यूहन्‍ना 13:33 - ह्योल्‍मो

³³ ए ङाहगी पेहजाया़, ता़हनी ङाह ख्‍या ङ्याम्‍बु ङ्यिहमा तोबा थु च्‍यी़राङ लिहच्‍ये येह। ख्‍याया़गी ङाहला छोल्‍ज्‍ये येह, ओहले ङाहगी यहूदी गोबाया़ला माक्‍यो ल़ेहमुराङ ख्‍याया़ॱलाङ माएँ ‘ङाह का़हला डोॱराङ येहबा, ओ़हला ख्‍याया़ ओहङ ख़ूज्‍ये म़ेह।’

यूहन्‍ना 13:33 ပူးပေါင်းရင်းမြစ်များ

यूहन्‍ना 13:36

ओहले सिमोन-पत्रुसगी येशूला टी़हसीन, “ओ़ चो़वो, राहङ का़हला फेप नाङगेराङ येहबा ले?” ओहले येशूगी सुङ नाङसीन, “ङाह डोएँगी ग्‍या़ला ख्‍ये ताहन्‍दा तिङ ङ्यादी ओहङ मी़हखुएँ, यिहॱनाङ तिङलेनी ख्‍ये ओहङ ख़ूज्‍ये येह।”

यूहन्‍ना 14:19

ता़ह ङ्यिहमा तोबा तिङले जाम्‍बुलीङगी ङाहला नाहमॱआङ थोङज्‍ये म़ेह, यिहॱनाङ ख्‍याया़गी ङाहला थोङज्‍ये येह। ङाह सोम्‍बो यिहन्‍गे सोङबे ख्‍याया़ॱआङ सोम्‍बो ओहङज्‍ये येह।

यूहन्‍ना 14:2

ङाहती याहपकी ज़िम्‍गाङला तेहसा ग्‍या़ माहङबुराङ येह, ओहले ङाह ख्‍याया़की तेहन्‍दाला ग्‍या़ ठाबे पेहच्‍येला डोॱराङ येह। मिहन्‍नानी ङाहगी ख्‍याया़ला दि रोहवा ताम माज्‍येराङ म़ेहबा येहकें।

यूहन्‍ना 7:36

‘ख्‍यागी ङाहला छोल्‍ज्‍ये येह, यिहॱनाङ च्‍य़ेह सिहन्‍ज्‍ये म़ेह’ च्‍यिबेमाना ‘ङाह डोएँगी ग्‍या़ला ख्‍याया़ ओहङ मी़हखु’ म़ेदी गा माउ दु। दि च्‍यि माज्‍ये छोल्‍ग्‍यो यिहम्‍बा नि स्‍युस्‍ये?”

गलाती 4:19

ए ङाहगी पेहजाया़, मास्‍यीकाती ल़ेहमुराङ डोलु-तेहलुया़ ख्‍याया़गी मिहलीला माहथोङ थु पेहजा क्‍येएँ ती़हजीला आमागी काह-ठि पेहती सुह ना़गे ओ़ह ल़ेहमुराङ तुहक्‍पु ताहन्‍दा ङाहगी ना़गेॱराङ येहबा।

१ यूहन्‍ना 2:1

ए ङाहगी च्‍याहम्‍बु पेहजाया़, ख्‍यागी तिहक्‍पा माहबे म़ेदी ङाह ख्‍याया़ला दि यिहगी प्रुहएँॱराङ येहबा। यिहॱनाङ सुज्‍यीगी तिहक्‍पा पेहसीमाना याहप ङ्याम्‍बु ओहराङ छ्यो़ले स्‍याहल सुङ तेर्के मेहन्‍दा च्‍यी़ येहबा, ओ़ह टाहङबु येशू मास्‍यीका यिहम्‍बा।

१ यूहन्‍ना 4:4

ङाहगी च्‍याहम्‍बु पेहजाया़, ख्‍याया़नी किन्‍ज्‍योदी यिहम्‍बा, ख्‍यागी चिहन क्‍याहप्‍केन लुहङतेम्‍बाया़ला क्‍याहल्‍दी येहबा, च्‍यिबेमाना ख्‍याया़ ङ्याम्‍बु ज़्‍य़ू नाङगेन किन्‍ज्‍यो दि जाम्‍बुलीङला येहकेन्‍गी ती़ह म़ेदी ज्‍यिबुराङ ओङ छ्यिम्‍बु येहबा।

१ यूहन्‍ना 5:21

ए ङाहगी पेहजाया़, ख्‍याया़ कुया़ ङो़ले था़-रिहङबुराङ तेह।