यूहन्‍ना 13:17 - ह्योल्‍मो

¹⁷ ख्‍याया़गी दि ताम ङोह स्‍य़ेदी दिला ते़बे ल़ेह पेहसीमाना, किन्‍ज्‍योगी ख्‍याया़ला मेलाम नाङज्‍ये येह।

यूहन्‍ना 13:17 ပူးပေါင်းရင်းမြစ်များ

मत्ती 12:50

च्‍यिबेमाना स्‍यिहङगामला ज़्‍य़ू नाङगेन्‍गी ङाहगी याहपगी का ङ्यिहन्‍गेया़ॱराङ ङाहगी नो़ह, नुहमु दाङ आमा यिहम्‍बा।”

लूका 11:28

दि ताम सेन्‍दी येशूगी, “किन्‍ज्‍योगी सुङदेन ङ्यिहन्‍दी ची़गेनया़ गा सोनाम-साक्‍पु यिहम्‍बा!” म़ेदी सुङ नाङसीन।

यूहन्‍ना 15:14

ङाहगी माक्‍यो काया़ ख्‍यागी ङ्यिहन्‍सीन माना, ख्‍या ङाहती रो़ह यिहम्‍बा।

रोमी 2:13

च्‍यिबेमाना छ्य़े-ठिम ङ्यिहन्‍गेया़ किन्‍ज्‍योकी दिनला टाहङबु मी़हसीहएँ, यिहॱनाङ छ्य़े-ठिम ची़गेया़ टाहङबु सी़हज्‍ये येह।

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

याकूब 1:25

यिहॱनाङ का़हन्‍दीगी, मिहया़ला ना थाम्‍ज्‍यीले खा फ़ेगेन याहङ-ताहक्‍पा ठिम ङो़ले राहङ मी़ क्‍या़दी ताएँ ओहले ची़गे, ङ्यिहन्‍दी टेहम्‍बा च्‍येहके मिहम्‍बा ल़ेहॱआङ पेहकें, खोगी राहङ ल़ेहला मेलाम ज्‍योर्च्‍ये येह।

याकूब 4:17

ओ़ह सोङबे या़हबु ल़ेह पेह कोहएँ म़ेदी ङोह स्‍य़ेदी स्‍य़ेदीॱआङ का़हन्‍दीगी मेहबेकें खोला तिहक्‍पा फो़गे।

ज्‍याल्‍गा 22:14

“मिहलीगी तोहङबोकी ओङ ज्‍योर्च्‍येला ओहले क्‍याहसाकी कोहलेगी नाहङला स्‍य़ूह ङ्युहङज्‍यु म़ेदी राहङगी काप्‍च्‍या ठी़दी चाङमा ज़्‍या़गेया़ काहजे सोनाम-साक्‍पु।