ओहले येशूगी सुङ नाङसीन, “तेहम्बाराङ, ङाह ख्याया़ला माएँ, ख्याया़गी थेचुम माहबेबा पेहती तेहपा डुप्सीन माना दि को़स्यीङ तोहङबोला ङाहगी पेहक्यो ल़ेहमु ख्याया़गीॱआङ पेह ख़ूज्ये येह। ओहजेच्यीराङ मिहम्बा, ख्याया़गी दि काहङदोला, ‘पो़हदी छो-क्याहम्जोला ताहप सोङ!’ म़ेदी माॱनाङ ओ़ह ल़ेहमुराङ ओहङज्ये येह।
यूहन्ना 14:12 - ह्योल्मो12 तेहम्बाराङ ङाह ख्याया़ला माएँ, सुगी ङाहला यिह छ्य़ेगे, खोगी ङाहगी पेहक्यो ल़ेहमु ल़ेहया़ पेहच्ये येह, ओहले ओ़ह म़ेदीॱआङ छ्यिम्बु ल़ेहया़ पेहच्ये येह, च्यिबेमाना ङाह याहप्च्येन आबासाला डोॱराङ येह। အခန်းကိုကြည့်ပါ။ |
यूहन्ना 14:12
28 ပူးပေါင်းရင်းမြစ်များ
यिहॱनाङ दि स्याहल येशूगी नाम्पार-ताहक्पा थुगी तेहन्दाला सुङ नाङग्यो येहकें, ओहले ओ़ह नाम्पार-ताहक्पा थुदी येशू थो़ला यिह छ्य़ेगेया़गी ज्योर्च्ये पेहक्यो येहकें। ओहले ओ़ह नाम्पार-ताहक्पा थु ताहन्दा थुॱआङ किन्ज्योगी नाङदी म़ेहबा येहकें च्यिबेमाना येशू स्यिहङगामला लो़हदी फेप माहनाङ येहकें।
ओ़ह सुङगोराङ किन्ज्यो याहपगी येशूला राहङ ङ्याम्बुराङ राहङगी योबा ङो़ले ज़्या़ नाङदी येह ओहले राहङगी ताहम्ज्या ज़्या़ नाङग्यो ल़ेहमु जेती येशूला नाम्पार-ताहक्पा थु नाङसीन। ओ़ह नाम्पार-ताहक्पा थुराङ चो़वो छ्येवा येशूगी ताहन्दा ओहराङ थो़ला ज़्या़ नाङदी येह, ओ़ह ताम ख्या फे़बेया़गी ताहन्दा थोङदी, थे़दी ओ़हङदीॱराङ येहबा।
ကြော်ငြာတွေ