यूहन्‍ना 13:21 - ह्योल्‍मो

²¹ दि स्‍याहल सुङ छर फान्‍ज्‍यो येशू ज्‍यिबुराङ थु ङ्युङसीन। ओहले राहङगी स्‍याहप्‍च्‍यीया़ला प्रा साल्‍दी सुङ नाङसीन, “तेहम्‍बाराङ ङाह ख्‍याला माएँ, ख्‍या नाहङले मेहन्‍दा च्‍यी़गी ङाहला ज़ुङ च्‍य़ूज्‍ये येह।”

यूहन्‍ना 13:21 ပူးပေါင်းရင်းမြစ်များ

मत्ती 26:21

साहप्‍च्‍या छ्येकेॱराङ जेकेमु येशूगी सुङ नाङसीन, “तेहम्‍बाराङ ङाह ख्‍याया़ला माएँ, ख्‍याया़ नाहङलेॱराङ मेहन्‍दा च्‍यी़गी ङाहला ज़ुङ च्‍य़ूज्‍ये येह।”

मत्ती 26:38

ओहले येशूगी स्‍याहप्‍च्‍यीया़ला, “ङाहगी सेम ज्‍यिबुराङ तुहङालगी काहङदी निङ फोङज्‍ये ल़ेहमुराङ काहल्‍सीन। ख्‍याया़दी देला ङ्यि मा़हलोहबा पेहती ङाहला रो़ह पेह लाङ।” म़ेदी सुङ नाङसीन।

मर्कूस 14:18

डेन छ्येके छ्ये़एँमुॱराङ येशूगी सुङ नाङसीन, “तेहम्‍बाराङ ङाह ख्‍याला माएँ, ख्‍या नाहङलेॱराङ ङाह ङ्याम्‍बु साहएँ मेहन्‍दा च्‍यी़गी ङाहला ज़ुङ च्‍य़ूज्‍ये येह।”

मर्कूस 3:5

ओ़ह सोङबे येशूगी थुयाल ज़्‍याङदी खुङ थाम्‍ज्‍यीलाराङ ज़ी़ नाङसीन। ओ़ह मिहया़गी सेम सान्‍दी ज़ी़ नाङदी येशूगी ज्‍यिबुराङ थु ङ्युङबु जे नाङसीन। ओहले येशूगी ओ़ह मिहला सुङ नाङसीन, “ख्‍येगी लाहक्‍पा क्‍याङदोङ ले।” ओहले ओ़ह मिहगी लाहक्‍पा क्‍याङसीन ओहले खोगी लाहक्‍पा टा़हसीन।

यूहन्‍ना 11:33

ओहले येशूगी मरियम दाङ मोहगी तिङदा तिङ ओहङग्‍योगी यहूदीया़ॱआङ ङी़हदी तेहक्‍यो ज़ी़ नाङ फान्‍ज्‍यो येशूकी थु ङ्युङसीन ओहले ज्‍यिबुराङ छाबा-छुबे जे नाङसीन।

यूहन्‍ना 11:35

ओहजेला येशूॱआङ स्‍युम नाङसीन।

यूहन्‍ना 11:38

ओहले येशू येहपाराङ ज्‍यिबुराङ थु नाहमु जेती लाजरसकी फुङबु ज़्‍या़क्‍योगी तुहर्सा ङो़ले फेप नाङसीन। ओ़ह तुहर्सादी फुक्‍पा च्‍यी़ला ज़ोक्‍यो येहकें ओहले ओ़ह फुक्‍पागी कोहला तोह छ्यिम्‍बु च्‍यी़गी का़क्‍यो येहकें।

यूहन्‍ना 12:27

“ताहन्‍दा ङाहगी सेम ज्‍यिबुराङ छाबा-छुबे काहल्‍दी येह, ता़ह ङाह च्‍यि माज्‍ये? ‘ओ़ याहप, ङाहला दि ती़हजी यिहन्‍ज्‍यु थार च्‍य़ू नाङदोङ’ म़ेदी स्‍य़ूहज्‍ये ले? मिहम्‍बा, दि तुहक्‍पु खुर्च्‍येलाराङ ङाह दि जाम्‍बुलीङला ओहङग्‍यो यिहम्‍बा।

यूहन्‍ना 13:18

ङाहगी ख्‍या थाम्‍ज्‍यीगी तेहन्‍दाला माक्‍यो मिहम्‍बा, ङाहगी दाम्‍ग्‍योया़ला ङाह ङोह स्‍य़ेएँ। यिहॱनाङ सुङरापगी स्‍याहल तेहन्‍दा डुप च्‍य़ू म़ेदीराङ दि काहल्‍ग्‍यो यिहम्‍बा, ‘ङाह ङ्याम्‍बु खुरा साहएँ मिहराङ ङाहती टा़ह काहल्‍सीन’।

यूहन्‍ना 13:2

ओहले कुहङॱसेगी सोल छ्येकेन्‍गी ती़हजीला ती़ह गो-छ्येवागी सिमोनकी पुह यहूदा इस्‍करियोतकी सेमला येशूला ज़ुङ तेर्केन्‍गी साम्‍लु तोहङलेराङ ल़ू सिहन्‍दी येहकें।

यूहन्‍ना 13:22

येशूगी दि स्‍याहल सुगी तेहन्‍दाला सुङ नाङग्‍यो यिहम्‍बा म़ेदी स्‍याहप्‍च्‍यीया़ ह्‍अ ल़ेहदी च्‍यी़गी च्‍यी़ला तासीन।

ल़ेह-पेन 17:16

पावल एथेन्‍स क्‍याहसाला लेप्‍ती सिलास ताङ तिमोथीला कू़हदे तेहकेमु ओ़ह क्‍याहसाला कुॱराङ कुगी काहङग्‍यो थोङदी खोगी सेम ज्‍यिबुराङ नाहसीन।

१ यूहन्‍ना 2:19

ओ़ह टाहया़ ओहराङ नाहङलेॱराङ थेन्‍दी काहल्‍सीन, च्‍यिबेमाना खुङ ओहराङदी मिहम्‍बा यिहन्‍गे। का़हलेॱआङ खुङया़ ओहराङदी यिहम्‍बा यिहनानी खुङ ओहराङ ङ्याम्‍बुराङ तेहच्‍ये येहकें। खुङ ओहराङदी मिहम्‍बा दु म़ेदी या़हबु पेहती क्‍यी़ह ज्‍योर्च्‍येला खुङया़गी ओहराङला क्‍युर ज़्‍या़दी काहल्‍सीन।