यूहन्‍ना 14:10 - ह्योल्‍मो

¹⁰ ङाह याहप ङ्याम्‍बु येह, ओहले याहप ङाह ङ्याम्‍बु ज़्‍य़ू नाङदी येह म़ेदी च्‍यि ख्‍ये यिह मे़हछ्येगे? ख्‍याया़ला माक्‍यो ताम ङाहगी राहङगीराङ जे़दी माक्‍यो मिहन। ङाह ङ्याम्‍बु ज़्‍य़ू नाङगे याहपगी राहङगी छ्या़लेया़ ङाह लाहमले जे नाङगेराङ येह।

यूहन्‍ना 14:10 ပူးပေါင်းရင်းမြစ်များ

यूहन्‍ना 10:30

याहप दाङ ङाह च्‍यी़राङ यिहन।”

यूहन्‍ना 10:38

ङाहनी याहपकी छ्या़लेया़ पेहको येह। ख्‍याया़गी ङाहला यिह मेहछ्ये़ॱनाङ ङाहगी पेहक्‍योकी ल़ेहया़ला यिह छ्य़ेदोङ ओहले ख्‍याया़गी, ‘याहप ङाह ङ्याम्‍बु ज़्‍य़ू नाङदी येह ओहले ङाह याहप ङ्याम्‍बु येह’ माएँ ताम क्‍यी़ह ज्‍योर्च्‍ये येह ओहले ङोह स्‍ये़ज्‍ये येह।”

यूहन्‍ना 11:26

ओहले ङाहला यिह छ्य़ेदी थार फान्‍ज्‍यो खो येहपाराङ नाहमॱआङ स्‍यिज्‍ये म़ेह। च्‍यि ख्‍ये दि तामला यिह छ्य़ेगे?”

यूहन्‍ना 12:49

च्‍यिबेमाना ङाहगी राहङ लाहमलेनी च्‍यिॱआङ ताम मा़हमे, यिहॱनाङ ङाहगी च्‍यि मा कोहकें यिहम्‍बा, ओहले काह-ठि पेहती मा कोहएँ यिहम्‍बा, ओ़ह ङाहला ताङ नाङगेन याहप राहङगीराङ ङाहला का नाङग्‍यो यिहम्‍बा।

यूहन्‍ना 14:11

ङाह याहप ङ्याम्‍बु येह ओहले याहप ङाह ङ्याम्‍बु ज़्‍य़ू नाङदी येह म़ेदी ङाहला यिह छ्य़ेदोङ। मिहन्‍सीमाना ङाहगी पेहक्‍योकी ल़ेहया़ला त़ेदी ङाहला यिह छ्य़ेदोङ।

यूहन्‍ना 14:20

ओ़ह ङ्यिहमु ‘ङाह ङाहगी याहप ङ्याम्‍बु येह, ओहले ख्‍या ङाह ङ्याम्‍बु येह, ओहले ङाह ख्‍या ङ्याम्‍बु येह’ माएँ ताम ख्‍यागी ङोह स्‍ये़ज्‍ये येह।

यूहन्‍ना 14:24

ङाहला चेवा मेहबेगेन्‍दीगी ङाहगी माक्‍योकी ताम मिहङ्यीहन्‍गे। ख्‍याया़गी थे़क्‍यो दि तामया़ ङाहती मिहन, यिहॱनाङ ङाहला ताङ नाङगे याहपती यिहम्‍बा।

यूहन्‍ना 17:8

च्‍यिबेमाना राहङगी ङाहला नाङग्‍योकी सुङदेन ङाहगी खुङया़ला तेर्ती येह, ओहले खुङया़गी ओ़ह सुङदेन ची़दे येह। ङाह तेहम्‍बाराङ याहप-साले ओहङग्‍यो यिहन म़ेदी खुङया़गी या़हबु पेहती ङोह स्‍ये़दे येह। ओहले याहपगीॱराङ ङाहला ताङ नाङग्‍यो यिहन म़ेदी खुङया़गी यिह छ्य़ेदी येह।

यूहन्‍ना 3:2

ओहले कुहङमु च्‍यी़ खो येशूसाला ओहङदी मासीन, “लोबेन ला़ह, ङ्यिहला क्‍यी़ह येह राहङ किन्‍ज्‍यो लाहमले ङ्यिहला लोप्‍च्‍येला फेप नाङग्‍यो यिहम्‍बा, च्‍यिबेमाना किन्‍ज्‍यो राहङ ङ्याम्‍बु ज़्‍य़ू माहनाङबा यिहनानी राहङगी जे नाङग्‍यो ल़ेहमु दि याहम्‍जेम्‍बागी ताक्‍छेनया़ सुज्‍यीगीॱआङ पेह मी़हखुएँ।”

यूहन्‍ना 5:17

ओहले येशूगी खुङया़ला सुङ नाङसीन, “ङाहगी याहपगी ताहन्‍दा थु छ्या़ले जे नाङगेराङ येह, ओहले ङाहॱआङ ल़ेह पेहकेनॱराङ येह।”

यूहन्‍ना 5:19

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, स़ेबु राहङगीनी च्‍यिॱआङ पेह मी़हखुएँ, यिहॱनाङ याहपगी च्‍यि जे नाङग्‍यो थोङगे ओ़ह च्‍यी़राङ पेहकें, च्‍यिबेमाना याहपगी च्‍यि जे नाङगे, स़ेबुगीॱआङ ओहराङ पेहकें।

यूहन्‍ना 7:16

ओहले येशूगी खुङया़ला ल़ेहन क्‍याहप्‍ती सुङ नाङसीन, “ङाहगी सुङदेन ङाहती मिहन, यिहॱनाङ दि सुङदेन ङाहला ताङ नाङगेन किन्‍ज्‍योदी यिहम्‍बा।

यूहन्‍ना 8:28

ओ़ह सोङबे येशूगी सुङ नाङसीन, “ख्‍याया़गी मिहगी स़ेबुला क्‍या़दी क्‍याहङस्‍यीङला च्‍याङ फान्‍ज्‍यो, ङाह ओ़हदीॱराङ यिहन म़ेदी ख्‍याया़गी ह्‍अ कोहज्‍ये येह, ओहले ङाह राहङ ओङगी नि च्‍यिॱआङ पेह मी़हखु, यिहॱनाङ याहपगी लोप नाङग्‍योकी स्‍याहलया़ च्‍यी़राङ माएँ म़ेदी ख्‍याया़गी ङोह स्‍ये़ज्‍ये येह।

यूहन्‍ना 8:38

ङाह राहङगी याहप ङ्याम्‍बु तेहकेमु च्‍यि च्‍यि थोङबा ओ़हगी तेहन्‍दालाराङ माएँ ओहले ख्‍याया़गीॱआङ राहङगी आबा ङ्याम्‍बु तेहकेमु च्‍यि च्‍यि थे़बा ओहराङ पेहकें।”

यूहन्‍ना 8:40

ङाहगी किन्‍ज्‍यो लाहमले थे़क्‍योकी तेहन्‍दाम ख्‍याया़ला म़ेदी येह, यिहॱनाङ ताहन्‍दा ख्‍यागी ङाहला सेच्‍ये छोल्‍गु दु। दि ल़ेहमु ल़ेहनी अब्राहामगी माहबे ले।

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।

२ कोरिन्‍थी 5:19

येशू मास्‍यीका लाहमले किन्‍ज्‍योगी मिह थाम्‍ज्‍यीला येहपाराङ थिन च्‍य़ू नाङगेराङ येह। किन्‍ज्‍योगी खुङया़गी तिहक्‍पाया़ च्‍यिॱआङ टाहङजी ज़्‍या़ माहनाङ, यिहॱनाङ खुङया़ला किन्‍ज्‍यो ङ्याम्‍बु थिन च्‍य़ूएँ ठालगी लेहङगु मिहरोगी ङ्यिहला चि क्‍याहप नाङसीन।

कलस्‍सी 1:19

च्‍यिबेमाना किन्‍ज्‍यो राहङ ङ्याम्‍बु येहकेन्‍गी ना थाम्‍ज्‍यीकी छाङबु मास्‍यीकाला ज़्‍य़ू नाङज्‍येला मिहरोगी थु काहसो जे नाङसीन।

कलस्‍सी 2:9

च्‍यिबेमाना मास्‍यीकाकी कुसोला किन्‍ज्‍योगी थाम्‍ज्‍यी गीनया़ छाङबु जेती ज़्‍य़ू नाङदी येह।

१ यूहन्‍ना 5:7

ओ़ह सोङबे येशू मास्‍यीकाकी तेहन्‍दाला पाङबु तेर्केन तामया़ सुम येहबा–