यूहन्‍ना 14:1 - ह्योल्‍मो

¹ ओहले येशूगी स्‍याहप्‍च्‍यीला सुङ नाङसीन, “ख्‍याया़गी सेम छाबा-छुबे माहबे, ख्‍यागी किन्‍ज्‍योला यिह छ्य़ेक्‍यो ल़ेहमु ङाहॱलाङ यिह छ्य़ेदोङ।

यूहन्‍ना 14:1 ပူးပေါင်းရင်းမြစ်များ

यूहन्‍ना 11:33

ओहले येशूगी मरियम दाङ मोहगी तिङदा तिङ ओहङग्‍योगी यहूदीया़ॱआङ ङी़हदी तेहक्‍यो ज़ी़ नाङ फान्‍ज्‍यो येशूकी थु ङ्युङसीन ओहले ज्‍यिबुराङ छाबा-छुबे जे नाङसीन।

यूहन्‍ना 12:27

“ताहन्‍दा ङाहगी सेम ज्‍यिबुराङ छाबा-छुबे काहल्‍दी येह, ता़ह ङाह च्‍यि माज्‍ये? ‘ओ़ याहप, ङाहला दि ती़हजी यिहन्‍ज्‍यु थार च्‍य़ू नाङदोङ’ म़ेदी स्‍य़ूहज्‍ये ले? मिहम्‍बा, दि तुहक्‍पु खुर्च्‍येलाराङ ङाह दि जाम्‍बुलीङला ओहङग्‍यो यिहम्‍बा।

यूहन्‍ना 12:44

येशूगी सुङ-क़े छ्यिम्‍बु तेन्‍दी सुङ नाङसीन, “ङाहला यिह छ्य़ेगेया़गी ङाहला मिहम्‍बा, यिहॱनाङ ङाहला ताङ नाङगेन्‍दीला यिह छ्य़ेगे।

यूहन्‍ना 13:19

दि केच्‍या तेहन्‍दा डुप्‍के म़ेदी तोहङलेराङ ङाह ख्‍याया़ला ताहन्‍दा माएँराङ येह, ओ़ह केच्‍या तेहन्‍दा डुप्‍केमु ङाह ओ़हदीॱराङ यिहन म़ेदी ख्‍याया़गी यिह-छ्य़े ख़ूज्‍यु।

यूहन्‍ना 16:24

ताहन्‍दा थु ख्‍यागी ङाहती मिहनला च्‍यिॱआङ लाङदी म़ेह। लाङदोङ, ओहले ख्‍यागी ज्‍योर्च्‍ये येह, दि ल़ेहमु पेहती ख्‍यागी काहसो छाङबु डोज्‍ये येह।

यूहन्‍ना 16:3

मिहया़गी याहप दाङ ङाहला ङोह मा़हस्‍येबा सोङबे ख्‍याया़ला दि रोहवा पेहच्‍ये येह।

यूहन्‍ना 16:6

ङाहगी दि ताम माक्‍यो सोङबे ख्‍याया़गी सेम तुहङालगी काहङदी येह।

यूहन्‍ना 6:40

च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

२ कोरिन्‍थी 2:7

यिहॱनाङ ख्‍याया़गी खोला कोहङदा तेर कोहएँ ओहले सेम लो तेहमु ओहङ च्‍य़ू कोहएँ, मिहन्‍सीमानानी खो ज्‍यिबुराङ तुहङाल पेहती तेहटो।

एफिसी 1:15

ओ़ह सोङबे चो़वो येशू थो़ला येहकेन ख्‍याया़गी तेहपा दाङ मास्‍यीकाकी नाम्‍पार-ताहक्‍पा मिहया़ थो़ला येहकेन ख्‍याया़की चेवाकी तेहन्‍दाला ङाहगी थ़ेसीन।

२ थेसलोनिकी 2:2

लाहलागी नाम्‍स्‍यी लाहमले, लाहलागी सुङ लाहमले ओहले लाहलागी ङ्यिहती ल़ेहमुराङ यिह लाहमले चो़वोकी ङ्यिहमा लेप सिहन्‍दी येह म़ेदी स्‍य़ेसीन माना, ओ़ह केच्‍या थे़दी ख्‍या फे़बे मे़हमेया़की सेम मा़हन्‍ज्‍यीज्‍यु ओहले का माहक्‍याहल्‍ज्‍यु।

१ पत्रुस 1:21

ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।