यूहन्‍ना 13:20 - ह्योल्‍मो

²⁰ तेहम्‍बाराङ ङाह ख्‍याया़ला माएँ, ‘का़हन्‍दीला ङाह ताङगे, खोला लोक पेहकेन्‍दीगी ङाहॱलाङ लोक पेहकें, ओहले ङाहला लोक पेहकेन्‍दीगी ङाहला ताङ नाङगेन्‍दीॱलाङ लोक पेहकें’।”

यूहन्‍ना 13:20 ပူးပေါင်းရင်းမြစ်များ

मत्ती 25:40

ओहजेला ज़्‍य़ू-ठिला ज़्‍य़ू नाङगे क्‍याहल्‍बुगी दि ल़ेहमु सुङदी ल़ेहन क्‍याहप नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि पेहपा, ओ़ह ङाहलाराङ पेहक्‍यो यिहम्‍बा’।”

मर्कूस 9:37

“ङाहगी मिहनला दि ल़ेहमु पेहजाया़ला फेप स्‍युहगेनया़गी ङाहलाराङ फेप स्‍य़ूहएँ ओहले ङाहला फेप स्‍युहगेनया़गी ङाहला च्‍यी़राङ मिहम्‍बा, ङाहला ताङ नाङगेन याहपलाराङ फेप स्‍य़ूहक्‍यो यिहम्‍बा।”

लूका 10:16

ओहले येशूगी स्‍याहप्‍च्‍यीया़ला सुङ नाङसीन, “ख्‍यागी ताम ङ्यिहन्‍गेन्‍दीगी ङाहगी ताम ङ्यिहन्‍गे, ख्‍याला मिहङ्यीहन्‍गेया़गी ङाहॱलाङ मिहङ्यीहन्‍गे, ओहले ङाहला मिहङ्यीहन्‍गेया़गी ङाहला ताङ चाहङ नाङगेन किन्‍ज्‍योॱलाङ मिहङ्यीहन्‍गे” म़ेदी येशूगी सुङ नाङसीन।

लूका 9:48

ओहले खुङया़ला सुङ नाङसीन, “सुगी ङाहगी मिहनला दि ल़ेहमु पेहजाला चा़ पेहकें, खोगी ङाहला चा़ पेहकें, खोगी ङाहला ताङ ताङगेन्‍दीॱलाङ चा़ पेहकें। च्‍यिबेमाना ख्‍या नाहङला सु थाम्‍ज्‍यी म़ेदी फेमा येहबा, खोराङ छ्यिम्‍बु ओहङगे।”

गलाती 4:14

ङाह नेहपा काहल्‍ग्‍योकी ती़हजी ओ़ह ख्‍याया़गी तेहन्‍दाला ङ्याहम्‍छे च्‍यी़ यिहन्‍गे, यिहॱनाङ ख्‍याया़गी ङाहला क्‍युक्‍टो माहबे, ङ्याप्‍च्‍यु माहबे यिहन्‍दी सुङनाङ ख्‍यागी ङाहला किन्‍ज्‍योकी स्‍यिहङगामकी स्‍याहप्‍च्‍यी च्‍यी़ला, मास्‍यीका येशूला ल़ेहमुराङ पेहती ची़नाङ पेहसीन।

कलस्‍सी 2:6

ओ़ह सोङबे काह-ठि पेहती ख्‍याया़गी मास्‍यीकाला लोक पेहपा, ओ़हठीॱराङ पेहती मिहरोला थु ङ्ये़एँगी मिहजी ताङदोङ।

१ थेसलोनिकी 4:8

ओ़ह सोङबे का़हन्‍दीगी दि लुहङला मी़हचीएँ ओ़हदीगी मिहला मिहम्‍बा, किन्‍ज्‍योलाॱराङ मी़हचीएँ, ओ़ह किन्‍ज्‍योगीॱराङ ख्‍या फ़ेबे-म़ेहमेया़ला नाम्‍पार-ताहक्‍पा थु नाङसीन।