यूहन्ना 17:11 - ह्योल्मो11 ता़ह ङाह राहङसाला ओहङगेॱराङ येह। ङाह दि जाम्बुलीङला माहङबु ती़हजी तेहच्ये म़ेह, यिहॱनाङ खुङया़नी दि जाम्बुलीङला तेहच्ये येह। नाम्पार-ताहक्पा याहप, राहङगी ङाहला नाङग्योकी राहङगी छेनला खुङया़ला तेम्बु जेती ज़्या़ नाङदोङ, ओहले ओहराङ ल़ेहमु खुङया़ॱआङ च्यी़राङ डो ख़ूज्यु। အခန်းကိုကြည့်ပါ။ |
यूहन्ना 17:11
48 ပူးပေါင်းရင်းမြစ်များ
मास्यीकागी किन्ज्योकी ज़िज्यिदकी क्या-साङे तेन नाङगे ओहले मास्यीकाॱराङ किन्ज्योकी तेहम्बा-तेहन्सुम ङ्य़ेहरी यिहम्बा। ओहले मिहरोगी वाङज्या छ्यिम्बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्पालेगी कोहङदा नाङगेन्गी छ्या़ले छार फान्ज्यो मिहरो वाङज्या छ्यिम्बु नोम्गेन किन्ज्योकी योबा ङो़ले ज़्य़ू नाङसीन।
ओ़ चो़वो छ्येवा, राहङगी ज्यिक्पा मिहखुर्केन्गी मिह सुॱआङ येहटो ले? राहङ छेनकी ज़िज्यिद सुगी मे़हपेहटो ले? च्यिबेमाना राहङ च्यी़राङ नाम्पार-ताहक्पा ज़्य़ू नाङदी येह। क्यिहपा थाम्ज्यी ओहङदी राहङला ज्याल्ज्ये येह। च्यिबेमाना राहङगी छ्या़लेया़ टाहङदेन दु म़ेदी ता़ह मिहया़गी थोङ सिहन्दी येह।”
ओ़ह सेम्ज्येन ज्य़िगादीॱराङ स्योक्पा ट़ूह ट़ूह येहकें ओहले ओ़ह स्योक्पाया़ फी़ दाङ नाहङ ङ्यिकाराङ ङो़ले मी़या़गी काहङग्यो येहकें। ङ्यिहन-नुहप खुङया़ थाङ मा़हसेहबा पेहते दि ल़ेहमु म़ेदी छ्ये़-लु ल़ेहन तेहक्यो येहकें, “ओङज्या छ्यिम्बु नोम्गेन चो़वो छ्येवा किन्ज्यो नाम्पार-ताहक्पा, नाम्पार-ताहक्पा, नाम्पार-ताहक्पा ज़्य़ू नाङदी येहबा। मिहरो तोहङ यिहन्ज्युराङ ज़्य़ू नाङदी येहकें, ताहन्दाॱआङ ज़्य़ू नाङदी येहबा ओहले फेप नाङज्ये येह।”
ကြော်ငြာတွေ