यूहन्‍ना 16:28 - ह्योल्‍मो

²⁸ ङाह याहप लाहमले दि जाम्‍बुलीङला ओहङसीन, ओहले ता़ह येहपाराङ ङाह दि जाम्‍बुलीङला क्‍युर ज़्‍या़दी याहप्‍च्‍येन आबासाला डोॱराङ येह।”

यूहन्‍ना 16:28 ပူးပေါင်းရင်းမြစ်များ

लूका 24:51

येशूगी खुङया़ला मेलाम नाङगेमुराङ, येशू खुङया़ ङ्याम्‍बु खा फ़ेदी फुर्ती फेप नाङसीन।

लूका 9:51

ओहले येशू स्‍यिहङगामला फेप्‍कें ती़हजी लेप्‍च्‍ये पेह फान्‍ज्‍यो येशू यरूशलेम ङो़ले थाक-ताङदी फेप नाङसीन।

यूहन्‍ना 13:1

थार्पा छ्येपा लेप्‍कें म़ेदी तोहङले दि जाम्‍बुलीङला क्‍युर ज़्‍या़दी याहप्‍च्‍येन आबासाला फेप नाङगे मिहरोगी ती़हजी लेप सिहन्‍सीन माएँ स्‍याहल येशूला थुयी़ येहकें। ओहले जाम्‍बुलीङला येहकेन्‍गी राहङगी मिहया़ला चेवा जे-नाङदी मिहरोगी खुङया़ला तिङस्‍यो ती़हजी थुराङ चेवा जे नाङसीन।

यूहन्‍ना 13:3

याहपगी थाम्‍ज्‍यीराङ से़हया़ मिहरोगी छ्या़ला नाङदी येह, ओहले मिहरो किन्‍ज्‍यो लाहमलेॱराङ फेप नाङग्‍यो यिहम्‍बा, ओहले किन्‍ज्‍यो सालाराङ फेप नाङगेराङ येह माएँ स्‍याहल येशूला थुयी़ येहकें।

यूहन्‍ना 14:28

ङाहगी ख्‍याया़ला ‘ङाह डोॱराङ येह, ओहले ख्‍यासाला ओहङगे’ म़ेदी माक्‍यो ख्‍याया़गी थ़े सिहन्‍दी येहबा। ख्‍याया़गी ङाहला चेवा पेहक्‍यो यिहनानी ङाह याहप्‍च्‍येन आबासाला डोॱराङ येह माएँ थे़गेमु ख्‍या क़ेहनाङ पेहच्‍ये येहकें, च्‍यिबेमाना याहप ङाह म़ेदी चा़ छ्यिम्‍बु ज़्‍य़ू नाङदी येह।

यूहन्‍ना 16:10

टाहङदेनगी तेहन्‍दाला, च्‍यिबेमाना ङाह याहप्‍च्‍येन आबासाला डोएँ, ओहले ख्‍यागी ङाहला येहपाराङ थोङज्‍ये म़ेह।

यूहन्‍ना 16:16

याहम्‍बी तिङले ख्‍याया़गी ङाहला येहपाराङ थोङज्‍ये म़ेह, ओहले याहम्‍बी तिङले ङाहला येहपाराङ थोङज्‍ये येह।”

यूहन्‍ना 16:30

ता़ह ङ्यिहगी ङोह स्‍य़ेसीन, राहङला थाम्‍ज्‍यीराङ से़हया़ थुयी़ येहबा, ओहले राहङला सुज्‍यीगीॱआङ टी़ह कोहबा म़ेह। ओ़ह सोङबे राहङ किन्‍ज्‍यो लाहमलेॱराङ फेप नाङग्‍यो यिहन म़ेदी ङ्यिह यिह छ्य़ेगे।”

यूहन्‍ना 16:5

ता़ह ङाह, ङाहला ताङ नाङगेन्‍दी साला डोॱराङ येह, यिहॱनाङ ‘राहङ का़हला फेप नाङगेराङ येहबा लाह?’ म़ेदी ख्‍या सुज्‍यीगीॱआङ ङाहला मा़हटीह

यूहन्‍ना 17:11

ता़ह ङाह राहङसाला ओहङगेॱराङ येह। ङाह दि जाम्‍बुलीङला माहङबु ती़हजी तेहच्‍ये म़ेह, यिहॱनाङ खुङया़नी दि जाम्‍बुलीङला तेहच्‍ये येह। नाम्‍पार-ताहक्‍पा याहप, राहङगी ङाहला नाङग्‍योकी राहङगी छेनला खुङया़ला तेम्‍बु जेती ज़्‍या़ नाङदोङ, ओहले ओहराङ ल़ेहमु खुङया़ॱआङ च्‍यी़राङ डो ख़ूज्‍यु।

यूहन्‍ना 17:13

यिहॱनाङ ता़हनी ङाह राहङसाला ओहङगेॱराङ येह। खुङया़गी सेम ङाहती काहसोगी काहङ्येॱराङ काहङ ख़ूज्‍यु म़ेदी ङाह दि केच्‍याया़ जाम्‍बुलीङला येहकेमुराङ माएँराङ येह।

यूहन्‍ना 17:5

ता़ह ओ़ याहप, जाम्‍बुलीङ छ्या़ च्‍य़ू नाङगे म़ेदी तोहङले ङाह राहङ ङ्याम्‍बु तेहकेमु ङाहती ज़िज्‍यिद येहकें ता़ह ओ़ह ज़िज्‍यिद येहपाराङ राहङ ज़्‍य़ू नाङग्‍यो ग्‍या़ला ङाहला नाङदोङ।

यूहन्‍ना 8:14

येशूगी सुङ नाङसीन, “ङाह राहङगी तेहन्‍दाला पाङबु तेरॱनाङ ङाहगी माक्‍योकी ताम तेहम्‍बा यिहन च्‍यिबे मासीमाना ङाह का़हले ओहङग्‍यो यिहम्‍बा ओहले का़हला डोॱराङ येहबा ओ़हदी ङाहला क्‍यी़ह येह। यिहॱनाङ ख्‍याया़ला ङाह का़हले ओहङग्‍यो यिहम्‍बा ओहले का़हला डोॱराङ येहबा माएँ ताम क्‍यी़ह म़ेह।

यूहन्‍ना 8:42

येशूगी खुङया़ला सुङ नाङसीन, “तेहम्‍बाराङ, ख्‍यागी याहप किन्‍ज्‍यो यिहन्‍गे यिहनानी ख्‍याया़गी ङाहला चेवा पेहच्‍ये येहकें, च्‍यिबेमाना ङाह किन्‍ज्‍यो लाहमले थेन्‍दी ओहङसीन ओहले ङाह ताहन्‍दा देला येहबा। ङाहला ओहङज्‍ये सेम क़ेदी ङाह ओहङग्‍यो मिहन, यिहॱनाङ याहपगी ङाहला ताङ नाङसीन।