यूहन्‍ना 16:20 - ह्योल्‍मो

²⁰ तेहम्‍बाराङ, ङाह ख्‍याला माएँ, ख्‍या ङी़हदी ङुहप्रा तिहङरा पेहच्‍ये येह, यिहॱनाङ जाम्‍बुलीङ क़ेहनाङ पेहच्‍ये येह। ख्‍याया़गी ङ्याहङेन पेहॱनाङ ख्‍यागी ङ्याहङेन क़ेहनाङला ग्‍युर्च्‍ये येह।

यूहन्‍ना 16:20 ပူးပေါင်းရင်းမြစ်များ

मत्ती 21:38

यिहॱनाङ ओहले स्‍यिहङ फेताप क्‍याहप्‍कें मिहया़गी पुहदीला थोङदी राहङ नाहङदुङ मासीन, ‘लो खोनी स्‍यिहङ ताहक्‍पुदीॱराङ पुह यिहम्‍बा। स्‍यो, ता़हनी खोला सेकें, खोगी क्‍युह ओहराङॱराङ ज़्‍या़गे!’

मत्ती 5:4

तुहङाल पेहकेनया़ काहजे सोनाम-साक्‍पु, च्‍यिबेमाना किन्‍ज्‍योगी खुङया़ला सेम क्‍यिपु नाङज्‍ये येह।

मर्कूस 14:72

ओ़ह मालुङ मे़हबाराङ येहपाराङ च्‍याहबु क़े तेन्‍सीन ओहले “च्‍याहबु लेहमा ङ्यी़ क़े तेन्‍गे म़ेदी तोहङले ख्‍येगी ङाहला लेहमा सुम थु ङोह मे़हस्‍येएँ म़ेदी माज्‍ये येह।” म़ेदी येशूगी सुङ नाङग्‍योकी स्‍याहल पत्रुसगी टेहम्‍बा साल्‍सीन ओहले खो ज्‍यिबुराङ सेम नाहमु पेहती ङुहसीन।

मर्कूस 16:10

मोह काहल्‍दी तोहङले येशूला तिङ ङ्ये़गे मिहया़ला दि केच्‍या स्‍येसीन। खुङ खेलाङ पेहती ङी़ह तेहती येहकें।

लूका 22:45

येशूगी सोल्‍वाङ ताप छार फान्‍ज्‍यो ज़्‍याङदी स्‍याहप्‍च्‍यीया़ येहकेन ग्‍या़ला लो़ह फेप नाङगेमु खुङ तुहङालगी थाङ छ्येती ङ्यि लो़हक्‍यो ज़ी़ नाङसीन।

लूका 22:62

खो यिल्‍दोलेगी थेन्‍दी काहल्‍दी ज्‍यिबुराङ सेम नाहमु पेहती ङुहसीन।

लूका 23:27

मिह माहङबुराङ येशूगी तिङदा तिङ ओहङसीन। ओहले पी़हमी-पेहजाया़ माहङबुराङ येशूगी तेहन्‍दाला ङुहप्रा तिहङरा पेहती ओहङगेॱराङ येहकें।

लूका 24:17

येशूगी खुङया़ला टी़ह नाङसीन, “ख्‍या च्‍यिगी तेहन्‍दाला ताम म़ेदी डे़ तेहक्‍यो?” खुङ ङ्यी़ तोहङबा ना-स्‍यी़ले पेहते थेमे तेहसीन।

लूका 24:21

मिहरोगीॱराङ इस्राएलीया़ला थार च्‍य़ू नाङगेन म़ेदी ङ्यिहगी रेहवा पेहते येहकें। यिहॱनाङ तिहरीङ येशूला क्‍याहङस्‍यीङला च्‍याङदी ङ्यिहमा सुम काहल सिहन्‍सीन।

लूका 6:21

ए नाहरे तो़क्‍योया़! ख्‍या काहजे सोनाम-साक्‍पु, च्‍यिबेमाना ख्‍याया़ टेहपा काहङज्‍ये येह। ए नाहरे ङुहएँया़! ख्‍या काहजे सोनाम-साक्‍पु, च्‍यिबेमाना ख्‍याया़ क़ेहमु क्‍याहप्‍च्‍ये येह।”

यूहन्‍ना 16:33

“ङाह ङ्याम्‍बु तेहती ख्‍यागी स्‍य़िहदे ज्‍योर ख़ूज्‍यु म़ेदी ङाहगी ख्‍याया़ला दि केच्‍याया़ माक्‍यो यिहम्‍बा। जाम्‍बुलीङला ख्‍याला ज्‍यिबुराङ तुहक्‍पु ओहङज्‍ये येह, यिहॱनाङ मा-फाम्‍बु माहबे, ङाहगी जाम्‍बुलीङला क्‍याहल सिहन्‍दी येह।”

यूहन्‍ना 16:6

ङाहगी दि ताम माक्‍यो सोङबे ख्‍याया़गी सेम तुहङालगी काहङदी येह।

यूहन्‍ना 20:20

दि सुङदी येशूगी खुङया़ला राहङगी छ्या़ ओहले ची़मा चो़ला तेन नाङसीन। चो़वोला थोङदी स्‍याहप्‍च्‍यीया़ ज्‍यिबुराङ क़ेहनाङ लाहङसीन।

ल़ेह-पेन 5:41

ओहले ल़ेह-पेनया़ येशूगी छेनला तुहक्‍पु दाङ स्‍ये़हन्‍डील खुर्च्‍ये सी़हसीन माएँ तामला ज्‍यिबुराङ क़ेहनाङ पेहती छो़बा क्‍याहप्‍क्‍यो ग्‍या़लेगी फिला थेन्‍दी काहल्‍सीन।

रोमी 5:11

ओहजेच्‍यीराङ मिहम्‍बा, यिहॱनाङ ओहराङ चो़वो येशू मास्‍यीकागी पेहती ओहराङ किन्‍ज्‍योला त़ेरा तेच्‍या फुल्‍गेराङ काहसो पेहकें च्‍यिबेमाना मास्‍यीकागी ओहराङला किन्‍ज्‍यो ङ्याम्‍बु डी़ च्‍यु नाङदी राहङदी रो़ह ज़ो नाङदी येह।

२ कोरिन्‍थी 6:10

ङ्यिह माहङबुराङ तुहक्‍पु ङ्युहङग्‍यो येहबा यिहॱनाङ ङ्यिह सेम काहसो पेहकें। ङ्यिह प्राङबु येहबा यिहॱनाङ मिह माहङबुला छ्युक्‍पु ज़ोएँ। ङ्यिह ङ्याम्‍बु च्‍यिॱआङ म़ेह यिहॱनाङ ना थाम्‍ज्‍यीराङ येह।

गलाती 5:22

यिहॱनाङ नाम्‍पार-ताहक्‍पा थु लाहमले राहङगी डोलु-तेहलु पेहकें मिहया़गी मिहलीला दि ल़ेहमु सेदोया़ थोङगे यिहम्‍बा– मिहला चेवा पेहकें, सेम काहसो पेहकें, स्‍य़िहदेला तेहकें, ना़स्‍यीङ छ्यिम्‍बु पेहकें, निङज्‍यी पेहकें, या़हबु पेहकें, यिह-छ्य़ेबु,

१ थेसलोनिकी 1:6

ख्‍या फ़ेबे-म़ेहमेया़गी ङ्यिह दाङ चो़वोला पे तासीन, च्‍यिबेमाना नाम्‍पार-ताहक्‍पा थुगी नाङग्‍योकी सुङ ख्‍या फ़ेबे-म़ेहमेया़गी ज्‍यिबुराङ तुहक्‍पुगी ती़हजीॱलाङ सेम काहसो पेहती ल़ेहन नाङसीन।

याकूब 1:2

ए ङाहगी आदा-नो़ह दाङ आज्‍यी-नुहमुया़, नामे-नाजो तुहक्‍पु-तुहङालया़ ओहङगेमु सेम काहसो पेहतोङ।

यहूदा 1:24

ता़ह, का़हन्‍दीगी मिहया़ला रिहल्‍गे यिहन्‍ज्‍यु थार च्‍य़ू थुप्‍कें, ओहले का़हन्‍दीगी ख्‍याया़ला काहसो डो च्‍य़ू नाङदी किन्‍ज्‍योकी ज़िज्‍यिदगी दिनला च्‍यिॱआङ ङ्य़ेहबा-छ्यू़बा म़ेहबा जेती लाहङ च्‍य़ू थुप्‍कें,

ज्‍याल्‍गा 11:10

ओ़ह पाङबु ङ्यी़ स्‍यिक्‍यो सोङबे जाम्‍बुलीङकी मिहया़ क़ेहनाङ पेहच्‍ये येह ओहले च्‍यी़गी च्‍यी़ला क्‍ये़गाया़ तेर्ते खाम्‍साङबु पेहच्‍ये येह। च्‍यिबेमाना दि लुहङतेम्‍बा ङ्यी़गी जाम्‍बुलीङकी मिहया़ला माहङबुराङ तुहक्‍पु तेरक्‍यो येहकें।

ज्‍याल्‍गा 18:7

मोहगी काहजे चा़-ची़नाङ दाङ खाम्‍साङ-ङ्याहम्‍साङ पेहक्‍यो येहबा, ओहजेराङ तुहक्‍पु दाङ तुहङाल मोहला तेर। च्‍यिबेमाना मोहगी राहङ सेम सेमलाॱराङ माएँ, ‘ङाहनी क्‍याहल्‍मु छ्यिम्‍बु पेहते देला तेहकें। ङाह ह्‍युग्‍मो मिहन। ङाहगी नाहमॱआङ तुहङाल पेह कोहच्‍ये म़ेह।’