यूहन्‍ना 16:2 - ह्योल्‍मो

² खुङगी ख्‍याला यहूदी छो़खाङले तेन्‍ज्‍ये येह। तोहरोङ दि ल़ेहमु ती़हजीॱआङ ओहङज्‍ये येह, ख्‍याया़ला सेकेन्‍दीगी, ‘ङाहगी किन्‍ज्‍योला स्‍याहप्‍तो स्‍युहएँराङ येह’ म़ेदी ने़ज्‍ये येह।

यूहन्‍ना 16:2 ပူးပေါင်းရင်းမြစ်များ

मत्ती 10:28

मिहया़गीनी ख्‍याया़गी ज़ुबु च्‍यी़ला से खू़गे, ख्‍याया़गी यिहलानी खुङगी च्‍यिॱआङ ने क्‍याल मी़हखुएँ! ओ़ह सोङबे यिहला से मी़हखुएँया़ ङ्याम्‍बु मा़हन्‍ज्‍यी, ख्‍याया़गी यिह दाङ ज़ुबु ङ्यिकालाराङ ङ्याल्‍वाला छ्यि च्‍य़ू थुप्‍कें किन्‍ज्‍यो ङ्याम्‍बु च्‍यी़राङ ज्‍यी़दोङ।

मत्ती 24:9

“ओहजेला मिहया़गी ख्‍याया़ला ज़ुङज्‍ये येह ओहले ङ्य़ेहबा काल्‍ज्‍येला ख्‍येर्च्‍ये येह, ख्‍याया़ला सेच्‍ये येह। ङाहगी पेहती थाम्‍ज्‍यी क्‍यिहपागी मिहया़गी ख्‍याया़ला ङेन्‍ज्‍येन पेहच्‍ये येह।”

लूका 6:22

“ख्‍या काहजे सोनाम-साक्‍पु, मिहगी स़ेबुगी तेहन्‍दाला मिहया़गी ख्‍याया़ला नाम्‍दो पेहच्‍ये येह, ओहले छ्यु च्‍येच्‍ये येह, ओहले स्‍ये़हन्‍डील पेहच्‍ये येह, ओहले ङ्येहन्‍दा ने़दी ख्‍याया़दी मिहनला स्‍याहम्‍डेन तेन्‍ज्‍ये येह।

यूहन्‍ना 12:42

माहङबुराङ यहूदी गोबाया़गी येशूला यिह छ्य़ेसीन। यिहॱनाङ फरिसीया़गी ज्‍यी़सुगी पेहती खुङगी दि केच्‍या सुॱलाङ मा़हमे च्‍यिबेमाना लेहमेनगी दि ताम क्‍यी़ह ज़्‍योरक्‍यो यिहनानी खुङया़ला यहूदी छो़खाङले फिला तेन चाहङज्‍ये येहकें।

यूहन्‍ना 16:25

दि केच्‍या ङाहगी ख्‍याला पे लाहमले म़ेदी येह। यिहॱनाङ ती़हजी ओहङगेॱराङ येह, ङाह येहपाराङ ख्‍या ङ्याम्‍बु पे लाहमले ताम माज्‍ये म़ेह, यिहॱनाङ याहपगी तेहन्‍दाला ङाह ख्‍याया़ला छ्यिसाल-नाहङसाल पेहती स्‍येच्‍ये येह।

यूहन्‍ना 16:32

“त़ेदोङ, ती़हजी ओहङगेॱराङ येह, माज्‍येराङ माना ओहङ सिहन्‍दी येह, ख्‍या फेतोर कोहतोर काहल्‍दी राहङ-राहङगी ग्‍या़ला डोज्‍ये येह ओहले ङाहला च्‍यी़राङ क्‍युर ज़्‍या़ज्‍ये येह। यिहॱनाङ ङाहनी च्‍यी़राङ म़ेह, च्‍यिबेमाना याहप ङाह ङ्याम्‍बु ज़्‍य़ू नाङदी येह।”

यूहन्‍ना 4:21

ओहले येशूगी ओ़ह पी़हमीला सुङ नाङसीन, “ए पोहमो, ङाहला यिह छ्य़ेदोङ, ता़ह ओ़ह ती़हजी ओहङगेॱराङ येहबा, ओहजेला ख्‍याया़गी याहपला दि काहङॱलाङ छ्येपा फुल्‍ज्‍ये म़ेह ओहले यरूशलेमॱलाङ छ्येपा फुल्‍ज्‍येला डोज्‍ये म़ेह।

यूहन्‍ना 4:23

यिहॱनाङ ता़ह ती़हजी ओहङगेॱराङ येह, ओ़ह ती़हजीदी ताहन्‍दाॱराङ यिहन, तेहम्‍बा-तेहन्‍सुम छ्येपा फुल्‍गेया़गी याहपला, थु दाङ तेहन्‍दाम लाहमले छ्येपा फुल्‍ज्‍ये येह। च्‍यिबेमाना दि ल़ेहमु पेहती छ्येपा फुल्‍गेया़ला याहपगी छोल नाङगे।

यूहन्‍ना 9:22

यहूदीया़की ज्‍यी़सुगी पेहती खोती आबा-आमागी दि ल़ेहमु माक्‍यो येहकें। च्‍यिबेमाना सुगी येशूला थार्पा नाङगेन्‍गी क्‍याहल्‍बु मास्‍यीका म़ेदी लोक पेहकें, खोला छो़खाङले फिला तेन तेर कोहएँ म़ेदी यहूदीया़की तोहङलेराङ टे़ह क्‍याहप सिहन्‍दी येहकें।

यूहन्‍ना 9:34

खुङया़गी खोला ल़ेहन क्‍याहप्‍ती मासीन, “ख्‍येनी तेहम्‍बाराङ तिहक्‍पाला क्‍येक्‍यो यिहम्‍बा, ओहले च्‍यि ताहन्‍दा ख्‍ये ङ्यिहला लोप्‍च्‍ये छोल्‍गे?” म़ेदी खुङया़गी खोला फिला तेन चाहङसीन।

ल़ेह-पेन 5:33

दि ताम थे़दी गोबाया़ स्‍यिहताङगी मी़राङ माहथोङ, ओहले ल़ेह-पेनया़ला सेच्‍ये छोल्‍सीन।

ल़ेह-पेन 7:56

ओहले खोगी मासीन, “त़ेदोङ, ङाहगी स्‍यिहङगाम खा फे़क्‍यो थोङसीन, ओहले मिहगी स़ेबुला किन्‍ज्‍योगी योबा ङो़ले ज़्‍याङदी ज़्‍य़ूक्‍यो थोङसीन।”

१ कोरिन्‍थी 4:13

लेहमेन मिहया़गी ङ्यिहला आब्रु तेनॱनाङ ङ्यिह खुङ ङ्याम्‍बु निङज्‍यीगी ताम माएँ। ताहन्‍दा थु ङ्यिह जाम्‍बुलीङकी ङ्योहक्‍तोङ दाङ छ्य़ेरोया़ ल़ेहमुराङ काहल्‍दी येह।

फिलिप्‍पी 3:6

स्‍युक तेन्‍गेन्‍की तेहन्‍दाला माज्‍ये मानानी थाम्‍ज्‍यी म़ेदी माहङबु छेन्‍छोकला तुहक्‍पु तेर्केन मिह ङाहराङ यिहन, टाहङदेनकी तेहन्‍दाला माज्‍ये माना छ्य़े-ठिम ची़दे किन्‍ज्‍योकी दिनला ठाबे सी़हक्‍यो मिहॱआङ ङाहराङ यिहन।

ज्‍याल्‍गा 6:9

ओ़ह तिङले ल़ूह स्‍ये़बुगी ङाबा थे़जी खा फे़ नाङसीन ओहजेला किन्‍ज्‍योकी सुङ स्‍येक्‍यो दाङ मिहरोगी तेहन्‍दाला तेहम्‍बा-तेहन्‍सुम पाङबु तेहक्‍यो सोङबे मिहया़गी सेक्‍यो यिह-छ्य़ेबाकी नाम्‍स्‍यीया़ ङाहगी छ्येकाङ चो़ला थोङसीन।