यूहन्ना 14:26 - ह्योल्मो26 यिहॱनाङ रो़हराम जे नाङगेन्दी, पे यिहॱना़: नाम्पार-ताहक्पा थु, मिहरोला याहपगी ङाहती मिहनला ताङ नाङज्ये येह, मिहरोगी ख्याया़ला ताम थाम्ज्यीराङ लोप नाङज्ये येह, ओहले ङाहगी ख्याला माक्योगी थाम्ज्यीराङ तामया़ टेहम्बा साल च्य़ू नाङज्ये येह। အခန်းကိုကြည့်ပါ။ |
यूहन्ना 14:26
75 ပူးပေါင်းရင်းမြစ်များ
दि ल़ेहमु साम्लु ताङ तेहकेमु किन्ज्योकी स्यिहङगामगी स्याहप्च्यी खोगी मिलामला थोङसीन। ओहले ओ़ह स्यिहङगामकी स्याहप्च्यीगी खोला दि ल़ेहमु सुङ नाङसीन, “ए दाऊदकी पुह योसेफ, ख्येगी पी़हमी मरियमला ख्योङज्येला मा़हन्ज्यी, च्यिबेमाना मोहती ज़ुबु ङ्यिहपा काहल्ग्योदी नाम्पार-ताहक्पा थु लाहमले डुप्क्यो यिहन।
तेहम्बाराङ, ख्याया़ राहङ-राहङगी सेमगी स्या़बा पेहती ता़ह तिहक्पा पाङज्येला ठाबे काहल्ग्यो यिहन म़ेदी तेन्ज्येला ङाह ख्याया़ला छ्युगी बप्तिस्मा तेर्को येह, यिहॱनाङ ङाह म़ेदी तिङले फेप नाङगेन्दीगी ख्याया़ला नाम्पार-ताहक्पा थु दाङ मेहगी बप्तिस्मा नाङज्ये येह। मिहरोनी ङाह म़ेदी ज्यिबुराङ ओङ छ्यिम्बु येहबा। ङाहनी मिहरोगी स्याहप्चेन थो़ज्येलाॱआङ सी़हज्ये म़ेह।
ओहले स्यिहङगामकी स्याहप्च्यीगी मोहला ल़ेहन क्याहप्ती सुङ नाङसीन, “नाम्पार-ताहक्पा थु ख्येसाला फेप नाङज्ये येह, ओहले चा़ छ्यिम्बु किन्ज्योगी ओङगी टिहप्सा ख्ये थो़ला ज़्य़ू नाङज्ये येह। ओ़ह सोङबे ठुङ नाङगे स़ेबु नाम्पार-ताहक्पा ओहङज्ये येह ओहले ओ़ह स़ेबुला किन्ज्योगी स़ेबु म़ेदी माज्ये येह।
ङाहगीनी मिहरोला ताहन्दा थुॱआङ ङोह स्य़ेदी म़ेहबा येहकें, यिहॱनाङ किन्ज्योगी ङाहला छ्युगी बप्तिस्मा तेर्तोङ सुङदी ताङ नाङसीन, मिहरोगीॱराङ ङाहला सुङ नाङसीन, ‘का़हन्दी थो़ला ख्येगी नाम्पार-ताहक्पा थु फेप्केनॱराङ जेक्यो दाङ ज्यू़गेॱराङ जेक्यो थोङगे, नाम्पार-ताहक्पा थुगी बप्तिस्मा नाङगेन्दीॱआङ मिह-रो़हराङ यिहम्बा।’
यिहॱनाङ दि स्याहल येशूगी नाम्पार-ताहक्पा थुगी तेहन्दाला सुङ नाङग्यो येहकें, ओहले ओ़ह नाम्पार-ताहक्पा थुदी येशू थो़ला यिह छ्य़ेगेया़गी ज्योर्च्ये पेहक्यो येहकें। ओहले ओ़ह नाम्पार-ताहक्पा थु ताहन्दा थुॱआङ किन्ज्योगी नाङदी म़ेहबा येहकें च्यिबेमाना येशू स्यिहङगामला लो़हदी फेप माहनाङ येहकें।
ओ़ह सुङगोराङ किन्ज्यो याहपगी येशूला राहङ ङ्याम्बुराङ राहङगी योबा ङो़ले ज़्या़ नाङदी येह ओहले राहङगी ताहम्ज्या ज़्या़ नाङग्यो ल़ेहमु जेती येशूला नाम्पार-ताहक्पा थु नाङसीन। ओ़ह नाम्पार-ताहक्पा थुराङ चो़वो छ्येवा येशूगी ताहन्दा ओहराङ थो़ला ज़्या़ नाङदी येह, ओ़ह ताम ख्या फे़बेया़गी ताहन्दा थोङदी, थे़दी ओ़हङदीॱराङ येहबा।
लेहमेन क्यिहपाया़गी तेहन्दाला किन्ज्योगी ङाहला मास्यीका येशूला स्याहप्तो स्युहएँकी मिह ज़ो नाङसीन। लेहमेन क्यिहपाकी मिहया़ नाम्पार-ताहक्पा थु लाहमले चाङमा काहल्दी किन्ज्योकी थु ङ्ये़बाकी डेल्बा ओहङ ख़ूज्यु म़ेदी मिहरोगी ङाहला राहङदी या़हबु लेहङगु स्येच्येला पूजाहारीगी ल़ेहया़ चि क्याहप नाङसीन।
खुङया़ला दि केच्या ङोह स्य़े च्य़ूक्यो येहकें च्यिबेमाना खुङया़गी राहङगी तेहन्दाला मिहम्बा, यिहॱनाङ ख्याया़ला स्याहप्तो स्यी़ह-तेहक्यो येहकें। दि केच्या स्यिहङगामले माहर ताङ नाङग्योकी नाम्पार-ताहक्पा थु लाहमले ख्याया़ला स्येक्योगी या़हबु लेहङगुया़ प्रा साल्गेनया़गीॱराङ ताहन्दा ख्याया़ला स्येती येहबा। स्यिहङगामकी स्याहप्च्यीया़ॱआङ दि से़हया़ ताज्येला ज्यिबुराङ सेम पेहती येहबा।
यिहॱनाङ ख्या थो़ला मास्यीकागी राहङदी नाम्पार-ताहक्पा थु नाङदी येह। ख्या ङ्याम्बु नाम्पार-ताहक्पा थु ज़्य़ू नाङग्यो सोङबे सुज्यीगीॱआङ ख्याया़ला तेहन्दामकी तेहन्दाला लोप मेहकोहएँ च्यिबेमाना नाम्पार-ताहक्पा थुगीॱराङ ख्याया़ला ना थाम्ज्यीराङ लोप नाङगे। मिहरोगी लोप नाङग्योकी स्याहलला तेहन्दाम ओहङगे, यिहॱनाङ चिहन क्याहप्क्यो मेहयोहङगे। नाम्पार-ताहक्पा थुगी नाङग्यो लुहङया़ ची़दे मास्यीकाला क्याप्ती तेहतोङ।
ကြော်ငြာတွေ