यूहन्‍ना 15:6 - ह्योल्‍मो

⁶ ङाह ङ्याम्‍बु मेहतेहकेनया़ला ओ़ह याहल्‍गाया़ला ल़ेहमु पेहती फिला क्‍युर चाहङज्‍ये येह, ओहले ओ़ह काम्‍ज्‍ये येह। दि ल़ेहमु याहल्‍गाया़ला मिहया़गी ग्‍या़ च्‍यी़ला रुहप पेहती मेहला लू़ज्‍ये येह ओहले ओ़ह थाला फुङे डोज्‍ये येह।

यूहन्‍ना 15:6 ပူးပေါင်းရင်းမြစ်များ

मत्ती 13:41

ओ़ह ङ्यिहमाला मिहगी स़ेबुगी राहङगी स्‍यिहङगामकी स्‍याहप्‍च्‍यीया़ला ताङ नाङज्‍ये येह ओहले तिहक्‍पा पेह च्‍य़ूगेन्‍गी का़ह येहकेन से़हया़ दाङ ल़ेह ङ्येहम्‍बा पेहकें थाम्‍ज्‍यीलाराङ स्‍यिहङगामकी स्‍याहप्‍च्‍यीया़गी खुङया़गी क्‍याहल्‍सीलेगी रुहप पेहच्‍ये येह,

मत्ती 27:5

दि ताम थे़दी यहूदागी ओ़ह टाङगा छ्योखाङ नाहङला क्‍युर चाहङसीन ओहले ओहलेगी थेन्‍दी काहल्‍दी खो च्‍याङदी स्‍यिसीन।

मत्ती 3:10

ताहन्‍दाॱराङ तारी तोहङबो रिङला क्‍याहप सिहन्‍दी येह। ओ़ह सोङबे सेदो मे़हयाहगेन्‍गी तोहङबो का़ह येहकेन्‍दी तुप्‍ती मेहला क्‍युर्च्‍ये येह।

मत्ती 7:19

या़हबु सेदो मे़हयाएँगी का़ह येहकेन्‍दी तोहङबोया़ तुप्‍ती मेहला क्‍युर्च्‍ये येह।

यूहन्‍ना 15:2

सेदो मे़हयाहएँगी याहल्‍गा थाम्‍ज्‍यी मिहरोगी तुप्‍ती क्‍युर नाङगे, यिहॱनाङ सेदो याहगेन्‍की याहल्‍गाया़लाती जेन माहङबु याहज्‍यु म़ेदी मिहरोगी सील नाङगे।

हिब्रू 10:27

ओ़हगी छापला दि ल़ेहमु तिहक्‍पा पेहकें मिहया़गी ज्‍यिक्‍पा खुर्केॱराङ किन्‍ज्‍योगी काल नाङगेन्‍गी ङ्य़ेहबा क़ूह कोहएँ। ओहले मेह ल़ेहमु ती़हदी तेहकेन किन्‍ज्‍योकी थुयालगी टाहया़ला थाला फुङे ज़ो नाङज्‍ये येह।

२ पत्रुस 2:20

यिहॱनाङ का़हलेॱआङ खुङया़गी ओहराङगी चो़वो दाङ थार्पा नाङगेन येशू मास्‍यीकाला ङोह स्‍य़ेदीॱआङ जाम्‍बुलीङकी चोक्‍पा लाहमला छ्यि च्‍य़ूगे ल़ेहया़लेगी स्‍योर सिहन्‍दी तिङले येहपाराङ तिहक्‍पाला छ्यिती ओ़हगी ओङला छ्यिसीमाना, खुङया़गी गादी तोहङमादी म़ेदीॱआङ जेन माहङबु चोक्‍पा ओहङज्‍ये येह।

१ यूहन्‍ना 2:19

ओ़ह टाहया़ ओहराङ नाहङलेॱराङ थेन्‍दी काहल्‍सीन, च्‍यिबेमाना खुङ ओहराङदी मिहम्‍बा यिहन्‍गे। का़हलेॱआङ खुङया़ ओहराङदी यिहम्‍बा यिहनानी खुङ ओहराङ ङ्याम्‍बुराङ तेहच्‍ये येहकें। खुङ ओहराङदी मिहम्‍बा दु म़ेदी या़हबु पेहती क्‍यी़ह ज्‍योर्च्‍येला खुङया़गी ओहराङला क्‍युर ज़्‍या़दी काहल्‍सीन।

ज्‍याल्‍गा 20:15

मिहलीगी छ्य़ेला मिहन मा़हप्रीहबा मिहया़ला ओ़ह मेहबुङगी छो नाहङला क्‍युर चाहङसीन।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”