यूहन्‍ना 15:15 - ह्योल्‍मो

¹⁵ ता़ह यिहन्‍ज्‍यु ङाह ख्‍याया़ला योक्‍पु मेहमाएँ, च्‍यिबेमाना ताहक्‍पुगी च्‍यि पेहकें ओ़हदी योक्‍पुगी क्‍यी़ह मेहन्‍ज्‍योर्कें। यिहॱनाङ ङाहगी ख्‍याया़ला रो़ह मा सिहन्‍दी येह, च्‍यिबेमाना ङाहगी ङाहती याहप लाहमले थे़क्‍योगी थाम्‍ज्‍यीराङ तामया़ ख्‍याया़ला स्‍य़े सिहन्‍दी येह।

यूहन्‍ना 15:15 ပူးပေါင်းရင်းမြစ်များ

मत्ती 13:11

येशूगी खुङया़ला सुङ नाङसीन, “त़ेदोङ, किन्‍ज्‍योगी क्‍याहल्‍सीला नाहङ-तामया़ ख्‍याया़ला ह्‍अ कोह च्‍य़ूक्‍यो येह, यिहॱनाङ खुङया़लादी ह्‍अ कोह च्‍य़ूदी म़ेह।

लूका 10:23

ओहले येशूगी राहङगी स्‍याहप्‍च्‍यी ङो़ले लो़हदी मिहया़गी माहथ़ेज्‍यु म़ेदी खुङया़ला लोप्‍से जेती सुङ नाङसीन, “ख्‍यागी दि थाम्‍ज्‍यी थोङ ङ्युङग्‍यो सुङबे ख्‍या काहजे सोनाम-साक्‍पु।

यूहन्‍ना 12:26

ङाहला स्‍याहप्‍तो स्‍युहज्‍ये छोल्‍गेन्‍दी ङाहला तिङ ङ्या़ कोहएँ। ओहले ङाह का़हला येहबा, ओ़हला ङाहला स्‍याहप्‍तो स्‍युहएँया़ॱआङ ओहङज्‍ये येह। ङाहती याहपगी ङाहला स्‍याहप्‍तो स्‍युहएँया़ला चा़ जे नाङज्‍ये येह।”

यूहन्‍ना 13:16

तेहम्‍बाराङ ङाह ख्‍याया़ला माएँ, योक्‍पु राहङगी ताहक्‍पु म़ेदी छ्यिम्‍बु ओहङ मी़हखुएँ, ओहले लेहङगु ख्‍येर्केनया़ लेहङगु ताङगे मिह म़ेदी छ्यिम्‍बु ओहङ मी़हखुएँ।

यूहन्‍ना 15:20

ङाहगी ख्‍याला माक्‍यो ताम टेहम्‍बा साल्‍दी ज़्‍यो़, ‘योक्‍पु खाङबा ताहक्‍पु म़ेदी छ्यिम्‍बु ओहङ मी़हखुएँ।’ खुङगी ङाहला तुहक्‍पु तेर्सीमाना ख्‍याॱलाङ तुहक्‍पु तेर्च्‍ये येह। खुङगी ङाहती ताम ङ्यिहन्‍सीन माना ख्‍याती तामॱआङ ङ्यिहन्‍ज्‍ये येह।

यूहन्‍ना 16:12

“ङाहगी ख्‍याया़ला मा कोहएँगी तामया़नी माहङबुराङ येह, यिहॱनाङ ताहन्‍दा ख्‍यागी ओ़ह तामया़ ना मी़हखु।

यूहन्‍ना 17:26

राहङगी ङाहला जे नाङग्‍योकी चेवा खुङ ङ्याम्‍बुॱआङ लिहच्‍यु ओहले ङाह खुङ ङ्याम्‍बु तेह ख़ूज्‍यु म़ेदी याहपला ङाहगी खुङया़गी पाहरक्‍यीला ङोह स्‍य़े च्‍य़ूदी येह ओहले तोहरोङॱआङ ङोह स्‍य़े च्‍य़ूगेनॱराङ येह।”

यूहन्‍ना 20:17

ओहले येशूगी मोहला सुङ नाङसीन, “ङाहला मा़हदे, च्‍यिबेमाना ङाह ताहन्‍दा थु याहप्‍च्‍येन आबासाला काहल्‍दी म़ेह। यिहॱनाङ ङाहती नो़हया़साला काहल्‍दी म़े तेर, ‘ङाहती याहप दाङ ख्‍यागी याहप, ओहले ङाहती किन्‍ज्‍यो दाङ ख्‍यागी किन्‍ज्‍यो साला ङाह डोॱराङ येह’।”

यूहन्‍ना 4:19

ओ़ह पी़हमीगी येशूला स्‍युहसीन, “लाहसो लाह, राहङनी लुहङतेम्‍बा गा यिहन्‍गे दुबा।

यूहन्‍ना 8:26

ख्‍याया़गी तेहन्‍दाला ताम मा कोहच्‍ये दाङ ठिम ताङ कोहज्‍ये नि माहङबुराङ येह। यिहॱनाङ ङाहला ताङ नाङगेन्‍दी तेहम्‍बा ज़्‍य़ू नाङदी येह, ओहले मिहरो लाहमले ङाहगी च्‍यि थे़बा ओ़ह तामया़ॱराङ ङाह जाम्‍बुलीङला स्‍येकें।”

ल़ेह-पेन 20:27

च्‍यिबे मासीमाना किन्‍ज्‍योगी ओहराङ मिहगी थार्पा थोप ख़ूज्‍यु म़ेदी जे नाङग्‍यो दाङ जे नाङगे छ्या़लेगी तेहन्‍दाला च्‍यिॱआङ ताम फे़क्‍यो मा़हज्‍याबा पेहती राहङ फे़बेया़ला स्‍ये सिहन्‍दी येह।

रोमी 7:15

ङाहगी च्‍यि पेहकें, ओ़ह ङाह राहङगीॱआङ ङोह मे़हस्‍येएँ। ङाहगी सेम्‍बा पेहक्‍योकी ल़ेहया़ ङाह लाहमले च्‍यिॱआङ मेहयोहङगे। ङाहगी सेम्‍बा माहबेबा दाङ क्‍युक्‍टो पेहक्‍योकी ल़ेहया़ॱराङ ङाह लाहमले ओहङगे।

१ कोरिन्‍थी 2:16

“च्‍यिबेमाना सुगी चो़वोगी थुला ङोह स्‍य़े खू़क्‍यो येहबा ले? ओहले सुगी चो़वोला लोप ख़ूएँ ले?” यिहॱनाङ ओहराङगी दि तामया़ ङोह स्‍य़े ख़ूएँ च्‍यिबेमाना ओहराङ ङ्याम्‍बुनी मास्‍यीकाकी थु ज़्‍य़ू नाङदी येहबा।

गलाती 4:6

ओहराङ किन्‍ज्‍योदीॱराङ छार्क्‍यीन यिहम्‍बा म़ेदी तेन्‍ज्‍येला किन्‍ज्‍योगी राहङ स़ेबुकी थु ओहराङगी लोला ताङ नाङसीन। ओहले ओ़ह थुगीॱराङ ओहराङ लो लाहमले “ओ़ अब्‍बा, ओ़ याहप,” म़ेदी क़े क्‍याहप नाङगे यिहम्‍बा।

एफिसी 1:9

ता़ह किन्‍ज्‍योकी तिहङ-रिहङबुगी राहङगी ज़ोक्‍योकी च्‍याहम्‍दाया़ मिहरोगी ओहराङला मास्‍यीका लाहमले तेन नाङसीन। दि किन्‍ज्‍योकी राहङगी ज़ोक्‍योकी च्‍याहम्‍दा मिहरोगी थुला तोहङ यिहन्‍ज्‍युराङ ठुङग्‍यो येहकें ओहले दि राहङगी ज़ोक्‍योकी च्‍याहम्‍दा तेहन्‍दा डुप च्‍य़ू नाङज्‍येला मिहरोला या़हबु ऩेसीन।

एफिसी 3:5

दि तिहङ-रिहङबुकी केच्‍या तोहङमागी मिहदोकी मिहया़ला ङोह स्‍य़े च्‍य़ू माहनाङ येहकें यिहॱनाङ ताहन्‍दा दि तिहङ-रिहङबुकी केच्‍या नाम्‍पार-ताहक्‍पा थु लाहमले राहङगी टाहङबु ल़ेह-पेनया़ दाङ लुहङतेम्‍बाया़ला किन्‍ज्‍योगी ङोह स्‍य़े च्‍य़ू नाङदी येह।

कलस्‍सी 1:26

दि लोप्‍च्‍युङ काल्‍बा-काल्‍बा दाङ आख्‍ये मे़हमेया़ यिहन्‍ज्‍यु सी़दे ज़्‍या़क्‍यो तिहङ-रिहङबुकी ताम ता़ह किन्‍ज्‍योगी मास्‍यीकाकी नाम्‍पार-ताहक्‍पा मिहया़ला दिगी तेहन्‍दा ह्‍अ कोह च्‍य़ू नाङदी येह।

फिलेमोन 1:16

ता़ह खो लाबु मिहम्‍बा यिहॱनाङ लाबु म़ेदीॱआङ या़हबु निङ च्‍येहएँगी नो़ह काहल्‍सीन। खो ङाहगी तेहन्‍दाला ज्‍यिबुराङ च्‍याहम्‍बु येह यिहॱनाङ ख्‍येगी तेहन्‍दालानी तोहरोङ खो ज़ुबु दाङ चो़वोला जेन माहङबु च्‍याहम्‍बु येह।

याकूब 1:1

किन्‍ज्‍यो दाङ चो़वो येशू मास्‍यीकाला स्‍याहप्‍तो स्‍युहएँगी स्‍याहप्‍च्‍यी ङाह याकूबगी दि यिहगी जाम्‍बुलीङगी माहङबु ग्‍या़ ग्‍या़ला फेतोर कोहतोर काहल्‍ग्‍यो इस्राएलगी छाङ च्‍यिङ्यी़ला प्रुहउ येहबा। ख्‍या थाम्‍ज्‍यीला ङाहती टास्‍यी-देले येहबा।

याकूब 2:23

नाम्‍पार-ताहक्‍पा छ्य़ेगी दि ल़ेहमु सुङ नाङग्‍योकी स्‍याहल तेहन्‍दा डुप्‍सीन, “अब्राहामगी किन्‍ज्‍योला तेहपा पेहसीन, ओहले ओ़ह तेहपागी पेहतीराङ खो किन्‍ज्‍योगी दिनला मिह टाहङबु सी़ह ख़ूसीन” दि ल़ेहमु पेहती अब्राहाम किन्‍ज्‍योगी छ्येटो काहल्‍सीन म़ेदी माक्‍यो येहबा।

१ पत्रुस 1:11

लुहङतेम्‍बाया़गी दि काह-ठि पेहती ओहले नाहम ओहङगे यिहम्‍बा म़ेदी ङोह स्‍ये़ज्‍ये छोल्‍ग्‍यो येहकें। खुङ नाहङला येहकेन्‍की मास्‍यीकाकी थुगी मास्‍यीकाकी तुहक्‍पुया़ दाङ ओ़ह तिङले ओहङगेन ज़िज्‍यिदकी तेहन्‍दाला तोहङलेराङ खुङया़ला तेन नाङग्‍यो येहकें।

२ पत्रुस 1:1

येशू मास्‍यीकाकी योक्‍पु दाङ ल़ेह-पेन सिमोन-पत्रुस लाहमले, ओहले ओहराङगी किन्‍ज्‍यो दाङ थार्पा नाङगेन येशू मास्‍यीकाकी टाहङदेन लाहमले ङ्यिहती ल़ेहमुराङ चा़ छ्यिम्‍बु तेहपा ज्‍योर्केनया़ला:

यहूदा 1:1

ङाह येशू मास्‍यीकाकी लाबु, याकूबकी नो़ह यहूदा लाहमले– पाहङज्‍येन क्‍याहप्‍क्‍योया़, पे यिहॱना़ किन्‍ज्‍यो याहपकी चेवा जे नाङग्‍योया़ दाङ येशू मास्‍यीकाकी जेम्‍बु जेती ज़्‍या़ नाङग्‍योया़ला दि यिहगी प्रुहएँॱराङ येहबा।

ज्‍याल्‍गा 1:1

दि छ्य़ेकी केच्‍या येशू मास्‍यीकागी तेन नाङग्‍यो यिहम्‍बा। राहङ स्‍याहप्‍च्‍यीया़गी ग्‍यो़बाराङ बाप ओहङज्‍ये पेहक्‍यो केच्‍याया़गी तेहन्‍दाला ङोह स्‍य़े ख़ूज्‍यु म़ेदी किन्‍ज्‍योगी येशूला दि ज्‍याल्‍गा नाङग्‍यो येहकें। येशूगी दि केच्‍या प्रा साल नाङज्‍येला स्‍यिहङगामकी स्‍याहप्‍च्‍यी च्‍यी़ला राहङला स्‍याहप्‍तो स्‍युएँगी यूहन्‍नासाला ताङ नाङसीन।