यूहन्‍ना 14:21 - ह्योल्‍मो

²¹ ङाहला चेवा पेहकें मिहगी ङाहती का ङ्यिहन्‍दी ची़गे। ओहले ङाहला चेवा पेहकें मिहला ङाहती याहपगी चेवा जे नाङगे। ङाह खोला चेवा पेहच्‍ये येह, ओहले ङाह खोसाला डोज्‍ये येह।”

यूहन्‍ना 14:21 ပူးပေါင်းရင်းမြစ်များ

लूका 11:28

दि ताम सेन्‍दी येशूगी, “किन्‍ज्‍योगी सुङदेन ङ्यिहन्‍दी ची़गेनया़ गा सोनाम-साक्‍पु यिहम्‍बा!” म़ेदी सुङ नाङसीन।

यूहन्‍ना 14:15

ख्‍यागी ङाहला तेहम्‍बाराङ चेवा पेहकें यिहनानी ङाहगी काया़ॱआङ ची़ज्‍ये येह।

यूहन्‍ना 14:18

ङाह ख्‍याया़ला टो़टे पेहजाया़ला ल़ेहमु पेहती क्‍युर मे़हज्‍याएँ, ङाह येहपाराङ ख्‍यासाला ओहङज्‍ये येह।

यूहन्‍ना 15:14

ङाहगी माक्‍यो काया़ ख्‍यागी ङ्यिहन्‍सीन माना, ख्‍या ङाहती रो़ह यिहम्‍बा।

यूहन्‍ना 16:14

ङाहगी माक्‍योकी तामया़ ख्‍याया़ला स्‍य़े नाङदी मिहरोगी ङाहती ज़िज्‍यिद जे नाङज्‍ये येह।

यूहन्‍ना 16:27

च्‍यिबेमाना याहप राहङगीराङ ख्‍याला चेवा जे नाङगे, च्‍यिबेमाना ख्‍यागी ङाहला चेवा पेहती येह, ओहले ङाह किन्‍ज्‍यो लाहमले ओहङसीन म़ेदी ख्‍यागी यिह छ्य़ेक्‍यो येह।

यूहन्‍ना 17:23

ङाह खुङ ङ्याम्‍बु ओहले राहङ ङाह ङ्याम्‍बु ज़्‍य़ू नाङदी येह। दि ल़ेहमु पेहती खुङॱआङ छाङबु पेहती च्‍यी़राङ ओहङ ख़ूज्‍यु। ओहले राहङगी ङाहला ताङ नाङदी चेवा जे नाङग्‍यो ल़ेहमु खुङया़लाॱआङ चेवा जे नाङसीन माएँ ताम जाम्‍बुलीङगी ङोह स्‍य़े ख़ूज्‍यु।

ल़ेह-पेन 22:18

‘ग्‍यो़बा-ग्‍यो़बा पेहती यरूशलेम क्‍युर ज़्‍या़दी सोङ! ख्‍येगी ङाहगी तेहन्‍दाला माएँगी ताम यरूशलेमगी मिहया़गी ङ्यिहन्‍ज्‍ये म़ेह’ म़ेदी किन्‍ज्‍योगी सुङ नाङसीन।

२ कोरिन्‍थी 12:8

दिला टा़ह च्‍य़ू नाङदोङ म़ेदी ङाहगी लेहमा सुम थु चो़वो ङ्याम्‍बु ओहर-छ्य़े स्‍युहसीन।

२ कोरिन्‍थी 3:18

ओहराङ थाम्‍ज्‍यी योल्‍सेन खा फे़क्‍यो तोहङबागी चो़वोकी ज़िज्‍यिद मेहलोङगी ठि पेहती तेन्‍गे, चो़वो थु यिहम्‍बा ओहले मिहरो लाहमले ओहङगेन्‍गी ओ़ह ज़िज्‍यिदगीॱराङ ओहराङला मिहरो ल़ेहमुराङ जे़दी छ्यिम्‍बु ज़िज्‍यिद-च्‍येन ङो़ले नोम फेप नाङगे।

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

२ थेसलोनिकी 2:16

ता़ह ओहराङला चेवा जे नाङगे दाङ काटीन लाहमले था़ म़ेहबाकी सेम-स्‍युक दाङ ज्‍यिबुराङ या़हबु रेहवा नाङगेन ओहराङ चो़वो येशू मास्‍यीका दाङ किन्‍ज्‍यो याहप राहङगीराङ,

२ तिमोथी 4:22

चो़वो ख्‍येगी नाम्‍स्‍यी ङ्याम्‍बुराङ ज़्‍य़ू नाङज्‍यु। ख्‍या ङ्याम्‍बु किन्‍ज्‍योकी काटीन ज्‍यू़-नाङज्‍यु।

१ यूहन्‍ना 2:5

यिहॱनाङ काहदी मिहगी चो़वोगी लुहङया़ ची़गे, खोगी तेहम्‍बा-तेहन्‍सुमॱराङ किन्‍ज्‍योला सेम तिहङ यिहन्‍ज्‍युराङ चेवा पेहक्‍यो ओहङगे। दि लाहमलेॱराङ ओहराङ किन्‍ज्‍यो ङ्याम्‍बु येहबा माएँ ताम क्‍यी़ह ज्‍योर ख़ूएँ।

१ यूहन्‍ना 3:1

त़ेदोङ, याहप्‍च्‍येन आबागी ओहराङला काहजे माहङबु निङज्‍यी जे नाङगु दु! मिहरोगी निङज्‍यीगी पेहती ओहराङ किन्‍ज्‍योगी छार्क्‍यीनया़ काहल्‍दी येहबा, यिहन्‍ज्‍येॱआङ ओहराङ तेहम्‍बाराङ किन्‍ज्‍योगी छार्क्‍यीनया़राङ यिहम्‍बा। ओ़ह सोङबे जाम्‍बुलीङकी मिहया़गी ओहराङला ङोह मे़हस्‍येएँ च्‍यिबेमाना खुङया़गी किन्‍ज्‍योला ङोह स्‍य़ेक्‍यो म़ेह।

१ यूहन्‍ना 5:3

च्‍यिबेमाना किन्‍ज्‍योगी काया़ ङ्यिहन्‍गेन्‍दीॱराङ ओहराङगी किन्‍ज्‍योला चेवा पेहक्‍यो यिहम्‍बा। किन्‍ज्‍योगी काया़ ची़ज्‍येला ओहजेबा खेन्‍दा-का़हबु म़ेह।

२ यूहन्‍ना 1:6

किन्‍ज्‍योगी नाङग्‍यो काया़ ची़दी डोएँदीॱराङ चेवा यिहम्‍बा। ख्‍येगी छ़ूगे यिहन्‍ज्‍युराङ थे़क्‍यो का दिराङ यिहम्‍बा, ओ़ह सोङबे ख्‍याया़गी चेवागी पे ता कोहएँ।

ज्‍याल्‍गा 2:17

सुती नाम्‍ज्‍यो येहबा खोगी ङ्यिहन्‍ज्‍यु, किन्‍ज्‍योकी थुगी छेन्‍छोकया़ला च्‍यि सुङ नाङगेराङ येहबा! सुगी क्‍याहल्‍गे, ङाह खुङया़ला पे़हदी ज़्‍या़क्‍योगी मन्‍न तेर्च्‍ये येह। ङाह खुङला तोह कार्पु च्‍यी़ॱआङ तेर्के, ओ़ह तोह कार्पुला मिहन साम्‍बा च्‍यी़ प्री़हदी येहबा। दि तोह कार्पु ज्‍योर्केया़गी मिहम्‍बा लेहमेन सुगीॱआङ ह्‍अ मेहकोहएँ।’”

ज्‍याल्‍गा 22:14

“मिहलीगी तोहङबोकी ओङ ज्‍योर्च्‍येला ओहले क्‍याहसाकी कोहलेगी नाहङला स्‍य़ूह ङ्युहङज्‍यु म़ेदी राहङगी काप्‍च्‍या ठी़दी चाङमा ज़्‍या़गेया़ काहजे सोनाम-साक्‍पु।

ज्‍याल्‍गा 3:20

त़ेदोङ, ङाह कोहला लाहङदी कोह तुहङगेनॱराङ येह। सुज्‍यीगी ङाहगी क़े थे़दे कोह खा फे़ तेर्सीमाना ङाह नाहङला ओहङज्‍ये येह ओहले ङाह खो ङ्याम्‍बु डेन साहज्‍ये येह ओहले खोॱआङ ङाह ङ्याङबुराङ साहज्‍ये येह।