यूहन्‍ना 16:15 - ह्योल्‍मो

¹⁵ याहप ङ्याम्‍बु येहकेन्‍गी थाम्‍ज्‍यीराङ से़हया़ ङाहती यिहन। ओ़ह सोङबे ङाहगी मासीन, ‘का़हन्‍दी ङाहती यिहम्‍बा ओ़ह ङाहलेगी नोम्‍दी नाम्‍पार-ताहक्‍पा थुगी ख्‍याया़ला स्‍य़े नाङज्‍ये येह।’

यूहन्‍ना 16:15 ပူးပေါင်းရင်းမြစ်များ

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

लूका 10:22

“ङाहती याहपगी ङाहला थाम्‍ज्‍यीराङ चि क्‍याहप नाङदी येह। स़ेबु सु यिहम्‍बा म़ेदी याहपगी मिहम्‍बा, लेहमेन सुगीॱआङ ङोह मे़हस्‍येएँ। ओ़ह ल़ेहमुराङ, स़ेबु दाङ खोगी तेन्‍ग्‍योकी मिहया़गी च्‍यी़राङ याहपला ङोह स्‍य़ेएँ लेहमेन सुगीॱआङ याहपला ङोह मे़हस्‍येएँ” म़ेदी येशूगी सुङ नाङसीन।

यूहन्‍ना 13:3

याहपगी थाम्‍ज्‍यीराङ से़हया़ मिहरोगी छ्या़ला नाङदी येह, ओहले मिहरो किन्‍ज्‍यो लाहमलेॱराङ फेप नाङग्‍यो यिहम्‍बा, ओहले किन्‍ज्‍यो सालाराङ फेप नाङगेराङ येह माएँ स्‍याहल येशूला थुयी़ येहकें।

यूहन्‍ना 14:21

ङाहला चेवा पेहकें मिहगी ङाहती का ङ्यिहन्‍दी ची़गे। ओहले ङाहला चेवा पेहकें मिहला ङाहती याहपगी चेवा जे नाङगे। ङाह खोला चेवा पेहच्‍ये येह, ओहले ङाह खोसाला डोज्‍ये येह।”

यूहन्‍ना 17:10

ङाह ङ्याम्‍बु येहकेन्‍गी थाम्‍ज्‍यीराङ से़हया़ याहपती यिहन, ओहले याहप ङ्याम्‍बु येहकेन्‍गी थाम्‍ज्‍यीराङ से़हया़ ङाहती यिहन। ओहले खुङगी पेहतीराङ ङाहगी मिहन चा़ छ्यिम्‍बु काहल्‍दी येह।

यूहन्‍ना 17:2

च्‍यिबेमाना राहङगी खोला मिह थाम्‍ज्‍यी थो़ला ओङ नाङदी येह, ओ़ह लाहमले याहपगी नाङग्‍यो थाम्‍ज्‍यीलाराङ खोगी था़ म़ेहबा मिहली ज़ाङबु तेर्च्‍यु।

यूहन्‍ना 3:35

याहपगी राहङगी स़ेबुला चेवा जे नाङगे, ओहले ना थाम्‍ज्‍यीराङ मिहरोगी छ्या़ला ज़्‍या़ नाङदी येह।

कलस्‍सी 1:19

च्‍यिबेमाना किन्‍ज्‍यो राहङ ङ्याम्‍बु येहकेन्‍गी ना थाम्‍ज्‍यीकी छाङबु मास्‍यीकाला ज़्‍य़ू नाङज्‍येला मिहरोगी थु काहसो जे नाङसीन।

कलस्‍सी 2:3

मास्‍यीकालाॱराङ किन्‍ज्‍योकी थाम्‍ज्‍यीराङ येहन्‍देन दाङ रिहक्‍स्‍यीकी क्‍युह यिहप्‍ती येहबा।

कलस्‍सी 2:9

च्‍यिबेमाना मास्‍यीकाकी कुसोला किन्‍ज्‍योगी थाम्‍ज्‍यी गीनया़ छाङबु जेती ज़्‍य़ू नाङदी येह।