यूहन्‍ना 16:25 - ह्योल्‍मो

²⁵ दि केच्‍या ङाहगी ख्‍याला पे लाहमले म़ेदी येह। यिहॱनाङ ती़हजी ओहङगेॱराङ येह, ङाह येहपाराङ ख्‍या ङ्याम्‍बु पे लाहमले ताम माज्‍ये म़ेह, यिहॱनाङ याहपगी तेहन्‍दाला ङाह ख्‍याया़ला छ्यिसाल-नाहङसाल पेहती स्‍येच्‍ये येह।

यूहन्‍ना 16:25 ပူးပေါင်းရင်းမြစ်များ

मर्कूस 4:13

ओहले येशूगी स्‍याहप्‍च्‍यीया़ला टी़ह नाङसीन, “च्‍यि ख्‍यागी दि पेगी तेहन्‍दा ङोह स्‍य़े मा़हखु? ओ़हठी यिहन्‍सीमानानी ख्‍यागी लेहमेन पेया़ काह-ठि पेहती ङोह स्‍य़े ख़ूज्‍ये ले?

मर्कूस 4:34

मिहया़ला सुङदेन नाङगेमु येशूगी पे मा़हज्‍याबा जेती च्‍यिॱआङ सुङदेन माहनाङ। यिहॱनाङ राहङगी स्‍याहप्‍च्‍यीया़ च्‍यी़राङ येहकेमुदी येशूगी थाम्‍ज्‍यीराङ पेगी तेहन्‍दा प्रा साल नाङगो येहकें।

मर्कूस 8:32

दि ल़ेहमु जेती स्‍याहप्‍च्‍यीया़ला दि स्‍याहल या़हबु जेती प्रा साल नाङसीन। ओहले पत्रुसगी येशूला ग्‍या़ च्‍यी़ला ख्‍येर्ती “दि ल़ेहमु जे माहनाङ” म़ेदी बार्ता लाङसीन।

यूहन्‍ना 10:24

ओहले यहूदीया़गी येशूगी कोर ग्‍यिले जोम्‍दी मासीन, “ङ्यिहला नाहम थु राहङगी यिहमे-छ्यिमे पेहती ज़्‍या़ नाङगे? राहङ तेहम्‍बाराङ मास्‍यीका यिहन्‍सीमानानी ङ्यिहला थेका सिरे सुङ नाङदोङ।”

यूहन्‍ना 10:6

येशूगी खुङया़ला दि स्‍याहल पे ज़्‍या़दी सुङ नाङसीन, यिहॱनाङ खुङया़गी दि पेगी तेहन्‍दा ङोह स्‍य़े मा़हखु।

यूहन्‍ना 16:12

“ङाहगी ख्‍याया़ला मा कोहएँगी तामया़नी माहङबुराङ येह, यिहॱनाङ ताहन्‍दा ख्‍यागी ओ़ह तामया़ ना मी़हखु।

यूहन्‍ना 16:2

खुङगी ख्‍याला यहूदी छो़खाङले तेन्‍ज्‍ये येह। तोहरोङ दि ल़ेहमु ती़हजीॱआङ ओहङज्‍ये येह, ख्‍याया़ला सेकेन्‍दीगी, ‘ङाहगी किन्‍ज्‍योला स्‍याहप्‍तो स्‍युहएँराङ येह’ म़ेदी ने़ज्‍ये येह।

यूहन्‍ना 16:32

“त़ेदोङ, ती़हजी ओहङगेॱराङ येह, माज्‍येराङ माना ओहङ सिहन्‍दी येह, ख्‍या फेतोर कोहतोर काहल्‍दी राहङ-राहङगी ग्‍या़ला डोज्‍ये येह ओहले ङाहला च्‍यी़राङ क्‍युर ज़्‍या़ज्‍ये येह। यिहॱनाङ ङाहनी च्‍यी़राङ म़ेह, च्‍यिबेमाना याहप ङाह ङ्याम्‍बु ज़्‍य़ू नाङदी येह।”

२ कोरिन्‍थी 4:2

ङ्यिहगी ङोह छाएँगी ल़ेहया़ दाङ यिहप्‍ती-यिहप्‍ती पेहकेन्‍गी ल़ेह चोक्‍पाया़ पाङदी येहबा। ङ्यिह गो़ कोर च्‍य़ूदी ल़ेह मेहबेकें ओहले किन्‍ज्‍योगी सुङला याहर-माहर मेहबेकें। यिहॱनाङ तेहन्‍दामला ङ्यिह छ्यिसाल-नाहङसाल पेहती प्रा साल्‍गे ओहले किन्‍ज्‍योगी ज़ी़लुला ङ्यिह तेहन्‍दाम दाङ टाहङबु पेहती मिह थाम्‍ज्‍यीगी थोङगे पेहती मिहजी ताङगेराङ येह।