यूहन्‍ना 14:9 - ह्योल्‍मो

⁹ येशूगी खोला सुङ नाङसीन, “फिलिप, ओहजे ङ्यिहमा थु ङाह ख्‍या ङ्याम्‍बु तेहतीॱआङ तोहरोङॱआङ ख्‍येगी ङाहला ङोह मा़हस्‍येबा? ङाहला थोङगेन्‍दीगी याहपलाॱआङ थोङ सिहन्‍दी येह। ओ़ह सोङबे ख्‍ये ‘ङ्यिहला याहप तेन नाङदोङ’ म़ेदी काह-ठि पेहती मा ख़ूएँ?

यूहन्‍ना 14:9 ပူးပေါင်းရင်းမြစ်များ

मर्कूस 9:19

येशूगी खुङया़ला सुङ नाङसीन, “काहन्‍डुमु यिह-छ्य़े म़ेहबागी मिहया़ दुबा! ख्‍या ङ्याम्‍बु ङाह काहजे ङ्यिहमा थु तेहच्‍ये? ङाहगी ख्‍या ङ्याम्‍बु काहजे थु ना़ज्‍ये? के खोला ङाहसाला ख्‍येर-स्‍यो ले।”

लूका 12:56

ए खोक्‍पा नाहक्‍पु मिहया़, जाम्‍बुलीङ दाङ नामला त़ेदी नाम क्‍याहप्‍कें नि मेहक्‍याहप्‍कें म़ेदीनी ख्‍यागी ह्‍अ कोह खू़उ दु। ओहले दि ती़हजीला ओहङज्‍ये पेहक्‍योगी ताक्‍छेनया़दी ख्‍यागी च्‍यिबे ह्‍अ मेहकोहएँ?

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

यूहन्‍ना 10:30

याहप दाङ ङाह च्‍यी़राङ यिहन।”

यूहन्‍ना 12:45

ओहले ङाहला थोङगेन्‍दीगी ङाहला ताङ नाङगेन्‍दीॱलाङ थोङगे।

यूहन्‍ना 14:20

ओ़ह ङ्यिहमु ‘ङाह ङाहगी याहप ङ्याम्‍बु येह, ओहले ख्‍या ङाह ङ्याम्‍बु येह, ओहले ङाह ख्‍या ङ्याम्‍बु येह’ माएँ ताम ख्‍यागी ङोह स्‍ये़ज्‍ये येह।

यूहन्‍ना 14:7

ख्‍याया़गी ङाहला ङोह स्‍य़ेक्‍यो यिहन्‍नानी ङाहती याहपलाॱआङ ङोह स्‍ये़ज्‍ये येहकें। ता़ह यिहन्‍ज्‍यु ख्‍याया़गी ङाहती याहपला ङोह स्‍य़ेदी येह, च्‍यिबेमाना ख्‍याया़गी मिहरोला थोङ सिहन्‍दी येह।”

यूहन्‍ना 8:19

खुङया़गी येशूला स्‍युहसीन, “ख्‍येती याहप का़हला येहबा ले?” येशूगी सुङ नाङसीन, “ख्‍याया़गी नाह ङाहला ङोह स्‍य़ेगे नाह ङाहती याहपला। ख्‍याया़गी ङाहला ङोह स्‍य़ेक्‍यो येहसीमानानी ङाहती याहपॱलाङ ङोह स्‍ये़ज्‍ये येहकें।”

१ कोरिन्‍थी 15:12

मास्‍यीकानी टोहङदी येहपाराङ सोम्‍बो ज़्‍याङ नाङसीन म़ेदी ख्‍यागी मिहया़ला स्‍येकें मासीमाना काह-ठि पेहती ख्‍या नाहङला लाहलागी स्‍यिक्‍यो मिहया़ येहपाराङ सोम्‍बो लो़ह मी़हखुएँ म़ेदी मा ख़ूएँ ले?

फिलिप्‍पी 2:6

येशू मास्‍यीका तेहम्‍बाराङ किन्‍ज्‍यो यिहन्‍गे, यिहॱनाङ मिहरोगी राहङला किन्‍ज्‍यो ङ्याम्‍बा यिहन म़ेदी थुला नोम माहनाङ। दि ओहराङगी नोम्‍साङ ताङ कोहएँगी ताम यिहम्‍बा।

कलस्‍सी 1:15

ओहराङ मी़गी थोङ मी़हखुएँ किन्‍ज्‍योकी ङ्य़ेहरीला थोङ ख़ूएँ जेती मास्‍यीका ज़्‍य़ू नाङदी येह। ना थाम्‍ज्‍यीराङ छ्या़क्‍यो से़हया़ नाहङला मास्‍यीका थाम्‍ज्‍यी म़ेदी छ्येस्‍यो यिहम्‍बा।

हिब्रू 1:3

मास्‍यीकागी किन्‍ज्‍योकी ज़िज्‍यिदकी क्‍या-साङे तेन नाङगे ओहले मास्‍यीकाॱराङ किन्‍ज्‍योकी तेहम्‍बा-तेहन्‍सुम ङ्य़ेहरी यिहम्‍बा। ओहले मिहरोगी वाङज्‍या छ्यिम्‍बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्‍पालेगी कोहङदा नाङगेन्‍गी छ्या़ले छार फान्‍ज्‍यो मिहरो वाङज्‍या छ्यिम्‍बु नोम्‍गेन किन्‍ज्‍योकी योबा ङो़ले ज़्‍य़ू नाङसीन।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।