यूहन्‍ना 16:16 - ह्योल्‍मो

¹⁶ याहम्‍बी तिङले ख्‍याया़गी ङाहला येहपाराङ थोङज्‍ये म़ेह, ओहले याहम्‍बी तिङले ङाहला येहपाराङ थोङज्‍ये येह।”

यूहन्‍ना 16:16 ပူးပေါင်းရင်းမြစ်များ

मर्कूस 16:19

स्‍याहप्‍च्‍यीया़ ङ्याम्‍बु दि ल़ेहमु पेहती स्‍याहल सुङ फान्‍ज्‍यो किन्‍ज्‍योगी चो़वो येशूला स्‍यिहङगामला नोम फेप्‍सीन ओहले मिहरो किन्‍ज्‍योगी योबा ङो़ले ज़्‍य़ू नाङसीन।

यूहन्‍ना 12:35

येशूगी खुङया़ला सुङ नाङसीन, “क्‍या-साङे तोहरोङॱआङ तोबा थु ख्‍याया़गी पाहरक्‍यीलाराङ तेहच्‍ये येह। क्‍या-साङे ख्‍या ङ्याम्‍बु लिहकें थु राहङगी लाहमला स्‍य़ूहदोङ मिहन्‍सीमाना ना़-जुबेगी ख्‍याया़ला उप्‍च्‍ये येह। ना़-जुबेला डोएँया़गी राहङ का़हला डोॱराङ येहबा म़ेदी क्‍यी़ह मेहन्‍ज्‍योर्कें।

यूहन्‍ना 13:3

याहपगी थाम्‍ज्‍यीराङ से़हया़ मिहरोगी छ्या़ला नाङदी येह, ओहले मिहरो किन्‍ज्‍यो लाहमलेॱराङ फेप नाङग्‍यो यिहम्‍बा, ओहले किन्‍ज्‍यो सालाराङ फेप नाङगेराङ येह माएँ स्‍याहल येशूला थुयी़ येहकें।

यूहन्‍ना 13:33

ए ङाहगी पेहजाया़, ता़हनी ङाह ख्‍या ङ्याम्‍बु ङ्यिहमा तोबा थु च्‍यी़राङ लिहच्‍ये येह। ख्‍याया़गी ङाहला छोल्‍ज्‍ये येह, ओहले ङाहगी यहूदी गोबाया़ला माक्‍यो ल़ेहमुराङ ख्‍याया़ॱलाङ माएँ ‘ङाह का़हला डोॱराङ येहबा, ओ़हला ख्‍याया़ ओहङ ख़ूज्‍ये म़ेह।’

यूहन्‍ना 16:10

टाहङदेनगी तेहन्‍दाला, च्‍यिबेमाना ङाह याहप्‍च्‍येन आबासाला डोएँ, ओहले ख्‍यागी ङाहला येहपाराङ थोङज्‍ये म़ेह।

यूहन्‍ना 16:22

ओ़ह ल़ेहमुराङ ताहन्‍दा ख्‍या ज्‍यिबुराङ ङ्याहङेन पेहकें, यिहॱनाङ ङाह ख्‍याला येहपाराङ थु ओहङज्‍ये येह, ओहजेला ख्‍यागी सेम क़ेहनाङगी काहङज्‍ये येह। ओहले ओ़ह क़ेहनाङ सुज्‍यीगीॱआङ ख्‍या लाहमले फ्रो़दी ख्‍येर ख़ूज्‍ये म़ेह।

यूहन्‍ना 16:28

ङाह याहप लाहमले दि जाम्‍बुलीङला ओहङसीन, ओहले ता़ह येहपाराङ ङाह दि जाम्‍बुलीङला क्‍युर ज़्‍या़दी याहप्‍च्‍येन आबासाला डोॱराङ येह।”

यूहन्‍ना 16:5

ता़ह ङाह, ङाहला ताङ नाङगेन्‍दी साला डोॱराङ येह, यिहॱनाङ ‘राहङ का़हला फेप नाङगेराङ येहबा लाह?’ म़ेदी ख्‍या सुज्‍यीगीॱआङ ङाहला मा़हटीह

यूहन्‍ना 17:13

यिहॱनाङ ता़हनी ङाह राहङसाला ओहङगेॱराङ येह। खुङया़गी सेम ङाहती काहसोगी काहङ्येॱराङ काहङ ख़ूज्‍यु म़ेदी ङाह दि केच्‍याया़ जाम्‍बुलीङला येहकेमुराङ माएँराङ येह।

यूहन्‍ना 17:5

ता़ह ओ़ याहप, जाम्‍बुलीङ छ्या़ च्‍य़ू नाङगे म़ेदी तोहङले ङाह राहङ ङ्याम्‍बु तेहकेमु ङाहती ज़िज्‍यिद येहकें ता़ह ओ़ह ज़िज्‍यिद येहपाराङ राहङ ज़्‍य़ू नाङग्‍यो ग्‍या़ला ङाहला नाङदोङ।

यूहन्‍ना 7:33

येशूगी सुङ नाङसीन, “तोहरोङॱआङ ङ्यिहमा तोबा थु ङाह ख्‍या ङ्याम्‍बुराङ तेहच्‍ये येह, ओ़ह तिङले ङाहला ताङ नाङगे याहप साला ङाह लो़हदी डोज्‍ये येह।

ल़ेह-पेन 1:3

ओहप-क्‍याल नोम्‍दी क्‍याहङस्‍यीङला टोहङ फान्‍ज्‍यो येशू ङ्यिहमा ज़्‍यिप-च्‍यु थु लेहमा माहङबुराङ खुङया़ ङ्याम्‍बु थु नाङदी राहङ सोम्‍बो येह म़ेदी दास्‍यी तेन नाङसीन। ओहले स्‍याहप्‍च्‍यीया़गी येशूला थोङसीन ओहले येशूगी खुङया़ ङ्याम्‍बु किन्‍ज्‍योगी क्‍याहल्‍सीगी तेहन्‍दाला स्‍याहल सुङ नाङसीन।

हिब्रू 12:2

ओहराङ यिह-छ्य़ेला छ़ू नाङगे दाङ छाङबु जे नाङगेन्‍गी येशूला ओहराङगी त़ेदी तेहतोङ। राहङ आब्रु डोएँगी तामला येशूगी च्‍यिॱआङ नाङदा जे माहनाङ यिहॱनाङ मिहरोगी तिहङला ओहङगेन्‍गी सेम काहसोगी तेहन्‍दाला क्‍याहङस्‍यीङगी तुहक्‍पु खुर नाङसीन, ओहले मिहरो किन्‍ज्‍योगी ज़्‍य़ू-ठिकी योबा ङो़ले ज़्‍य़ू नाङसीन।