लाह” म़ेदी खुङगी येशूला स्‍युहसीन। ओहले येशूगी खुङला सुङ नाङसीन, “यिहम्‍बा, ङाहगी का़हन्‍दी फार्कोले थुङगे ओ़ह ख्‍यागीॱआङ थुङज्‍ये येह, ओहले ङाहगी लेहन्‍ग्‍योगी बप्‍तिस्‍मा ओ़ह ख्‍यागीॱआङ लेहन्‍ज्‍ये येह।

यूहन्‍ना 17:16

ङाह दि जाम्‍बुलीङती मिहन ओ़हठीॱराङ पेहती खुङॱआङ दि जाम्‍बुलीङदी मिहन।

यूहन्‍ना 17:8

च्‍यिबेमाना राहङगी ङाहला नाङग्‍योकी सुङदेन ङाहगी खुङया़ला तेर्ती येह, ओहले खुङया़गी ओ़ह सुङदेन ची़दे येह। ङाह तेहम्‍बाराङ याहप-साले ओहङग्‍यो यिहन म़ेदी खुङया़गी या़हबु पेहती ङोह स्‍ये़दे येह। ओहले याहपगीॱराङ ङाहला ताङ नाङग्‍यो यिहन म़ेदी खुङया़गी यिह छ्य़ेदी येह।

यूहन्‍ना 7:7

जाम्‍बुलीङगी मिहया़गी ख्‍याला ङेन्‍ज्‍येन पेह मी़हखुएँ, यिहॱनाङ ङाहलादी ङेन्‍ज्‍येन पेहकें, च्‍यिबेमाना ङाहगी जाम्‍बुलीङगी मिहया़ती डोलु-तेहलुया़ चोक्‍पा येह म़ेदी पाङबु तेर्के।

यूहन्‍ना 8:23

ओहले येशूगी खुङया़ला सुङ नाङसीन, “ख्‍यानी माहरकी मिह यिहम्‍बा, ङाहनी याहरलेगी ओहङग्‍यो यिहम्‍बा। ख्‍यानी दि जाम्‍बुलीङदी यिहम्‍बा, ङाहनी दि जाम्‍बुलीङदी मिहन।

१ यूहन्‍ना 3:12

ओहराङ कयिन ल़ेहमु ओहङज्‍ये मेहयोहङगे। खो ती़ह गो-छ्येवादी यिहन्‍गे। खोगी राहङगी नो़हला सेसीन। खोगी राहङगी नो़हला च्‍यिबे सेपा? च्‍यिबेमाना खोती ल़ेह टाहङबु म़ेहबा येहकें। यिहॱनाङ खोगी नो़हगी ल़ेहती टाहङबु येहकें।

१ यूहन्‍ना 3:13

आदा-नो़हया़ दाङ आज्‍यी-नुहमुया़, जाम्‍बुलीङगी मिहया़गी ख्‍याला ङेन्‍ज्‍येन पेहकेमु ह्‍अ मा़हलेह।