यूहन्‍ना 14:28 - ह्योल्‍मो

²⁸ ङाहगी ख्‍याया़ला ‘ङाह डोॱराङ येह, ओहले ख्‍यासाला ओहङगे’ म़ेदी माक्‍यो ख्‍याया़गी थ़े सिहन्‍दी येहबा। ख्‍याया़गी ङाहला चेवा पेहक्‍यो यिहनानी ङाह याहप्‍च्‍येन आबासाला डोॱराङ येह माएँ थे़गेमु ख्‍या क़ेहनाङ पेहच्‍ये येहकें, च्‍यिबेमाना याहप ङाह म़ेदी चा़ छ्यिम्‍बु ज़्‍य़ू नाङदी येह।

यूहन्‍ना 14:28 ပူးပေါင်းရင်းမြစ်များ

मत्ती 12:18

त़ेदोङ, ङाहगी दाम्‍ग्‍यो ङाहला स्‍याहप्‍तो स्‍युहएँगी मिह खोराङ यिहम्‍बा। ङाह खोला चेवा पेहकें, खो ङ्याम्‍बु ङाह ज्‍यिबुराङ सेम काहसो येह, ङाह राहङगी थु खो थो़ला ल़ू तेर्च्‍ये येह, ओहले खोगी थाम्‍ज्‍यीराङ क्‍यिहपा-क्‍यिहपागी मिहया़ला ठिम ताङगेन्‍गी तेहन्‍दाला प्रा साल्‍ज्‍ये येह।

यूहन्‍ना 10:38

ङाहनी याहपकी छ्या़लेया़ पेहको येह। ख्‍याया़गी ङाहला यिह मेहछ्ये़ॱनाङ ङाहगी पेहक्‍योकी ल़ेहया़ला यिह छ्य़ेदोङ ओहले ख्‍याया़गी, ‘याहप ङाह ङ्याम्‍बु ज़्‍य़ू नाङदी येह ओहले ङाह याहप ङ्याम्‍बु येह’ माएँ ताम क्‍यी़ह ज्‍योर्च्‍ये येह ओहले ङोह स्‍ये़ज्‍ये येह।”

यूहन्‍ना 13:16

तेहम्‍बाराङ ङाह ख्‍याया़ला माएँ, योक्‍पु राहङगी ताहक्‍पु म़ेदी छ्यिम्‍बु ओहङ मी़हखुएँ, ओहले लेहङगु ख्‍येर्केनया़ लेहङगु ताङगे मिह म़ेदी छ्यिम्‍बु ओहङ मी़हखुएँ।

यूहन्‍ना 14:12

तेहम्‍बाराङ ङाह ख्‍याया़ला माएँ, सुगी ङाहला यिह छ्य़ेगे, खोगी ङाहगी पेहक्‍यो ल़ेहमु ल़ेहया़ पेहच्‍ये येह, ओहले ओ़ह म़ेदीॱआङ छ्यिम्‍बु ल़ेहया़ पेहच्‍ये येह, च्‍यिबेमाना ङाह याहप्‍च्‍येन आबासाला डोॱराङ येह।

यूहन्‍ना 14:18

ङाह ख्‍याया़ला टो़टे पेहजाया़ला ल़ेहमु पेहती क्‍युर मे़हज्‍याएँ, ङाह येहपाराङ ख्‍यासाला ओहङज्‍ये येह।

यूहन्‍ना 16:7

यिहॱनाङ, ङाह ख्‍याला तेहन्‍दामकी ताम माएँ, ङाह डोएँदीलाॱराङ ख्‍याला खेप्‍साङ येह। च्‍यिबेमाना ङाह मेहन्‍डोना, रो़हराम जे नाङगेन्‍दी ख्‍यासाला फेप नाङज्‍ये म़ेह। यिहॱनाङ ङाह डोसीमाना ङाह मिहरोला ख्‍यासाला ताङज्‍ये येह।

यूहन्‍ना 20:17

ओहले येशूगी मोहला सुङ नाङसीन, “ङाहला मा़हदे, च्‍यिबेमाना ङाह ताहन्‍दा थु याहप्‍च्‍येन आबासाला काहल्‍दी म़ेह। यिहॱनाङ ङाहती नो़हया़साला काहल्‍दी म़े तेर, ‘ङाहती याहप दाङ ख्‍यागी याहप, ओहले ङाहती किन्‍ज्‍यो दाङ ख्‍यागी किन्‍ज्‍यो साला ङाह डोॱराङ येह’।”

यूहन्‍ना 20:21

ओहले येशूगी येहपाराङ खुङया़ला सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु! याहपगी ङाहला ताङ नाङग्‍यो ल़ेहमुराङ ङाहॱआङ ख्‍याला ताङगेराङ येह।”

यूहन्‍ना 5:18

ओ़ह सोङबे यहूदीया़गी येशूला सेच्‍ये म़ेदी माहङबुराङ स्‍युक पेहसीन, च्‍यिबेमाना मिहरोगी थाङ सोएँ ङ्यिहमागी ठिम च्‍यी़राङ माहगोम, यिहॱनाङ येशूगी किन्‍ज्‍योला याहप सुङदी राहङला किन्‍ज्‍यो ङ्याम्‍बा ज़ो नाङग्‍यो येहकें।

यूहन्‍ना 7:33

येशूगी सुङ नाङसीन, “तोहरोङॱआङ ङ्यिहमा तोबा थु ङाह ख्‍या ङ्याम्‍बुराङ तेहच्‍ये येह, ओ़ह तिङले ङाहला ताङ नाङगे याहप साला ङाह लो़हदी डोज्‍ये येह।

१ कोरिन्‍थी 11:3

यिहॱनाङ मास्‍यीकाॱराङ मिह थाम्‍ज्‍यीगी गो़ यिहम्‍बा म़ेदी ख्‍या थाम्‍ज्‍यीगी ह्‍अ के़हदोङ। पी़हमीगी गो़ मोहगी ख्‍योवा यिहम्‍बा, ओहले मास्‍यीकागी उ किन्‍ज्‍यो यिहम्‍बा।

१ पत्रुस 1:8

ख्‍यागी येशू मास्‍यीकाला थोङग्‍यो मे़हॱनाङ मिहरोला चेवा पेहकें। मिहरोला ख्‍यागी ताहन्‍दा थोङ मी़हखुएँ, यिहॱनाङ ख्‍यागी मिहरोला यिह-छ्य़े पेहकें। ओहले स्‍येॱराङ मी़हखुएँगी ज़िज्‍यिद छ्यिम्‍बु काहसोगी ख्‍याया़गी सेम काहङदी येह।

ज्‍याल्‍गा 1:11

ख्‍येगी थोङग्‍योकी तामया़ ता़ह यिहगी च्‍यी़ला प्री़हदीॱमाराङ एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया दाङ लाउडिकिया क्‍याहसाला येहकेन्‍गी छेन्‍छोक तिहन्‍गालाॱराङ ताङदोङ।