यूहन्‍ना 16:32 - ह्योल्‍मो

³² “त़ेदोङ, ती़हजी ओहङगेॱराङ येह, माज्‍येराङ माना ओहङ सिहन्‍दी येह, ख्‍या फेतोर कोहतोर काहल्‍दी राहङ-राहङगी ग्‍या़ला डोज्‍ये येह ओहले ङाहला च्‍यी़राङ क्‍युर ज़्‍या़ज्‍ये येह। यिहॱनाङ ङाहनी च्‍यी़राङ म़ेह, च्‍यिबेमाना याहप ङाह ङ्याम्‍बु ज़्‍य़ू नाङदी येह।”

यूहन्‍ना 16:32 ပူးပေါင်းရင်းမြစ်များ

मत्ती 26:31

ओहजेला येशूगी स्‍याहप्‍च्‍यीया़ला सुङ नाङसीन, “तिहरीङ नुहङमु ख्‍याया़ थाम्‍ज्‍यीगी ङाहला क्‍युर ज़्‍या़दी प्रे़हदी डोज्‍ये येह। च्‍यिबेमाना सुङरापला दि ल़ेहमु प्री़हदी येहबा– ‘ङाह कोहरोवाला सेच्‍ये येह ओहले ल़ूहया़ फेतोर कोहतोर डोज्‍ये येह’।”

मत्ती 26:56

यिहॱनाङ लुहङतेम्‍बाया़गी सुङरापला प्रुह नाङग्‍यो ल़ेहमुराङ तेहन्‍दा डुप्‍च्‍यु म़ेदी दि थाम्‍ज्‍यी काहल्‍ग्‍यो यिहम्‍बा।” ओहजेला स्‍याहप्‍च्‍यी थाम्‍ज्‍यीराङ येशूला क्‍युर ज़्‍या़दी प्रे़ह काहल्‍सीन।

मर्कूस 14:27

ओहजे ती़हजीला येशूगी स्‍याहप्‍च्‍यीया़ला सुङ नाङसीन, “ख्‍या थाम्‍ज्‍यीगी ङाहला क्‍युर ज़्‍या़दी प्रे़हदी डोज्‍ये येह च्‍यिबेमाना सुङरापला दि ल़ेहमु म़ेदी प्री़हदी येहबा– ‘ङाह कोहरोवाया़ला सेच्‍ये येह ओहले ल़ूहया़ फेतोर कोहतोर डोज्‍ये येह।’

मर्कूस 14:50

ओहजेला स्‍याहप्‍च्‍यी थाम्‍ज्‍यीराङ येशूला क्‍युर ज़्‍या़दी प्रे़हदी काहल्‍सीन।

यूहन्‍ना 12:23

येशूगी खुङया़ला सुङ नाङसीन, “ता़ह मिहगी स़ेबुकी ज़िज्‍यिद ओहङगेन्‍गी ती़हजी लेप सिहन्‍दी येह।

यूहन्‍ना 16:2

खुङगी ख्‍याला यहूदी छो़खाङले तेन्‍ज्‍ये येह। तोहरोङ दि ल़ेहमु ती़हजीॱआङ ओहङज्‍ये येह, ख्‍याया़ला सेकेन्‍दीगी, ‘ङाहगी किन्‍ज्‍योला स्‍याहप्‍तो स्‍युहएँराङ येह’ म़ेदी ने़ज्‍ये येह।

यूहन्‍ना 16:25

दि केच्‍या ङाहगी ख्‍याला पे लाहमले म़ेदी येह। यिहॱनाङ ती़हजी ओहङगेॱराङ येह, ङाह येहपाराङ ख्‍या ङ्याम्‍बु पे लाहमले ताम माज्‍ये म़ेह, यिहॱनाङ याहपगी तेहन्‍दाला ङाह ख्‍याया़ला छ्यिसाल-नाहङसाल पेहती स्‍येच्‍ये येह।

यूहन्‍ना 16:31

ओहजेला येशूगी ल़ेहन क्‍याहप नाङसीन, “ताहन्‍दा गा ख्‍याया़गी यिह छ्य़ेसीन!”

यूहन्‍ना 19:27

ओहले ओ़ह स्‍याहप्‍च्‍यीॱलाङ येशूगी सुङ नाङसीन, “त़ेदोङ, ख्‍येती आमा!” ओ़ह ङ्यिहमा यिहन्‍ज्‍यु ओ़ह स्‍याहप्‍च्‍यीगी येशूगी आमाला राहङगी खाङबाला ख्‍येर्सीन।

यूहन्‍ना 20:10

ओ़ह तिङले ओ़ह स्‍याहप्‍च्‍यी ङ्यी़ खाङबाला लो़ह काहल्‍सीन।

यूहन्‍ना 4:21

ओहले येशूगी ओ़ह पी़हमीला सुङ नाङसीन, “ए पोहमो, ङाहला यिह छ्य़ेदोङ, ता़ह ओ़ह ती़हजी ओहङगेॱराङ येहबा, ओहजेला ख्‍याया़गी याहपला दि काहङॱलाङ छ्येपा फुल्‍ज्‍ये म़ेह ओहले यरूशलेमॱलाङ छ्येपा फुल्‍ज्‍येला डोज्‍ये म़ेह।

यूहन्‍ना 4:23

यिहॱनाङ ता़ह ती़हजी ओहङगेॱराङ येह, ओ़ह ती़हजीदी ताहन्‍दाॱराङ यिहन, तेहम्‍बा-तेहन्‍सुम छ्येपा फुल्‍गेया़गी याहपला, थु दाङ तेहन्‍दाम लाहमले छ्येपा फुल्‍ज्‍ये येह। च्‍यिबेमाना दि ल़ेहमु पेहती छ्येपा फुल्‍गेया़ला याहपगी छोल नाङगे।

यूहन्‍ना 5:25

तेहम्‍बाराङ ङाह ख्‍याला माएँ, ओ़ह ती़हजी ओहङगेॱराङ येह, ओहले ओ़ह ती़हजीदी ताहन्‍दाॱराङ यिहन, दि ती़हजीला स्‍यिक्‍यो मिहया़गी किन्‍ज्‍योकी स़ेबुगी सुङ-क़े थे़ज्‍ये येह ओहले ङ्यिहन्‍गेया़ थार्च्‍ये येह।

यूहन्‍ना 5:28

दि तामला ख्‍या ह्‍अ मा़हलेह, च्‍यिबेमाना ती़हजी ओहङगेॱराङ येह, ओहजेला तुहर्साला येहकें थाम्‍ज्‍यीगी मिहकी स़ेबुगी क़े थे़ज्‍ये येह,

यूहन्‍ना 8:16

ङाहगी ठिम ताङ कोहसीनमाना, ङाहती ठिम तेहम्‍बा थेन्‍ज्‍ये येह। च्‍यिबेमाना ठिम ताङगेन्‍दी ङाह च्‍यी़राङ मिहन, यिहॱनाङ ङाहला ताङ नाङगे याहप ङाह ङ्याम्‍बु ज़्‍य़ू नाङदी येह।

यूहन्‍ना 8:29

ङाहला ताङ नाङगेन्‍दी ङाह ङ्याम्‍बुराङ ज़्‍य़ू नाङदी येह, मिहरोगी ङाहला च्‍यी़राङ क्‍युर ज़्‍या़ नाङदी म़ेह च्‍यिबेमाना ङाह नाहम पेहनाॱआङ मिहरोला थु ङ्य़ेबु ओहङगेन्‍गी ल़ेहया़ च्‍यी़राङ पेहकें।”

ल़ेह-पेन 21:6

ओ़ह तिङले ङ्यिह कोहङबा स्‍यी़हदी छ्यु-टुहला जा़सीन, ओहले खुङया़दी खाङबाला लो़ह काहल्‍सीन।

ल़ेह-पेन 8:1

मिहया़गी स्‍तिफनासला दि ल़ेहमु पेहती तोह क्‍याहप्‍ती सेकेंमु शाऊलॱआङ ओ़ह मिहया़ ङ्याम्‍बु डी़दी येहकें। ओ़ह ङ्यिहमा यिहन्‍ज्‍यु यरूशलेमगी छेन्‍छोकला मिहया़गी छे म़ेहबा तुहक्‍पु तेर्च्‍ये छ़ूसीन। ओहजेला चो़वो छ्येवा येशूगी लेहमेन स्‍याहप्‍च्‍यीया़दी प्रे़हदी यहूदीया दाङ सामरियागी युहलया़ला काहल्‍दी काहने थेतेराङ टाहम्‍दे तेहसीन, यिहॱनाङ ल़ेह-पेनया़दी यरूशलेमलाराङ तेहसीन।