यूहन्‍ना 15:19 - ह्योल्‍मो

¹⁹ ख्‍या दि जाम्‍बुलीङदी यिहन्‍गे यिहनानी खुङगी ख्‍याला राहङदीराङ ने़दी चेवा पेहच्‍ये येहकें। यिहॱनाङ ख्‍या दि जाम्‍बुलीङदी मिहन। ख्‍याला ङाहगी जाम्‍बुलीङ यिहन्‍ज्‍यु दाम्‍सीन ओ़ह सोङबे जाम्‍बुलीङगी ख्‍याला ङ्येन्‍ज्‍येन पेहकें।

यूहन्‍ना 15:19 ပူးပေါင်းရင်းမြစ်များ

मत्ती 10:22

ङाहगी मिहनगी पेहती ख्‍याया़ला मिह थाम्‍ज्‍यीगी ङेन्‍ज्‍येन पेहच्‍ये येह। यिहॱनाङ तिङ थु ङाहला यिह-छ्य़े पेहती तेहकेन्‍दी थार्च्‍ये येह।

मत्ती 24:9

“ओहजेला मिहया़गी ख्‍याया़ला ज़ुङज्‍ये येह ओहले ङ्य़ेहबा काल्‍ज्‍येला ख्‍येर्च्‍ये येह, ख्‍याया़ला सेच्‍ये येह। ङाहगी पेहती थाम्‍ज्‍यी क्‍यिहपागी मिहया़गी ख्‍याया़ला ङेन्‍ज्‍येन पेहच्‍ये येह।”

लूका 6:32

“चेवा पेहकेन्‍दीला च्‍यी़राङ चेवा पेहसीमाना ख्‍याला च्‍यि ख्‍येप्‍साङ काहल्‍बा ले? तिहक्‍च्‍येम्‍बाया़गीॱआङ राहङला चेवा पेहकेनया़ला ओ़ह ल़ेहमुराङ पेहकें।

यूहन्‍ना 13:18

ङाहगी ख्‍या थाम्‍ज्‍यीगी तेहन्‍दाला माक्‍यो मिहम्‍बा, ङाहगी दाम्‍ग्‍योया़ला ङाह ङोह स्‍य़ेएँ। यिहॱनाङ सुङरापगी स्‍याहल तेहन्‍दा डुप च्‍य़ू म़ेदीराङ दि काहल्‍ग्‍यो यिहम्‍बा, ‘ङाह ङ्याम्‍बु खुरा साहएँ मिहराङ ङाहती टा़ह काहल्‍सीन’।

यूहन्‍ना 15:16

ख्‍याया़गी ङाहला मा़हदाम यिहॱनाङ ङाहगी ख्‍याया़ला दाम्‍सीन, ओहले ख्‍या काहल्‍दी सेदो या़ह च्‍य़ूदोङ ओहले ख्‍याया़गी सेदो नाहम-माना या़हदे तेहच्‍यु म़ेदी ङाहगी ख्‍याला कुल्‍सीन। ओ़ह सोङबे ख्‍यागी ङाहगी मिहनला याहप ङ्याम्‍बु च्‍यि लाङगे ओ़हदी याहपगी ख्‍याला नाङज्‍ये येह।

यूहन्‍ना 6:70

येशूगी खुङया़ला सुङ नाङसीन, “च्‍यि ङाह राहङगीराङ ख्‍या मेहन्‍दा च्‍यिङ्यी़ला दाम्‍ग्‍यो मिहम्‍बा ले? यिहॱनाङ ख्‍या नाहङला मेहन्‍दा च्‍यी़दी (ती़ह गो-छ्येवा) दियाबलस यिहम्‍बा।”

याकूब 4:4

ए छ्येउ-छ्येंमु पेहकेन मिहया़! जाम्‍बुलीङला निङज्‍यी पेहकें मिह किन्‍ज्‍योकी टाह ओहङगे माएँ ताम च्‍यि ख्‍याला क्‍यी़ह म़ेहबा? ओ़ह सोङबे जाम्‍बुलीङला रोह ज़ोज्‍ये छोल्‍गेन्‍दीगी किन्‍ज्‍योला राहङगी टाह ज़ोएँ।

१ पत्रुस 4:3

काहल्‍ग्‍यो ङ्यिहमाया़ला लेहमेन क्‍यिहपागी मिहया़गी ल़ेहमु पेहती ख्‍याया़गी छ्येउ-छ्येंमु पेहको येहकें, ज़ुबुकी तेहन्‍दाला चोक्‍पा-चोक्‍पा सेमया़ थोउ येहकें, छ्याङसीवा येहकें, खाम्‍साङ-ङ्याहम्‍साङ पेहको येहकें, कुहन्‍डुमकी-निङगु थुङगेन्‍गी डेनया़ ज़्‍या़गो येहकें, ओहले नाम्‍दो लाहङज्‍ये ल़ेहमु कुया़ला छ्येपा फुल्‍दी तेहको येहकें।

१ यूहन्‍ना 3:12

ओहराङ कयिन ल़ेहमु ओहङज्‍ये मेहयोहङगे। खो ती़ह गो-छ्येवादी यिहन्‍गे। खोगी राहङगी नो़हला सेसीन। खोगी राहङगी नो़हला च्‍यिबे सेपा? च्‍यिबेमाना खोती ल़ेह टाहङबु म़ेहबा येहकें। यिहॱनाङ खोगी नो़हगी ल़ेहती टाहङबु येहकें।

ज्‍याल्‍गा 12:17

ओहजेला ओ़ह डुक पी़हमी ङ्याम्‍बु जेन माहङबु स्‍यिहङताङ लाहङसीन ओहले मोहगी छार्क्‍यीनया़, किन्‍ज्‍योकी का ची़गेया़ दाङ येशूकी लुहङ थो़ला यिह-छ्य़ेबु येहकेनया़ ङ्याम्‍बु मा़ क्‍याहप्‍च्‍येला काहल्‍सीन।

ज्‍याल्‍गा 12:9

दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।